2 Korin 8:23 - Saposa

²³ Fakats fatabiny yam e Taitus, ayei na vaatau tsonyo faman, ana mam a ina fuan ravei jesan bus mame tana rof namami. A ina fuan a vamuinyasiny fafaaman to te naa fiisen mi ror ya, tsutsun of ror a fo gum iny vainy fafaaman, ana binun tsuri faan iny non kat iny vamarits e Krais.

2 Korin 8:23 ပူးပေါင်းရင်းမြစ်များ

Luke 5:10

Ina fuan a vaatau tsunia ere Jemis me Jon arin guei ten Sebedi ngian kan to. Ai Jisas tsue to ten Saimon, “Oraav bus vaare, muan nyi natiny kat iny nonom jian, sai te tanik non roman Nyo faatsuts marom anyi tan kat iny nonom mes iny kopis rari ma naa mi ri Tsonyo.”

Luke 5:7

Ri kat to ser faap ir vaatau tsuri tan mes puak ma naa mi ri er faakouts ratuari. Ri naa me, ri nusainy ton fuan puak faavot tana jian san fuan puak namnam iny gagon en.

Vurungan Rof Nane Jisas Krais Te Kirkir Iny E Jon 13:16

Nyo tsue faman of maromi a sikia ta isen ta tsoiny binun te karap fafis iny non a tsoiny tatagaa ot tsuan, ge na tsoiny gogovet vegiau te karap fafis iny non a mes te jiats naa non ya.

1 Korin 11:7

Sana mes ma kookof kainy vaare na patsuun tan nainy te fafaatouf non ya na Tsunaun, tana saa a mes te mamatan faarei tsuiny non e Gov ana ayei ma faatok iny siinaiv ten Gov ana ya te vamarits e Gov tan nainy te faatok finy non ya, ayei kaa non fain e Krais. Sana moun ma kookof a patsuun ya, tana saa ayei faatok iny non siinaiv ten natsioiny ya, tan nainy te kaa fi non ya fain e natsioiny ya.

2 Korin 12:18

Tan nainy te sing maamaa naa nyo Taitus ma nak mami ya ana nyo jiats kainy naa ton mes panainy vamuinyasiny fafaaman fifiisen mi ya, sa kat fei Taitus fagaug kan mami, ya sei osing kan matuami na foka tsumi? A sikia ovei, ayei gima kat fi nei, tana saa amam a ina fuan kaa mirom senviir aaven tan kat, kat rof ana mam ravei jesan mato.

2 Korin 7:6

San e Gov, to te kat famaun a koma rari tan nainy te kaa mi rin koma patang, kat famaun kan matuamam te ruak fi me Taitus.

2 Korin 8:16

Nyo tsue faarof naa rou ten Gov Tsunia te faan iny me Taitus a mes to te kaa minon senviir fakats fiisen vaminyo iny faakouts mami.

2 Korin 8:18

Mam jiats kainy naa rom a mes a vamuinyasiny fafaaman fiisen minon e Taitus. A fo gum iny vainy fafaaman famaari kainy ror ya ana ayei faarei kainy non a tsoiny favaanan tan Vurungan Rof nane Krais.

2 Korin 8:19

Ana mes a ka, mam jiats naa rom ya tana saa fo gum iny vainy fafaaman te pisainy ya, ri nom towa ma taan vavis fiisen mamimam ya tan nainy te mei fi naa romam a fo fifaan tana ngats fan tsian iny Jerusalem u kat nana koma ree'un to te vamarits non a Tsunaun, ai te faatok kan iny a ka tsumam te komainy faakouts kan rom.

2 Korin 8:22

Mam jiats kainy naa rom a mes a vamuinyasiny fafaaman fifiisen ramiri. Mam tanaf bus ya tan mar nainy kinai ana mam tagei towa tana binun an kat tsunia. Ana ayei kaa minon koman tsian iny faakouts tovei roman tana saa tana faason tsunia tsumi te karap name.

2 Korin 8:6

To tsumam tsue of e Taitus, ayei na vaamuan nana mes to te faparits mami ma faan iny a fo fifaan to, te tabin fatabin mi non ya tana ngats fan iny Korin ana ayei te faparits mami ma fakap faarof ami na fo fifaan tsumi tan kat tana koma ree'un tan fafaan ka.

Filipai 2:25

Tana fo mar nainy tovei, nyo fakats rou ma jiats fatabiny naats e Epafodaites, a vamuinyasiny fafaaman tsonyo i tsumi. Ayei te binun fanaangis en fiisen vaminyo sa faarei non a tsoiny puaan. Ayei kan a tsoiny ngue tsumi to te jiats mimi a faakouts vatuanyo to te aaruts finy anyo ta ka.

Kolosi 1:7

Mi atou me na fo rof an koma ree'un ten Gov ten Epafres to te mangiir romam, ayei na vaamuan nana mes te tsue of mami ya. Ayei na tsoiny binun ten Krais a man ana ayei suu iny to na binun fiisen me Krais, ma faakouts mami ya.

Vaamuan Tesalonaika 2:2

Mi natem, to te kat fijior fi mamam ari, ai to te fijiar kan mamam ari tana ngats fan iny Filipai mam tabuiny ma naa fi naa tsumi tana ngats fan iny Tesalonaika, san e Gov tsura faan mamimam kat iny ongoor ma tsue of mamin Vurungan Rof nane Jisas to, kainon te kaa fi mi yan koma suar men veer kinai fiisok.

Fafuan Timoti 4:10

tana saa Dimas naus osing bus vanyo sa mangiir fiisok kat tan puputaa to. Ayei naa fi enanaa to tana ngats fan iny Tesalonaika. Nyo jiats naa to Keresen sa naa fi enanaa to tana gum fan iny Galesia, ai Taitus naa fi enanaa to tana gum fan iny Dalmesia.

Taitus 1:4

Nyo kirkir naa rou tsumanyi Taitus, anyi faarei rom a guei tsoiny tsonyo faman, ana nyi kaa mirom senviir faason ten Krais, kat faarei tsuiny maromam. Nyo faakats rou ten Gov, a Taman ai Krais Jisas a Tsoiny Fiisaup tsura ma faan manyi na koma ree'un, tagtag, ana aaverof.

Filimon 1:17

To te pon fi rom anyi nei anyo na vaatau tsumanyi rof tsun non tsumanyi ma nom fatabiny ya, faarei te kat fi rom anyi tsonyo.

Filimon 1:24

ana rin mes panainy tsoiny binun tsonyo tana binun ten Jisas Krais, ri mere Mak ai Aristakas ai Dimas me Luke, ari kan te faan iny naa ror nainy rof tsuri naa tsumanyi.

Fafofopis Jon 1:8

Aran vainy fafaaman ma faakouts ir tsoiny favaanan fafaaman vavis nato, te kat fi ror to, tan kat to aya ara faarei tsun miror sen vainy tsun fiisen ramiri tan faparits a binun tan favaanan iny vegiau man nane Krais.