2 Pita 2:9 - Saposa

⁹ Tsunaun saup fatabiny e Lot, sa man enanon Ayei kan natiny non kat iny saup fatabin ir vainy tavaron tana patang tsuri. Ana Tsunaun nom tap patsukainy non a fasaraa tan vainy pisiin to ari onot non tan nainy vaatsuk,

2 Pita 2:9 ပူးပေါင်းရင်းမြစ်များ

Matiu 10:15

Fakats yam a ka to, tan nainy vaatsuk, Gov nai fasaraa fifiiring rarori, fis nats non a fasaraa te nai faan iny non ya to tan vainy pisiin tana fan iny Sodom ai Gomora.”

Matiu 6:13

Fatamee vaare mamimam tan fiamus, Nyi te bei ot mamimam tana Vinasaar. A Waam Manyi, na reits, an siinaiv kaa na suu. Man ovei.’

Roum 2:5

Sai tovei, mi baainy emato, ma pangis a fo kat tsumi. Ai tana fo kat tsumi to ayei, mi kat fasevee fiisok rom e Gov. Ai tan nainy te nai fasarei non e Gov, a vainy tana iring te kat ari, Gov nai faatok rora fokinai, Tsunia te natiny vovou iny non kat tavaron tan nainy te fasarei non Ya na vainy.

1 Korin 10:13

Sana ka to ma ruak vaare tsumi ito te ruak fi ya tsuri, tana saa u fiamus to te ruak naa me tsumi ito te sikia non ma kat fuainy tan fiamus to te ruak tana mesapan. Ai tan nainy te ruak rori, ami sikia rom ma kat kat aveto, tana saa Gov suu famainy non tsuen man Tsunia ma faakouts rara Ya tana fo fiamus to ayei. Ayei gim non ma famanat iny tu fiamus ma ruak ya tsumi ito te gim romi ma onot a fatanai towa. Sai tan nainy te naa minon a fo fiamus to ayei, mi onot rom ma nai manaats e Gov, tana saa Ayei onot non ma faan mami na parits a reits Tsunia, ma kat amin koman Tsunia.

Fafuan Timoti 3:12

Eye, man ovei, ere sei te komainy ror ma kaa koman e Krais Jisas ee, ri te vovou koman ten Gov nai tafisuan raror.

Taitus 2:14

Jisas Krais, Ayei na Mes te faan bus iny a toto Tsuan tsura ma pats rara Ya tana tou tapuruur tana fo aveto tsura, ma fataabos rara Ya ra faarei miton vainy taabos u fasito Tsunia tsun, an kakoun iny kat a fo mamatsiny kat rof te koman fi non Ya.

2 Pita 2:4

A kifon a ka to ma nat faarof iny aran nainy te kat famainy non e Gov vaatsuk ana Ayei te fasaraa rarin fuainy tsoiny fifaatsuts gamgam to, tana saa, muan sen Gov gima tos ir mes panainy morena to te kat kat aveto, Ayei kotskots rari tana tseen, Ya vurat ratuari unya tana gaguur a uurup, anaanos ror nainy vaatsuk.

2 Pita 3:7

Jesan tsun kan tan senviir vegiau te pokei iny e Gov, Ayei makuts faarof patsukainy non a korosuu an puputaa, anaanos ror nainy te akoor rori tan guaf a rurei ratuari, tan nainy te tabin minon e Krais Ya te kat vaatsuk, ana vainy to ari na sikia ta Gov nai iring vavajia eraror tan nainy vaatsuk. An senviir vegiau tsun to aya te tsue faman bus Ya tana tou tabin me ten Krais, to sana ara nat fi ror nei, Ayei nai tabin fatabin minon.

Noun Te Kirkir E JUT 1:6

Fakats yam fo morena to te gima kaa tana pan tsuri fatoobing tana binun te faan rari Gov, ri naus osing a fo fan tsuar, to sana Tsunaun kotskots rari tan tseen sikia tu ta'ots nan tana pan a uurup fiisok te fakaa rarori Gov onot non te anaanos rorin nainy vaatsuk ten Gov ana fasaraa na suu unya Hel.

Vegiaun Tapokaa 3:10

Nyo nai makok faarof maromi tan nainy tana fo patang an saraa kamits te naa minon tana monaagits to, ka iny tanaf a vainy faavot tan puputaa tovei, tana saa, ami makuts fakap tsuen parits Tsonyo te tsue na ka, ‘Mi ma tsutsun fareits men anaanos faamo’.