2 Korin 7:13 - Saposa

¹³ To sana mam maun em mam parits kan emato. Tan farong naan tsue iny faparits tsumam, mam paparaa fiisok pis emato tan nainy te tagei fi mam e Taitus to te paparaa fiisok fi ya tan kat to te fafasung fi mi ya, mi kat to na fo fakats kinai tsunia sa kajiaa era naa.

2 Korin 7:13 ပူးပေါင်းရင်းမြစ်များ

Roum 12:15

Tan nainy te ruak non a ka te mamagat miror a mesapan, te toobing kan non tsumi ma faatok iny a paparaa tsumi fiisen rami ri. Ai tan nainy te ruak non reesik an tangis tana mesapan, te toobing kan non tsumi ma faatok iny reesik tsumi tsuri, am tangis kan to.

Roum 15:32

Tan kat to aya, nainy te ruak faarof ronyo, nyo te nak mami, fiisen me na mamagat tsian, ito te koman fi non e Gov ma ruak ya, nyo te kakoun ma nak faarof mami fiisen men a mamagat, ai tan kat to aya, ara faavot kat ror a mesmes tsura ma reits fatabin mi ya.

1 Korin 12:26

Tan nainy te saraa kamits fi non a isen a pan, a fo pan faavot saraa kamits kan ror, fiisen miror ya. Ai tan nainy te nom non a isen a pan nan tsue iny paparaa, a fo pan faavot nom kainy ror tsue iny paparaa fiisen miror ya.

1 Korin 16:13

Ami ma tamomots a tsivom tan ta foka ge ta mes te onot ma amus mami am faonot to tan kat a ka te komainy non e Gov tsumi ma kat. Ana mi ma faason tsun naa ten Krais fiisen vaare men fakats vavanun. Am oraav vaare to ta isen ta ka. Famanat vaare iny yam fo viir kat iring ma tagaa ot mami ri. Tsutsun faparits yam.

1 Korin 16:18

Ri kat fapaparei vanyo faarei to te kat kan fi ri tsumi. Tan kat to aya mi ma tsue faarof naa tana vainy te kat fi ror tovei.

2 Korin 2:13

Sana nyo gima kaa men koma tamee tana saa vamuinyasiny tsonyo Taitus tabuiny ruak fiisen minon tsue fanat tsumi. To tsonyo tsue na ka to tsuri na taa Toroas, “kaakaa bus yam,” nyo naa osto tana gum fan iny Masedonia ma sainy vavis anyo ya.

2 Korin 2:3

Ayei na kifon a ka tsonyo kirkir nats naan fafakap nan noun tsonyo, to tan nainy te naa mironyo, nyo tsugainy kat fapatang maromi, tana saa ami gima manaats vanyo, tsumin vainy fatoobing to te onot rom ma kat fapaparei vanyo, ito te manaats fi varomi nyo. Nyo pon maromi te nat faarof iny rom ma kaa to, tan nainy te paparaa romi, te kat fapaparei kan varonyo.

2 Korin 7:14

Nyo tsue fanat of bus ya tan kat rof tsumi ana ayei sab ton vegiau tsonyo ton man ana mi gim to ma farejiaf vanyo. Mam gima gam bus mami, ai to tan senviir sanaan tsun to ayei, kat iny tenoor tsumam tsumi ten Taitus sikia ma gam.

2 Korin 7:15

Sai tovei, ayei mangiir fiisok maromi tan nainy to te fakats fatabiny fi ya to te nongoiny ami ya, ana mi fafasung faarof towa fifiisen men kat iny famaari an koman tsian tsumi.

2 Korin 7:6

San e Gov, to te kat famaun a koma rari tan nainy te kaa mi rin koma patang, kat famaun kan matuamam te ruak fi me Taitus.

Filipai 2:28

Sai tovei nyo kaa mirou fakats tsian tan jiats naats ya tsumi, tana ka tsun to aya ami kaa mirom a paparaa tsian tan nainy te tagei romi ya ai tana ka kan to aya, a fo patang tsonyo nai kenak enanon.

Fafuan Timoti 1:16

Nyo faakats rou tana koma tagtag tana Tsunaun ma kaa fiisen me Onesiforas, an numaa iny guei tsunia, tana saa ayei natiny faparits varonyo tana nainy kinai ana ayei te gima rejiaf te kaa fi nyo koman a numaa iny kotskots,

Filimon 1:20

Eye, vamuinyasiny tsonyo, kat of you na ka to, nom fatabiny e Onesimas to te kat fi rom anyi tana Tsunaun, tan kat to aya, a aave vanyo parits enanon, sa faarei varonyo na vamuinyasiny tsumanyi koman e Krais!

Filimon 1:7

Mangiir tsumanyi, te faan vanyo na paparaa tsian ana ya faparits vatuanyo tana saa, nyi na vamuinyasiny tsonyo te faparits ir a aaver vainy fafaaman u fasito ten Krais.

1 Pita 3:8

Nyo fakap fi rou vegiau tsonyo nei: ami na fo kinai ma kaa men senviir fakats an reesik; mi ma mangiir a mesapan faarei vamuinyasiny fafaaman, am tagtag ratuari, am fauf to na tsivom mi te faakouts ir a mesapan.