1 Korin 13:6 - Saposa

⁶ Ito te mangiir fi non a mes, a mesmes a mes, ayei gim non ma paparaa tan nainy te kat non a mes to ayein fo kat a fo iring. A sikia, ayei paparaa fiisok non tan nainy te kat non a mes to ayein, kat tavaron.

1 Korin 13:6 ပူးပေါင်းရင်းမြစ်များ

Matiu 18:13

Nyo tsue faman of maromi te sab finy non ya na isen to te nun, ayei mamagat fiisok non fis non a mamagat tan sian safunuu ana sia na siip to te gima nun.

Luke 22:5

Ri paparaa ri fatangan to ma faan iny ta moni tsunia.

Roum 1:32

A vainy te kat kat fi ror to, nat buser ten Gov te kat bus a faun a tavaron to te tsue non a ka: Te toobing non, tana mes te kat kat fi non to, ma atsun famat ravaa. Kainon to te nat finy rori na faun to, ri kat pas er, an sikia ma kat tsun to aya, sana ri te faarof iny ya, te rof non tana mesapan ma kat fatatabiny kat to.

Roum 12:9

Nainy te faatok romi na vainy to te mangiir fi romi ri, mi ma faatok faman iny a man nan kat tsumi. Tan kat to aya, mi ma tsugei famainy a fo mamatsiny kan iring. Ana mi ma fakats faparits a fo mamatsiny ka na fo rof matan e Gov.

Filipai 1:18

A saa te komainy rori ma kat tsonyo na, nyo gim rou ma tos ya! Anyo paparaa tsun rou tana saa te ruak en na. A saa te rof fapaas non na, a ka te rof fapaas non to na tou favaanan iny e Krais, tana fo sanaan te rof non, te tavaron non tana koman a mes ge te gim non ma tavaron, san kat tan favaanan iny e Krais ayei na ka te kat famamagat varonyo ana mamagat te naa patsukanen nanaa,

Filipai 1:4

an tana fo mamatsiny nainy to te faakats of marom yam a fokinai nyo faakats fiisen mirou a mamagat,

Filipai 3:18

San ami ma kat fi vaare to te kat fi ror a mes a vainy, tana saa, a vainy a kinai kat fiiring vavis fi ror nei aya to ser koma iring tana pagafuan ten Krais. To tabuiny kaa fi ror a vainy tan vovou patsukan iny fo koman tsuri, tabuiny rof en ten Gov, ito te faarei non a mat ten Krais ma ka babainy tsun en ya. Anyo tsue of bus mami nainy kinai, ai tovei bus, nyo kaa mirou a reesik tsian fiisen men suiny matan to te tsue of pis maromi yam,

Fafuan Tesalonaika 2:12

Kifon kat to aya ito; to tsuri te gim a faamainy a man, sana ri komainy fiisok kat iny aveto nai nom ror a fasaraa na suu unya Hel.

Fafuan Jon 1:4

Nyo mamagat fiisok te sab anyo na tee guei tsumi te kaa ror koman a man to ayei, faarei tsuiny non tsuen parits te faan iny e Tamarara ma manaats iny.