2 Korin 11:1 - Saposa1 Nyo komainy maromi ma anaanos faamo vanyo to te farong pis naa ronyon vegiau tsonyo faarei non vegiau fapeepiou tsonyo. အခန်းကိုကြည့်ပါ။ |
2 Korin 11:1
17 ပူးပေါင်းရင်းမြစ်များ
Pol biny towa, “Te kainon nainy kakat gen nainy viviakoo nyo faakats rou ten Gov nyo koman marom anyi ana ri na fokinai kan to te vanongon ror tsonyo roman, ma senviir vaminyo tana faaman, sana nyo gim rou ma rangats e Gov ma faarei min vainy kotskots, to te faarei non a tseen te kotskots iny ari to nima vanyo.”
A kifon a ka to tsonyo tsue iny rou ya, muan sen Gov gima famanat iny ta mes ma natiny Ya tana fo nat te kaa mirori, sana sikia, Ayei pisan ma saup fatabin ir a vainy to te faason ten Krais, ito tan Vurungan Rof nane Krais te favaanan iny amam, sa rin vainy vavaajets pon iny ror yan vegiau piou an nun ovei.
Kat non san ta isen gam iny a tsivon! Ito te fakats fi non ta isen ta mes fapoopoan namami, faarei non ayei na nat fiisok to te fakats fi ror vainy vavaajets tana monaagits tovei, ayei ma faonot tan fakats fi nei, ayei na nat fiisok, ma fakats ya na foka to te fafakats fi non e Gov, sa ayei nat vaarik iny non ya,
Ana mesapan pon maromam amaraav faarei rom vainy piou, tana saa mam binun rom ten Krais. Sana mi pon iny maromin vainy nat, ito te fakats fi romi nei, mi onot rom ma kat a fo mamatsiny ka, tana saa ami fasito iny rom e Krais. A mesapan pon maromam faarei rom vainy tameruts tana binun tsumam iny pokei faruak nan vegiau tana vainy, ma vovou iny ari ya. Sana mi pon iny rom a tsivom vainy parits an reits. Mi pon iny rom min vainy rof, ana vainy ma fatsiitsii mami, sana mam faarei rom a ka babainy tsun matar a fo kinai.
Ami ma fakats faparits vaare na fo nat tsuam, sana mi kat bus finy ya nei, ami kat faarei me na mes a masun ito te gim pis non Aaven Taabos ma fafaatsuts ya. Mi kat fi nei, tsumi pon fi rom nei to te nom fi min fo fifaan tan Aaven Taabos, te faan iny Ya tana vainy. Ami kat faarei to te tabin fatabin bus name Krais ana Ayei tanik iny tagaa ot iny to na monaagits tovei, ana mi tanik kan to iny tagaa ot fifiisen mi Ya, sana mam, a sikia. Eye, u man ovei, nyo komainy maromi ma tagaa ot bus, ma tagaa ot faavot amam amaraav fifiisen mamimi.
Te mamatan fi non nei tsonyo, ami faamainy rom a ka te tsue of maromi sei na mes ee, kainon to te favaanan finy rori na mesmes a Jisas kanen faarei non to te favaanan finy romam e Jisas faman, gen aaven kat gengen tan Aaven Taabos, to te nom ami, gen vurungan rof kat gengen tan Vurungan Rof nane Krais to te faamainy romi.
Nyo vevegiau faarei pis rou a mes a piou, sana mi to ari kat vanyo sa nyo kat ya. Ami to ari tabuiny kirkir fo tsue fanat rof tsonyo, tana saa fuainy amaraav gagagam to te fakats fi raromiri faarei raror fuainy amaraav karap to, gima karap fafis varonyo, kainon to te faarei ronyo na mes babainy tsun.
ကြော်ငြာတွေ