1 Pita 4:11 - Saposa

¹¹ E sei na mes to te nom fifaan tan favaanan ee, a nguen ya ma favaanan iny Vegiau Ten Gov fatoobing, ai sei na mes to te nom fifaan tan fafaakouts mes vainy kaner ee, ma faakouts fiisen me na parits te faan iny e Gov tsunia, tan kat to aya, Gov nom non asangan karap tana fo mamatsiny ka te kat romi tana asangan e Jisas Krais. A siinaiv ana parits a reits ma naa Tsunia tan mamatsiny nainy, a sikia ta fafakap nan! Man ovei.

1 Pita 4:11 ပူးပေါင်းရင်းမြစ်များ

Matiu 6:13

Fatamee vaare mamimam tan fiamus, Nyi te bei ot mamimam tana Vinasaar. A Waam Manyi, na reits, an siinaiv kaa na suu. Man ovei.’

Vurungan Rof Nane Jisas Krais Te Kirkir Iny E Jon 13:31

Te tafuts bus na Judas, ai Jisas tsue to, “U nainy te nom non a Guei Tsoiny te Bobot e Gov sa ruak iny Mes men asangan iny vamarits ruak nats non, an Siinaiv ten Gov te nai afis Varonyo ai Gov te nom kainy asangan iny vamarits, tana saa ito tan fo mamatsiny ka to te nai ruak non Tsonyo.

Binun Tan Amaraav 7:38

Vou ser faavot tana pan a uur, ai Moses kaa fiisen ramiton fuainy tsuvurara, fiisen me na morena to te vevegiau of ya tana tobeer iny Sainai, ayei kan te nom vegiau ten Gov, an vegiau to aya kaa minon a toto na sikia ta fafakap nan ya, ayei faan iny ya tsura.

Roum 11:36

Ara onot ror ma natiny a kifon a foka tovei, tana saa, Ayei tsun tsivon fapogaar bus a fo mamatsiny ka to, ana Ayei kat faparits non a fo mamatsiny ka ma kaa patsukan fi kaner rari to te koman fi non Ya. Ana Ayei kat non a fo mamatsiny ka ri te mamatan patsukan fi kaner to, ito te koman fi non Ya. To sana vamarits ma naa fi naa Tsunia tan mamatsiny nainy! Man Ovei.

Roum 12:3

Tovei tana tou kaakaa tsumi tana toto na foun ana kat fuainy ma faakouts ami na mesapan, Gov kaa men a koma ree'un tsonyo, sa faan vanyo na binun Tsunia ma kat anyo ya, ayei na kifon a ka to tsonyo vegiau of maromi na gum ma kat ami ya tana fo sanaan tsumi. Vaamuan nana ka to te bibinun of rom anyi ten Gov to, anyi ma fakats fi vaare nei, nyi te fapaas a tsivom faarei marom anyi te karap fafisfis finy rom anyi na mesapan. A sikia, nyi ma fakats a tsivom faarei rom a mes te kaa minon fakats arasan, fakats fi non ya nei, Gov faan marom anyi na faason an fo viir nat ma kat anyi na binun Tsunia.

Roum 16:27

Gov, Ayei na isen tsun Tsivon a nat fiisok, sa toobing non tsura ma faan iny naan kat iny vamarits unya Tsunia, roman, ai tan mamatsiny nainy, tana saa Ayei kat of bus rara fo mamatsiny ka to, ten Jisas Krais. Man Ovei.

Roum 3:2

Nyo biny fi maromi nei, taa Jiu te nom a rof nar tan fo mamatsiny sanaan. Tan vaamuan nan ya, a isen a ka na karap te kat e Gov tsuri to, Ayei faan rarin fo mamatsiny vegiau Tsunia, to ma favaanan iny naa ri ya tana mesapan.

1 Korin 10:31

Jio, tan guam faavots ir vegiau tovei, kat yam a foka to ma fatsiitsii na vainy, e Gov, kainon to te ainy fi romi ta ka ge gim fi romi ma ainy ya, ge kainon ito te jiu kainy fi romi ta ka ge gim fi romi ma jiu ya, fo mamatsiny viir ka tovei, ito te kat romi ge te gim kainy romi ma kat.

1 Korin 12:4

Nyo tsue tsuk pis rou a ka na kaatsian to te faan iny non Aaven Taabos tana vainy, sana vaamuan nana ka ma natiny ami tovei: Kainon to te kaa fi minon ya na fo viir fifaan, san isen tsun Aaven Taabos to ayei, to te faan faavot rarori na vainy.

