1 Korin 8:9 - Saposa

⁹ Sa kainon to te man fi non a foka to, ami ma tamomots faarof patsukanem to tan nainy te kat romi na ka na rof tsumi ma kat, am kat vaare to na mes a fafaaman a foun tsumi to ma kat ya na ka to te tsue of yan fakats tsuan iring ma kat ya.

1 Korin 8:9 ပူးပေါင်းရင်းမြစ်များ

Matiu 18:10

Ai Jisas tsue to na ka, “Kat rom sam pon fi nei vainy kakaii to te faarei rora ka babainy. Nyo tsue of maromi, u morena tsuri te kaa ror Gormirmir natiny tagei fatoobing ror e Tamanyo i Gormirmir.

Roum 15:1

Aran vainy fafaaman to te kaa me na faason a parits ma faakouts rari to te gim ror ma kaa me na faason a parits, ma govets ami na fo patang tsuri, ana ra kan, ma paparaa tsun iny vaare me na tsivor.

1 Korin 10:24

Amin isiseiny mes ma tagaa tsun vaare tan ta ka te faakouts tsuiny fi non ya na tsivon. A sikia, ayei ma tagaa naa tan ta ka te onot non ma faakouts yan mes a fo vainy fafaaman.

1 Korin 10:28

Sai to te tsue fi non ta mes tsumi nei, “Venoo tovei, ka iny kat a fifaan tana kaisa,” ai tan kat naa to aya, mi ma ainy vaare na kainy ainy naa to aya, ma faakouts ami na mes to ayei te tsue of mami ya, ai to kan mi ma vovou ya, ito te fakats fi non ya na iring.

1 Korin 10:29

Tana ka to ayei, nyo gima tsue mi ma ainy vaare ya, tana saa tsumi te pon iny rom ya na iring sana mi gima ainy ya, tana saa mesmes a mes te pon iny non ya na iring, tan nainy te pon iny ronyo na ka na rof tsonyo ma kat, a sikia ta mes te onot non ma tsue of vanyo ma gima onot ma kat ya, tana saa ayei fakats fi non nei, ayei na iring.

1 Korin 10:32

Vainy nai fatsiitsii ror e Gov, ito tan kat tsumi ma senviir me to te tsue of anyo mi tovei roman: Kat vaare yam ta ka te fagotsiny non a mesmes tan aveto, kainon ayei na mes to na tsoiny Jiu ge na mes a sikia ma tsoiny Jiu, ge ayei na isen tsuri tana gum iny vainy fafaaman ten Gov.

1 Korin 8:10

A kifon a ka to tsumi ma tamomots faarof iny a nat tsumi to, tana saa, mi nat rom te famanat maromi ri ma ainy ta kainy ainy to te kat fafaakor faamuainy bus fi naa rori tana fo kaisa tan gov gamgam. Sana saf a ka to tana mes to te gim non ma parits tana faason tsunia ten Krais na? An tan nainy te tagei marom anyi ya te naa fi naa non ya tana pan iny kat kat faakor tana saape tan kaisa tana pan te natiny ainy rorin kainy ainy to te kat fafaakor of rorin fo kaisa tan gov gamgam. Ana mes to ayei to te gim non ma nat faarei manyi, te naa me, a tagei matuami te ainy rom na aya. Ana ayei te ainy kan fifiisen mamimi tana saa ayei tagaa tsuk tsun tsumi, kainon ito te tsue of non yan fakats tsuan iring ma kat ya.

1 Korin 8:12

Ai tana sanaan kan to aya, ami kan aveto mato ten Krais, tana saa, ami kat a ka na iring tana vamuinyasiny fafaaman tsumi to ayei, ana mi kat fijior towa, ito tan kat a ka te amus ya ma kat ya na iring.

