1 Korin 7:14 - Saposa

¹⁴ tana saa tan nainy te fanging non a mes a vavaajets to na moun to te kaa minon ya na faason ten Krais, Gov kat non fifanging tsuri, a taabos mito tana mes a sanaan kanen to te kat fi Ya tan mes vainy vavaajets. Te faarei tsuiny non to tana moun a vavaajets iny e Krais te fanging fi non ya na mes a fafaaman to. To te sikia non ma man fi ya, fuainy guei tsuri te faarei ror fuainy guei tan vainy vavaajets. Sai te kat fi non nei, tan nainy te faaman fi non a isen tsuri na tsoiny ge na moun, fuainy guei tsuri te kaa ror fain na fimakok a saavits ten Gov.

1 Korin 7:14 ပူးပေါင်းရင်းမြစ်များ

Binun Tan Amaraav 10:23

Ai Pita fasof ratuari numaa, sa ri goros na aya. Tan mes nainy ya naa fiisen ramituari an fo mes vamuinyasiny kan iny Jopa.

Roum 11:16

Fakats yam tsue fapapaar tovei: Tan nainy te faan finy naa non a mes vaamuan nar koinykoiny ten Gov faarei non ya na fifaan tsuan, u koinykoiny faavot to ayei te faarei kainy non foka faavot ten Gov. Jesan kan te kat fi non e Gov, tana saa, Gov koma rof iny vaamuan nar fuainy tsubnaain tana taa Isrel sa fasito rari, to sa rof non Tsunia ma fakats ir fuainy tsubnaain faavot tsuri ma fasito rari Ya. An mes tsue fapapaar kan to, ito te reev fi non a mes u nau, an guan te fasua fagagon naa, ya te gian, ana ayei te faan iny nau to ayei ten Gov faarei non ya na fifaan tsuan, fokinai naan fakap, an fo fua to te tsun ising me tan guan to ayei Gov fasito faavot kan rarori.

1 Korin 7:13

Jesan kan te kat fi non ya tana muiny fafaaman to te fanging fi naa non ya tana mes a vavaajets iny e Krais, sana mes to ayei kaa minon koman tsian fiisok tana moun to aya, a moun to ayei ma ots vaaren fifanging tsuri na ina fuan,

Vaamuan Timoti 4:5

tana saa a fo kainy ainy, te taabos non tan vegiau ten Gov an faakats iny tsue faarof naa Tsunia.

Taitus 1:15

To tsurin vainy taabos fo mamatsiny kan taabos kan, ai to tsurin vainy pisiin an vavaajets, a sikia ta ka ta taabos na rari, tana saa fakats ana aaver rarin bong matan e Gov.