1 Korin 3:10

Tana koma ree'un ten Gov to, sa jiats vaminyo ma binun tana numaa to ayei, to tsonyo fagum faarof ovei na poon nana numaa men fats faarei rou a tsoiny fatsun numaa na nat fiisok, ai tovei a mesmes a tsoiny fatsun numaa te fagovet pis naa non tan binun patsun a poon nana numaa to ayei. San isiseiny tsoiny fatsun numaa to ma tamomots faarof to te fatsun numaa fi non ya, ito, ayei ma tamomots faarof a ka te faatsuts iny non ya, ana ayei ma pangis geinygeiny vaaren fifaatsuts ten Krais,

1 Korin 6:20

Amin fasito fatoobing ten Gov, tana saa Ayei pats bus mami tana foiny a nai jias fiisok, ito te jiats fi mi Ya Krais sa mat of mami. Sai mi ma fatsiitsii Gov tan fo mamatsiny kat te kat romi puam.

2 Korin 2:17

Mi nat em, mam gima faarei rarom a mesapan tsuri na vainy, to te favaanan iny ror vaanan ten Gov faarei rori na foka iny fafiifoiny iny, a of ovei, ka iny nom moni tsun tsuri, a sikia. Ten Krais, mam favaanan iny rom vaanan ten Gov ana mam faason emanaa fifiisen minon a parits a reits Tsunia. Ana mam nat fi rom nei, a Gov to te jiats vavis maromam, Ayei tagei kan maromam.

2 Korin 9:13

Ai Gov te nom asangan iny vamarits tana fo painy moni a kinai fiisok tsumi, tana saa tana fo goguam painy moni tsumi tsuri nai faatok iny non a ka, ami te manaats Vurungan Rof ten Krais, to te tsue mi, mi faamainy towa.

Efeses 1:19

Nyo faakats rou ma inan fanatnat faarof iny ami na saf a parits a reits Tsunia to na, to te fafaakouts fi rarora Ya ara to te faaman. A parits a reits to aya, te kat faarei tsuiny non a parits a reits to,

Efeses 4:29

Vegiau vaare iny yam a fo vegiau te fatsuiny non a iring, a sikia, sana mi ma vegiau iny a fo vegiau te faruak non a rof tana vainy, iton vegiau te faparits rarori, ka iny faakouts rari ana ri te parits me tana faason tsuar, tan vegiau te tsue iny romi te nai faruak non a ree'un tan vegiau te nongoiny rori tsumi.

Efeses 5:20

ai mi te nai tsue faarof fatatabin iny naa na fo mamatsiny ka te ruak ten Gov a taman, tana saa, tana tou vivangura tsura fiisen me na Tsunaun tsura Jisas Krais,

Efeses 6:10

Fafakap nan vegiau tsonyo tovei, ami tap bus ma naa tana Tsunaun, tanyiny yam a parits Tsunia na siireits ma faparits mami ya.

Filipai 1:11

Tan kat to aya, toto tsumi nai faruak non fuan kinai tan kat tavaron, ito e Jisas Krais tsun te onot non tan kat Ya tsumi, tana ka tsun to aya an vainy fafaaman te vamarits, an variri e Gov.

Filipai 2:11

ana fokinai te nai tsue pokei iny ror e Jisas Krais Ayei na Tsunaun. Tan kat to aya, ri nai faatok iny ror tou vamarits e Gov a isen a Tamarara.

Kolosi 4:6

Tan nainy te tsue of romi na mes a gima faaman ten Krais, ami ma tsue tsuiny vegiau rof te onot rori ma nom ya, an tan nongoiny pis ya. Tana sanaan tsun to aya, ami onot rom ma natiny a fo saa iny tsue fatabin, to te rangat iny rori, ana fokinai faavot tsuri,

Vaamuan Tesalonaika 2:4

Tan kat to aya, mam onot iny tsue iny rom koman ten Gov, mam ma tsue iny ya, tana saa, Ayei te tsue faarof of mamam ana Ya faason to tsura ma pokei Vurungan Rof nane Jisas. Amam gima fapaparei rom a vainy, sana mam kat fapaparei rom e Gov, te kat tsuktsuk non a fo mamatsiny kat te kaa non koma rara.

Vaamuan Timoti 1:17

Fo fatsiitsii ana vamarits naa fi non tana Aatouf a Suu tan mamatsiny nainy a sikia ta fafakap nan, a isen tsun a Gov a sikia ta vainy ma tatagei ana sikia ma natiny mat! Man ovei.