1 Korin 9:22

Tan nainy te favaanan naa nyo tana vainy faason tsurin gima matsua, nyo sikia ma kat ta ka te pon iny rorin iring tana mes a fafaaman ma kat, ma onot anyo ma nai fafaakouts anyo ri, er arasan iny to na saf a sanaan ei na ma kat fapaparei ari Gov. Tana sanaan to ayei, nyo kat faarei rou a fo kinai faavot to te favaanan finy anyon Vurungan Rof nane Krais, ai tana fo sanaan to ayei, nyo onot rou ma faakouts ir a vainy ma faaman patsu ri ten Krais.

2 Korin 11:21

Nyo oraav rou ma kat a foka to, tana saa nyo na tameruts faarei non to te tsue fi mi. Sana nyo nai kat faarei nats rou a mes a piou tovei roman, nyo te kata ka te katkat ror a mesapan, ana nyo te tenoor kan iny fo senviir ka te kat rori.

2 Korin 11:29

Tan nainy te tameruts fi ror mes panair vainy fafaaman tana fo aave rari, nyo kan sarei rou a tameruts; ai to tan nainy te gotsiny non e sei na mes tan aveto ee, nyo koma peits fiisok iny rou aveto te kat fagotsiny non a mes to ayei.

2 Korin 6:3

Nyo tanaf fatatabin rou ma gima anyo ma kat ta isen ta mes ma takopis osing ya na sanaan ma sainy vavis ya na Tsunaun tan fo kat tsonyo, ai to tan nainy te kat fi ronyo nei, sikia ta isen ta mes te onot non ma koma suar iny a binun te faan vanyo na Tsunaun.

Galesia 5:13

Ai to tsumin fuainy vamuinyasiny fafaaman tsonyo, Gov fikoo bus mami sam tapuruur osing Faun, sana mi ma pon fi vaare nei, ami tafuts em to sam pon rom ma vovou fo komainy kat aveto tan puainy mes te koman fi non ya. A sikia, ami ma mangiir isisen tsuri faatok iny non a ka, ami onot rom ma fafaakouts isisen tsuri.

Kolosi 2:8

Ami ma tanamots, kat non ta mes faatsuts pis mami tu gam te kat faarei nats maromin tsoiny binun babainy, tan nom mami, mi te faaman an tan manaats a foka te faatsuts iny non ya ana foka te tsue iny non ya. Tagaa faarof, tan ta mes te kat non a ka to, tan faatsuts iny a sanaan a gam to tana vainy, er fakats to e Gov, a sikia ma ka faman, san vegiau Tsunia sikia ma man, tana saa te faatsuts tsun iny non a foka te fakats non a mes, an te komainy non a vainy ma manaats a fo kat tana vainy iny muan to te fafaatsuts iny ari tana mesmes ana mesmes, te vovou iny a fo faun naa fiisen tsun minon kat tana monaagits tovei, te sikia ma faatsuts iny non a fo man ten Krais,

1 Pita 2:16

Mi ma faarei tsuiny vainy uur, tana saa, u kat to aya, Gov komainy non ya, ito tan kat, kat tavaron, sai te gim non ma faarei mami te uur rom tan kat kat iring; a sikia, mima kaa faarei tsoiny binun babainy ten Gov.

2 Pita 2:19

Rin tsoiny fifaatsuts gamgam to ari natiny tsue rora ka, “To te vovou fi romi mam, mi gim rom ma vovou iny faun, mi tapuruur busem tan kat a foka te komainy romi.” Sana ri faarei ror tsoiny binun babainy tan kat iring, tana saa, to te tanyiny fi non ta mes ta ka ma tagaa ot iny ya na tsivon, a mes to ayei faarei non a tsoiny binun babainy tana ka to ayei.

Vegiaun Tapokaa 2:14

“San vegiau te kaa mi ronyo tsumi to: mesapan tsumi te vovou iny ror faatsuts ten Balam. Balam ayei na mes te faatsuts e Balak ma gamgam ir yan a taa Isrel, ma kat arin aveto ito tan ainy faaruet te kat bus of ari na fo fifaan tsuar tana gov gamgam an kat iny tsikoor, ana mi kan kat fi rom to.