2 Korin 8:7 - Saposa

⁷ Ami karap fafis pis iny rom a mesapan nar vainy fafaaman tana fo mamatsiny sanaan: koman a faason tsumi ten Krais, ai to kan te favaanan fi romin Vurungan Rof, ai to kan tana nat a man tsumi, ai to te komainy fiisok romi ma fafaakouts ir a mesapan, ai to kan tan mangiir tsumi tsumam. Ai tovei, nyo koman maromi ma karap fafisfis pis ir a mesapan tan kat to ayei, tana koma ree'un tan fafaan ka tan vainy fafaaman aaruts.

2 Korin 8:7 ပူးပေါင်းရင်းမြစ်များ

Matiu 25:22

“Ana tsoiny binun to te nom a fuan a tapan moni naa mito sa tsue na ka, ‘Nyi faan vanyo na fuan a tapan moni to, tsunaun. Tagaa! A mes a fuan na tapan moni to te faruak anyo.’

Roum 15:14

Fuainy vamuinyasiny fafaaman tsonyo, nyo fakats faparits maromi tana ka to, nyo nat rou mi natiny kat fatatabiny rom kat rof tana vainy, tana saa Gov faakouts bus mami sam natiny rom fo faatsuts ten Krais, ai tan kat to ayei, mi onot rom ma faatsuts isiseiny mes tsumi tana tou kaakaa tsumi mi te kat fapaparei e Gov tana fo kat tsumi.

1 Korin 1:5

tana saa, koman e Krais, Ayei faan bus mami na fo masun tan aaven tsumi, ito te kat fi mami Ya sam onot ma tsue pokaa of rom Ya tana mesapan. Ana Ayei kat matuami sam nat faarof iny rom e Gov ana man nan Vurungan Rof nane Krais.

1 Korin 12:13

Aran kinai fiisok, ana ran viir vainy kaner. Mesapan tsura na taa Jiu. Ana mesapan tsura na sikia ma taa Jiu. Mesapan tsuran fo vainy binun babainy. Ana mesapan tsura na sikia. Sa kainon to te kinai fi rora ana ran viir vainy kaner, sana ra na fokinai fapeenan bus er tan sen tsun puan ten Krais ai to kan tan sen tsun Aaven Taabos ana ra na fokinai nom ror senviir Aaven Taabos to ayei tan koman tsura.

1 Korin 12:8

Nyo faatok pis maromi tana man nan ya: Aaven Taabos faan iny non a nat a rof tana isen a mes, ma pokei yan vegiau ten Gov tana vainy. An senviir Aaven Taabos tsun to ayei, te kat non a mesmes a mes ma natiny yan vaanan ten Gov ma faakouts ir ya na vainy ma nat patsu ri.

1 Korin 13:2

Kainon to te onot fi ronyo ma nom vegiau to te poo fi minon ten Gov ana nyo te favaanan iny ya tana mesapan, ana nyo te onot ma natiny a fo fakats faamuan takop ten Gov, ana nyo te onot kan ma arasan iny a fo mamatsiny ka to te komainy ronyo ma natiny, ana nyo te onot ma faason ten Gov onot non ma kat a fo mamatsiny ka to te rangats fi ronyo Ya, kainon to te rangats fi ronyo Ya ma faan vanyo Ya na parits a reits iny fasas a tobeer iinin ya, ya te tasas naa tana mesapan, sai to te gim fi ronyo ma mangiir a mesapan, nyo na ka babainy tsun kan.

1 Korin 13:8

Mangiir nai kaa enanon tan mamatsiny nainy, a sikia ta fafakap nan. Aaven Taabos te faan iny a parits tana mesapan ma nom arin vaanan to te poo fi minon ten Gov ma favaanan of ari ya na mesapan, san tan nainy vou ana fo ka to te tsue iny e Gov nai ruak iny man ovei enanats non, to san favaanan nai kap enanon. Sa kainon to te faan kan finy naa non Aaven Taabos a parits tan mes vainy ma vegiau fafoofan ari, iton vegiau te gima ari ma natiny, nai kap kan enanon tan nainy vou. Kainon to te faan kainy finy non Aaven Taabos a mes a vainy na natiny fa'arasainy vaanan ten Gov ma faakouts rari ri na mesapan ma natiny arin vaanan Tsunia, nai kap kan enanon tan nainy vou, tana saa a fokinai faavot nai nat faarof iny rora fo mamatsiny ka to te komainy rarori Gov, ma natiny.

1 Korin 14:12

Jesan kan tsumi, tana saa ito te komainy fiisok fi romin a fo fifaan to te faan iny non Aaven Taabos tan vainy fafaaman, to sana mi rangats Ya na fo fifaan, ito te fafaakouts faarof fi non yan gum iny vainy fafaaman ten Krais ma ruak patsu faarei mi rin vainy fafaaman matsua tan aaven.

