2 Pita 1:12 - Saposa

¹² Tana kifon a ka to, nyo nai tsue fatatabin of maromi tan fo kat to aya, kainon to te nat bus iny ami ri ana mi nom tap faparits iny ton man nan vegiau nane Krais te nom ami.

2 Pita 1:12 ပူးပေါင်းရင်းမြစ်များ

Binun Tan Amaraav 16:5

Tan kat to aya sana rin gum nar vainy fafaaman parits me tana faason ten Krais ser ruak fakinai ovei er tan mamatsiny nainy.

Filipai 3:1

Vamuinyasiny tsonyo koman e Krais, tan fakap vegiau tsonyo te see kirkir ronyo, nyo komainy tsue fi rou nei, mamagat patsukan naa yam, tana saa ami te kaa iny vangura fiisen mirom a Tsunaun. Ai tovei, nyo gim rou ma faonot tan kirkir pis nats a ka te kirkir fakap bus anyo tsumi, ito ami ma taatag ir yam vainy te veer ror faatsuts man ten Krais, ami onot rom ma nom a rof, ito tan tsue pis ya tsumi iny faakouts mami ana ri te gima fagaug mami.

Kolosi 1:5

Tan vaamuan nan nainy te nongoiny amin Vurungan Rof nane Jisas Krais, sa nai onot me roman, to ami te naano iny anaanos rom a foka na fo rof te tsue iny Vurungan Rof to te kakoun of mami Gov Gormirmir, tana ka tsun to aya ayei na kifon ya tsumi faason ten Jisas Krais an tan mangiir faman ir vainy faavot ten Gov.

Kolosi 2:7

Ai tsun to aya, ami ma parits patsukanem manaa tan faason naa Tsunia, tan tsue of mami na sanaan iny kaa faparits, mi te kat patsukanem manaa, ana mi kan ma suu iny naa na faason, a root naa to tan vegiau man nane Krais, faarei to te faatsuts fi mami e Epafres, ana mi te via men kat iny faarof naa Gov tsura tan mamatsiny nainy.

Vaamuan Timoti 4:6

Nainy te favaanan finy naa rom anyin a fo fafaatsuts to tana fo vamuinyasiny fafaaman, anyi faarei rom a tsoiny binun a rof ten Krais Jisas, nyi ma faparits fatatabiny a aavem tan faatsuts te nom anyi tan Vegiau Nana Faason ana fo fafaatsuts man ten Krais to te vovou bus iny anyi.

Fafuan Timoti 1:6

Tan kat to aya, nyo komainy fatsuiny pis rou fakats tsumanyi ma faonot vaare nyi tan binun fiisen me na fifaan te faan manyi Gov tan nainy te fasaur anyo na nimau patsuu manyi,

Hiburu 10:32

Anofe vaaren nainy rof muan, to te nom faamuainy amin faatsuts ten Krais! Fakats nainy, to te makuts faarof ami, mi suu iny ton fakats tsuam ten Krais, kainon to tan nainy to te saraa kamits fi mi nimar a vainy, mi gim to ma faterof tana faaman.

Hiburu 13:9

Famanat vaare ir a fo viir faatsuts kaner to te ras fuainy maromi tana sanaan a tavaron ana man. Te rof fiisok non aave rara, ma parits me tana koma ree'un ten Gov, sikia ma tan manaats a fo faun tana kainy ainy; to tsuri to te manaats ror a fo faun to, fo faun to gim ror ma faakouts rari.

1 Pita 5:10

Voun a tou saraa kamits tsumi tana monaagits to tan ar nainy to aya, a Gov tana fo koma ree'un faavot to, fikoo mami tana asangan e Krais ma kaa fiisen mimi Ya tan siinaiv Tsunian saavits ana sikia ta fafakap nan, a Gov patsukanen to ayei nai fatoto, ai te fatsuiny pis mami, Ya te faparits mami, ana Ayei te kat mami am tsutsun fasuu to.

1 Pita 5:12

Nyo kirkir of maromin ar noun tovei fiisen men fifaakouts ten Sailas, to te nat faarof fiisok iny ronyo ana nyo faason fiisok rou tsunia faarei non a vamuinyasiny fafaaman. Nyo komainy tsue faparits of maromi koman noun tovei tana sanaan to tana man nana koma ree'un ten Gov to ayei, ma tsutsun fasuu mi tsunia.

2 Pita 1:13

Sana nyo pon fi rou nei te rof non tsonyo ma gungun pis mami ma fakats ami na foka to tan nainy te toto farokot ronyo,

2 Pita 1:15

To sana nyo vaputs rou, nyo te binun faparits ma kat anyo na sanaan ma fakats fatabiny ami na foka to ayei. Tan nainy te mat ronyo, mi nai fakats fatatabiny rom a foka te tsue nyo tsumi koman noun te kirkir ronyo tovei.

2 Pita 3:1

Fuainy vaatau faman tsonyo, u fafuan nan noun te kirkir ronyo tsumi tovei. Koman fuan noun to ayei, nyo pon rou ma gungun pis mami ma fakats faarof ami, am vovou iny ton kat tavaron.

2 Pita 3:17

Sana min fuainy vaatau faman tsonyo, to te nat bus iny a ka to, ma tamomots faarof, kat non san tsoiny fifaatsuts gamgam ito te ngatsngats faun ror ras mami am gim to ma faamainy faparits a Tsunaun to te kat fi romi roman.

Vaamuan Jon 2:21

Nyo kirkir naarou tsumi, sikia ma faarei mami te gim rom ma natiny a man; a sikia, ami nat bus iny a man, ana mi nat kan iny to na ka, u sikia tu gam te ising minon tana man.

Fafuan Jon 1:2

tana saa, a man te kaa non koma rara, ana man to ayei, te kaa fasuu enanon tan mamatsiny nainy.

Noun Te Kirkir E JUT 1:17

Sana min vaatau tsonyo, ma tamomots faarof! Am fakats fatabiny ton vegiau te kat fuainy amaraav tana Tsunaun tsura Jisas Krais muan.

Noun Te Kirkir E JUT 1:3

Fuainy vaatau faman tsonyo, muan tsonyo komainy ma kirkir fiisok of mami tana binun te kat bus e Gov to tan nainy te saup fatabiny fi rara Ya to te inainy fanatnat bus iny ara, sana nyo gima kirkir naa, sin tovei nyo nat evarou nyo ma kirkir a mes a ka kanen. Nyo komainy faparits maromi ma fatanai faparits am makok faarof ton fafaatsuts ten Krais to te faason rora tsunia. Faatsuts ten Krais to te faan bus iny e Gov tsuran vainy taabos, u fasito ten Krais tan sen tsun nainy ai tan mamatsiny nainy ara ma makuts ya ana ra te gima pangis geinygeiny ya.

Noun Te Kirkir E JUT 1:5

Tovei nyo komainy maromi ma fakats fatabin, kainon to te nat bus iny ami na foka to, fakats yam a Tsunaun to te saup fatabiny finy Ya na taa Isrel tana gum fan iny Ijip, ai vou Ya atsuiny famat fatabiny rato na vainy to te gima faamainy e Gov er manaats Towa.