1 Korin 5:7 - Saposa

⁷ Faarei non a taa Jiu ma nom ravainy yis faavot, koman a numaa tsuar tana saa a koinykoiny tan Guainy iny Fakats Fatabin a sikia ma kaa me tu yis nan, jesan kan, ami ma nom ravainy fo aveto faavot te kaa non fapoopoan namami ma kaa iny taabos mi rin gum iny vainy fafaaman faarei raror vainy taabos u fasito ten Krais, tana saa a tsunei siip tan Guainy iny Fakats Fatabin tsura e Krais te mat bus en, sa pats mami tan aveto faavot tsumi.

1 Korin 5:7 ပူးပေါင်းရင်းမြစ်များ

Matiu 13:33

Jisas tsue of pis ratuarin mes tsue fapapaar, “A Waan iny Gormirmir te faarei non ar kakaii iny Yis te nom a moun ya sovaar vavis towa koman kobuu parawa vou an parawa faavot to aya tsub faavot nato.”

U Vurungan Rof Nane Jisas Krais Te Kirkir Iny E Mak 14:12

Tan vaamuan nan nainy Guainy te ainy rorin Koinykoiny Sikia ma kaa me tu Yis ito nainy te atsuiny kainy rorin tsunei siip nan nainy Guainy iny Fakats Fatabin ton nainy te faakouts e Gov a taa Isrel, ser naus osing me na Ijip, rin matisian ten Jisas rangats Towa, “Fei te komainy rom Anyi mam ma nai kakouiny Guainy iny Fakats Fatabin Tsumanyi ei?”

Vurungan Rof Nane Jisas Krais Te Kirkir Iny E Jon 1:29

Tan mes nainy Jon tagei e Jisas te tataan me tsunia, sa tsue na ka, “A Tsunei Siip ten Gov tovei te nom ravainy non aveto tana vainy tana monaagits to!

Vurungan Rof Nane Jisas Krais Te Kirkir Iny E Jon 1:36

te tagei ya Jisas te tataan me, ya tsue to na ka, “To Ayei na Tsunei Siip ten Gov!”

Vurungan Rof Nane Jisas Krais Te Kirkir Iny E Jon 19:14

Te siruiny gagoiny nuaf osto tan nainy kakoun a foka of Nainy Fafaatouf tana taa Jiu, ai tamanainy u Nainy Fafaatouf tsian tan Guainy iny Fakats Fatabin. Pailat tsue to tana taa Jiu, “A Aatouf tsumi tovei!”

Roum 3:25

Gov faan ravaa iny naa Jisas Krais ma mat Ya matar a fokinai faavot. Tana mat to ayei, Krais kat to na sanaan ten Gov ma nom ravainy Yan aveto tana vainy ana Ayei te fakap a peits Tsunia tsuri. Ayei kat kat to tan nainy te faason ari tana mat ten Jisas Krais an rafatsiny Tsunia tatsiiu mito tan puputaa ma pats faavots Yan fo aveto tsuri. Gov kan te faatok ir a fokinai, Ayei na tavaron, tana saa kainon to Tsunia te tagei aveto muan tana vainy faavot to, Ayei gima fasaraa veesau rari,

1 Korin 10:17

Sai tovei te kat faarei tsuiny non isen koinykoiny ana ra faavot ainy ror tan senviir koinykoiny to ayei, ai Krais kaa minon sen puainy mes tsun to ayei ana ra faavot kan, kainon to te kinai fi rora, ara faavot a fo panpan nan senviir puainy mes to ayei. Ana ra faatok iny ror a ka aran isen tsun tan nainy te ainy faavots roran koinykoiny to aya.

Efeses 4:22

To sana mi ma nom ravainy a fo kat aveton tamuan tsumi tan puainy mes, iton fo kat iny muan te komainy kat kat romi te kat fijior mami, ana ri gam matuami, ana ri amus matuami sam kat aveto em, ana mi gim to ma kaa pis to te kaakaa faamuan fi mi.

Vegiaun Tapokaa 5:12

ri kooma ana ri kuu fatsian to, “A Tsunei Siip to te atsuiny famat ari muan, te tamainy fiisok non ma nom a parits a reits, ana fo masun, ana nat a rof, ana fatsiitsii, ana vamarits, ana variri!”