1 Korin 14:13 - Saposa

¹³ Ai to tan nainy te vegiau fi non a mes tan vegiau fafoofan kanen ito te gim non ya ma natiny, ayei ma faakats an Aaven Taabos te nai kat ya ma natiny ya na ka te tsue bus iny ya ma tsue of ir ya na mesapan,

1 Korin 14:13 ပူးပေါင်းရင်းမြစ်များ

U Vurungan Rof Nane Jisas Krais Te Kirkir Iny E Mak 11:24

Tan kat to aya nyo tsue of maromi, te rangat fi romi tan faakats, faaman yam mi te nom ya, ana ka to aya a ka tsumi.

Binun Tan Amaraav 1:14

Ri natiny vaaguam vaurep ror tan faakats fiisen kan ramirin moun, ai Meri tsinan Jisas, an fuainy famuinyasiny Tsunia.

Binun Tan Amaraav 8:15

Nainy te ruak ari ana ri faakats of raton vainy fafaaman ser nom Aaven Taabos,

1 Korin 12:10

An senviir Aaven Taabos tsun to ayei fainy non a mesmes a mes fifaan ma kat ya na fo mamatsiny ka iny faatok reits to te gim non ta mes ma onot iny kat. An senviir Aaven Taabos tsun to ayei fainy non a mesmes a mes fifaan tan nom vegiau te poo fi minon Tsunia ana ayei te favaanan iny naa ya tana mesapan. An senviir Aaven Taabos tsun to ayei fainy non a mesmes a mes fifaan tan faaroiny vaanan to te favaanan iny ror a vainy te poo faman fi minon tan Aaven Taabos ten Gov ge poo fi minon tan aaven tana Vinasaar. An senviir Aaven Taabos tsun kan to ayei, te fainy non a mesmes a mes fifaan tan vegiau iny vegiau tan fafoofan kanen to te gim non ya ma natiny. An senviir Aaven Taabos fainy non a mesmes a mes fifaan tan kopis vegiau te tsue iny non a mes to ayei tan mes vegiau fafoofan kanen.

1 Korin 12:30

Gov gima faan iny a nat a rof tana fokinai faavot ma faakats of arin vainy faadis ma kajiaa na ya, teeva? Gov gima faan iny a nat a rof tana fokinai faavot ma vegiau fafoofan vavis ari to te gim fi rori ma natiny, ge kopis vegiau, teeva? Ayei na sikia ovei.

1 Korin 14:12

Jesan kan tsumi, tana saa ito te komainy fiisok fi romin a fo fifaan to te faan iny non Aaven Taabos tan vainy fafaaman, to sana mi rangats Ya na fo fifaan, ito te fafaakouts faarof fi non yan gum iny vainy fafaaman ten Krais ma ruak patsu faarei mi rin vainy fafaaman matsua tan aaven.

1 Korin 14:14

tana saa ito te faakats ronyo tan vegiau fafoofan kanen ito te gim ronyo ma natiny, koman a aave vanyo, faakats non, san fakats tsonyo gim non ma natiny a ka te fafaakats of ronyo.

1 Korin 14:26

Ayei na ka to te tsue ronyo, vamuinyasiny tsonyo, tan nainy te vaaguam faavot rom mi, mi te faatouf e Gov, a fokinai te kaa miror a binun, i tovei, mesapan te kooma ror sen kooma te komainy koomei rori, ana mesmes te nai kaa me na foka iny fafaatsuts a mesapan. Ana mesmes te nai tsue of ir a mesapan ten Gov te vevegiau of non ya. Ana mesmes te nai vevegiau tan mes vegiau fafoofan kanen ito te gim ya ma natiny. Ana mesmes te nai kopis of ir a mesapan tana ka to te tsue iny ya. A fo mamatsiny ka faavot to ari, ma kat ari tana sanaan to te fafaakouts ror gum iny vainy fafaaman ten Krais ma karap me na faason tsuri.