Filipai 1:9 - Saposa

⁹ Ai tovein faakats tsonyo tsumi: nyo faakats of maromi an mangiir tsumi ma ruak iny parits patsukanem naa ya of ir a mesapan, ai tan nainy kan to aya mi te natiny a saa na man na, ana mi te tagaa tsuktsuk iny a tavaron ana iring.

Filipai 1:9 ပူးပေါင်းရင်းမြစ်များ

1 Korin 14:20

Fuainy vamuinyasiny fafaaman tsonyo, mi ma fakats vaare faarei rarom guei, sana mi ma fakats faareir gogueii to te gim ror ma fakats kat iring. Sana mes a foka to, ami ma fakats ya faarei rom vainy matsua tan vegiau tan mes vegiau fafoofan kanen.

2 Korin 8:7

Ami karap fafis pis iny rom a mesapan nar vainy fafaaman tana fo mamatsiny sanaan: koman a faason tsumi ten Krais, ai to kan te favaanan fi romin Vurungan Rof, ai to kan tana nat a man tsumi, ai to te komainy fiisok romi ma fafaakouts ir a mesapan, ai to kan tan mangiir tsumi tsumam. Ai tovei, nyo koman maromi ma karap fafisfis pis ir a mesapan tan kat to ayei, tana koma ree'un tan fafaan ka tan vainy fafaaman aaruts.

Efeses 5:17

Piou vaare yam, sana mi ma tanaf am natiny ton koman tana Tsunaun ma kat ami.

Kolosi 1:9

Tan kat to aya, tsumam faakats patsukanem man na of mami tan nainy te nongoiny faamuainy amam ami, ana mam rangats to Gov ma nat faman iny ami na fo mamatsiny ka te komainy non e Gov ami ma kat ya, ito mi te faarei vainy te kaa miror a nat a rof, ana mi te tagaa fa'arasan iny a saa na man na, ana saa na gam na tana ka nan aaven,

Kolosi 3:10

tana saa, ami te ruak iny mes a foun em, ito aya e Gov, Ayei te kat mami to tsumi ruak me, sa naa kanen nanon tan faarei famainy Ya, ma nat faavot nats iny ami na man nan ya to, ma nat faarof iny ami Ya.

Vaamuan Tesalonaika 3:12

Mam faakats rom tana Tsunaun ma faatok mamin kat tan fimamangiir isiseiny mes ana vainy faavot, ma karap faarei mi yan mangiir te kaa miromam tsumi.

Vaamuan Tesalonaika 4:1

Fafakap nan ya, fuainy vamuinyasiny fafaaman tsonyo, ami nat faamuan bus iny kat iny fapaparei e Gov tana tou kaakaa tsumi, tana saa mi nat bus iny a fo faatsuts te faan iny amam tsumi to te poo fi me ten Jisas a Tsunaun. Ami kaa rom koman Ya, tan kat to aya, mam sing faparits maromi tana asangan e Jisas a Tsunaun ma vovou faarof fatatabin patsukan iny amin vegiau Tsunia.

Fafuan Tesalonaika 1:3

Amam natiny tsue faarof rom ten Gov, to tsumin vamuinyasiny fafaaman tsonyo tan mamatsiny nainy. U kat to ayein tavaron fiisok tsumam, tana saa a faason ten Jisas tsumi te karap minon, an fimamangiir tsumi men isiseiny mes te karap ovei kanen.

Filimon 1:6

Nyi fikavuu me na foka tsuam tsuri tana saa nyi faason ten Krais, ana nyo faakats rou ten Gov ma kat fatatabin fi kanem anyi jesan tana mesapan, ai tana tou fikavuu tsumanyi to ayei, nyi nai nat fatatabin pis emanats rom tana fo mamatsiny kan rof to te kaa mirora koman e Krais Jisas.

Hiburu 5:14

Sai te faarei non a kainy ainy a parits, kaa tan vainy matsua, an faatsuts parits a ka tan vainy fafaaman to te faarei ror vainy matsua tana faaman, an vainy fafaaman to ari, te faarei rarori to te nom bus a nat tan fafaatsuts parits ana ri te natiny a ka fapoopoan nan kat tavaron an kat iring ma kat ari.

1 Pita 1:22

Tovei roman, mi fataabos bus a aavem ito tan manaats vegiau man, to sa mi kaa men kat iny mangiir famainy fuainy vamuinyasiny fafaaman tsumi, mi ma kaa men mangiir tsian tana fo aave mami tan fuainy vamuinyasiny tsumi,

2 Pita 3:18

Sana mi ma matsua me tana koma ree'un ana nat a rof tana Tsunaun tsura ana Tsoiny Fiisaup tsura Jisas Krais. Ara ma vamarits fatatabiny Ya tan mamatsiny nainy, a sikia ta fafakap nan! Man ovei.