Vaamuan Timoti 6:16

Ayei tsun Tsivon a sikia ma natiny mat, a kaa ovei, ana Ayei kaa non tana arasan ma naa on vaare na ta isen ta mes panan Ya, sikia ta mes te tagei bus Ya, ge ta mes te onot non ma tagei oiny Ya. Fo fatsiitsii ana parits a reits naa non Tsunia tan mamatsiny nainy! Man ovei.

Taitus 2:1

Sana nyi, Taitus, nyi ma faatsuts tsun ir vainy fafaaman a fo kat te vovou faman iny non a fo faatsuts man ten Krais.

Taitus 2:15

Faatsuts iny a fo mamatsiny kat to, fatsuiny ir a vainy ma vovou iny arin vegiau to, nyi te fatoobing ir a vainy, kat tsurin gima rof, tana saa nyi kaa bus men gumgum faarei a Pasta. Kat vaare na vainy ma pitaa fus iny ari na fo vegiau tsumanyi.

Hiburu 13:7

Fakats fatabin ir yam fuainy tsoiny mumua tsumi tan nainy muan, to te favaanan iny vegiau ten Gov naa tsumi. Fakats fatabin ir yam to te kaakaa fi ri, ri mat kan to, mi ma vovou iny kat te kat fi ri, ri faason ten Krais, jesan kan ma kat fi mi.

Hiburu 5:12

A kifon a ka tsonyo tsue rou a ka to tsumi tana saa: Ami ma tagaa patsukanem tsumi! Ami te faarei men vainy fafaaman tan nainy viviakoo fiisok, onot maromi ma faatsuts ir a mesapan tan vegiau ten Gov, to te pokei minon e Krais, sana mi komainy rom ta mesmes ta mes ma faatsuts mamin vaamuan nar vegiau nane Krais, mi gima nat faarof iny vegiaun parits man tan vaanan tovei, ami te faarei te sus farokot korei marom.

Jemis 1:19

Fuainy vamuinyasiny fafaaman tsonyo, tamomots yam a ka to: Ami na fokinai ma nongon faarof veesau tsom tan vegiau ten Gov, ana mi te see vevegiau, ana mi kan ma peits veesau vaare.

Jemis 1:26

E sei na mes te pon fi non nei, ayei na mes te vovou faman iny non e Gov ee, ana ya te fafaatouf Ya, sana ayei te gim non ma tamomots faarof a mian ya ee, ayei fagaug non a tsivon, an kat iny faatouf tsunia ten Gov, a ka babainy tsun kan.

1 Pita 2:12

U kat tsumi tsun ma tavaron faarof me fapoopoan nar vainy vavaajets ai tan nainy te pon rori ma sak mami tu vegiau, ri fakats fatabiny ror fo kat tavaron tsumi, ana ri te nai fafaatouf a asangan e Gov tan nainy te tabin fatabin minon Ya.

1 Pita 2:5

Ami kan, te faarei rom fo marats te kaa mirom toto. Gov komainy maromi ma faarei na pan tana saape te kaa non a Aaven Ya, tan kat to aya mi faarei nats rom tsoiny faakor, ma binun faarei ami ri am kat to na fo fifaan ten Gov, koman e Jisas Krais, Gov komainy fiisok non a fo fifaan to ayei,

1 Pita 4:10

Isiseiny mes tsumi ma tagaa ot faarof iny a fo fifaan tan Aaven Taabos te faan iny e Gov tsumi poo me tana koma ree'un Tsunia, faarei non fo viir fifaan karap kainy faakouts mes panainy vainy ten Gov.

1 Pita 4:16

Sai to te faarei romin vainy fafaaman ten Krais, mi te saraa kamits, rejiaf vaare yam, mi ma tsue faarof naa ten Gov, tsumi te kaa mirom a asangan e Krais.

1 Pita 5:11

A parits a reits fis non a fo mamatsiny ka faavot ma naa Tsunia tan mamatsiny nainy, a sikia ta fafakap nan! Man ovei.

Noun Te Kirkir E JUT 1:25

A vamarits an siinaiv iny Gormirmir ana parits a reits, an gumgum tsigtsig, ma naa fi ten Gov tsun a Tsoiny Fiisaup tsura ito tana binun ten Jisas Krais, a Tsunaun tsura, tanik me tan tatanik, ai tovei roman, ai tan mamatsiny nainy, a sikia ta fafakap nan! Man ovei.