1 Korin 4:7

tana saa Gov gima faan mamin gumgum ma faaroiny amin tsoiny mumua tsumi. San e Gov te faan manyi na fo mamatsiny ka te kaa mirom anyi, ami ma tenoor vaare, men kat nan kat iny pisainy tsoiny mumua, tana saa Gov faan mami na fo mamatsiny ka te kaa miromi.

2 Korin 7:7

Tou ruak me ten Taitus kaa minon a paparaa, sana mes pis a ka tovei u vaanan to te mei mi ya te tsue na ka, mi fafasung faarof ya. Ayei tsue of mamam tsumi te komainy tagei fiisok pis maromam. Ana ayei tsue of kan vatuanyo na ka, mi reesik fiisok to te kat fijior fi mi nyo, ana mi kakoun rom ma sakaa tap vanyo, san tan kat to ayei, nyo paparaa fiisok pis rou tovei roman.

2 Korin 8:6

To tsumam tsue of e Taitus, ayei na vaamuan nana mes to te faparits mami ma faan iny a fo fifaan to, te tabin fatabin mi non ya tana ngats fan iny Korin ana ayei te faparits mami ma fakap faarof ami na fo fifaan tsumi tan kat tana koma ree'un tan fafaan ka.

2 Korin 9:14

Ai to, ami kat faarei mirom mes masun tana mes a sanaan kanen, ri nai fafaakats of maromi ana ri te fakats ma vivangura fifiisen mamimi, tana saa tana koma ree'un tsian to te faan bus iny e Gov tsumi.

2 Korin 9:8

Ai tana koma ree'un Tsunia, Gov onot non ma faan mami na fo mamatsiny kan kinai te kakat iny romi, patsun ya kan, ami kaa fatatabin mirom a ka na onot ana mi te onot ma faan fakinai naa tana fo mamatsiny binun a fo rof.

Efeses 4:29

Vegiau vaare iny yam a fo vegiau te fatsuiny non a iring, a sikia, sana mi ma vegiau iny a fo vegiau te faruak non a rof tana vainy, iton vegiau te faparits rarori, ka iny faakouts rari ana ri te parits me tana faason tsuar, tan vegiau te tsue iny romi te nai faruak non a ree'un tan vegiau te nongoiny rori tsumi.

Filipai 1:11

Tan kat to aya, toto tsumi nai faruak non fuan kinai tan kat tavaron, ito e Jisas Krais tsun te onot non tan kat Ya tsumi, tana ka tsun to aya an vainy fafaaman te vamarits, an variri e Gov.

Filipai 1:9

Ai tovein faakats tsonyo tsumi: nyo faakats of maromi an mangiir tsumi ma ruak iny parits patsukanem naa ya of ir a mesapan, ai tan nainy kan to aya mi te natiny a saa na man na, ana mi te tagaa tsuktsuk iny a tavaron ana iring.

Fafuan Tesalonaika 1:3

Amam natiny tsue faarof rom ten Gov, to tsumin vamuinyasiny fafaaman tsonyo tan mamatsiny nainy. U kat to ayein tavaron fiisok tsumam, tana saa a faason ten Jisas tsumi te karap minon, an fimamangiir tsumi men isiseiny mes te karap ovei kanen.

Fafuan Timoti 2:1

O Timoti, nyi faarei rom a guei tsoiny tsonyo faman, tanyiny a koma ree'un te kaa mirom anyi koman e Krais Jisas ma tsutsun faparits fatatabin anyi.

Hiburu 12:28

Tan kat to aya, ara to te nom ror a Waan to, na sikia ta gutgut nan ya, to sana ra ma tsue faarof fatatabin naa ana ra te faatouf e Gov, tana sanaan te kat fapaparei non Ya fiisen men kat iny fauf a tsivom an fatsiitsii,

1 Pita 1:22

Tovei roman, mi fataabos bus a aavem ito tan manaats vegiau man, to sa mi kaa men kat iny mangiir famainy fuainy vamuinyasiny fafaaman tsumi, mi ma kaa men mangiir tsian tana fo aave mami tan fuainy vamuinyasiny tsumi,

2 Pita 3:18

Sana mi ma matsua me tana koma ree'un ana nat a rof tana Tsunaun tsura ana Tsoiny Fiisaup tsura Jisas Krais. Ara ma vamarits fatatabiny Ya tan mamatsiny nainy, a sikia ta fafakap nan! Man ovei.

Vegiaun Tapokaa 3:17

Te natiny tsue fi romi nei, ‘Amam masun, ana mam kaa mirom a fo mamatsiny ka, mam gim rom ma kakat on iny ta isen ta ka.’ San sikia, ma sekee, mi gim rom ma nat, mi kaa fifiiring ovei tsun marom ana mi kaa iny aaruts ovei tsun marom, min beerbeer an mata kio.