1 Korin 12:9 - Saposa

⁹ Senviir Aaven Taabos tsun to ayei, onot non ma kat a mesmes a mes ma faason ya ten Gov onot non ma kat a fo kan karap tan nainy te rangats fi non ya Gov ma kat Ya. An senviir Aaven Taabos tsun kan to ayei, faan iny non a fifaan tana mes to tan tsipaar vainy faadis.

1 Korin 12:9 ပူးပေါင်းရင်းမြစ်များ

Matiu 10:8

Tsipaar yam fo faadis, fatoto ir yam vainy mat, kat faarof fatabin ir yam vainy tatauba, buur ravainy yam masarau. A parits te nom romi na sikia ma pats, ayei na ka ma faan babainy iny ami kainy faakouts ir a vainy, sikia ta pats nan.

Matiu 21:21

Jisas biny rari sa tsue, “Fakats yam a ka to! Te faason romi, ana mi na sikia tu vaa'ets, mi onot kan rom ma nai kat a ka to, te kat Anyo tan Fig to: sikia ma kaa tsun to aya, mi onot kan rom ma tsue of a tobeer to, ‘Tasas nyi te nai ruk em namaan,’ ana ya te tasas.

U Vurungan Rof Nane Jisas Krais Te Kirkir Iny E Mak 16:18

te govets rorin koraa ge te jiu rorin amatsuan, gim ror ma kat fiiring rari; ri nai fasaur ror a nimar tan vainy faadis, nai rof fatabin eraror.”

U Vurungan Rof Nane Jisas Krais Te Kirkir Iny E Mak 6:13

Ana ri buur ravainy ton masarau kinai, ser tsiiu kan ir vainy faadis a tapui ser tsipaar rari.

Luke 10:9

Ana mi te tsipaar kan ir vainy faadis tana fan na to aya mi te tsue of rari, ‘A Waan e Gov te siruu en pana mami!’

Luke 9:2

Ya jiat ratuari ma nai favaanan iny ari na Waan e Gov ai tan tsipaar ir vainy faadis.

Binun Tan Amaraav 10:38

Mi natiny rom e Jisas a tsoiny Nasaret, to te tsiiu finy me Gov Aaven Taabos ana parits to aya Tsunia. Ya naa vavis nato tan fo mamatsiny fan, kat mamatsiny kat rof, Ya tsipaar kan ratuarin a vainy te kaa kan fain a parits ten Vinasaar, tana saa Gov kaa fiisen mi Ya.

Binun Tan Amaraav 5:15

Ai tan kat tan guamaraav to aya vainy a kinai mei miton vainy faadis ser farosoo rari sanaan, ri fasooiny ratuari tan fo mar fetan an nenengan ma taataan tsun me Pita ana aaven ya te tsiny rari, ri te rof fatabin.

1 Korin 12:28

Sa faarei tsuiny non puainy mes kaa minon a fo mamatsiny pan to te kat kat ror a fo mamatsiny viir binun, sen Gov faan iny a fo viir binun tan isiseiny mes tana gum iny vainy fafaaman ten Krais. Ari tovei: Tana vaamuan nana pan, Gov kat ir mesapan ma faarei arin fuainy amaraav. Ana mesapan, fuainy kuigin, ito na vainy to te faan iny e Gov vaanan tsuri ma favaanan iny naa ri ya tana mesapan. Ana mesapan, Gov faan rari na natiny fa'arasainy saf kifon vegiau Tsunia na, ma fafaatsuts iny ari ya tana mesapan. Ai Gov faan rato na mesapan a parits ma kat a rin fo binun iny faatok reits to te gim ror a vainy ma kat fiisen me na sikia ta parits ten Gov. Ana mesapan, Gov faan rari na nat a rof ma faakats of arin vainy faadis a kajiaa to. Ana mesapan, Gov faan rari na natiny fafaakouts ir a mesapan to te kakat iny ror ta ka. Ana mesapan, Gov faan rari na natiny mumua ir a mesapan. Ana mesapan, Gov faan rari na natiny vegiau tan fafoofan vavis to te gim rori ma natiny.

1 Korin 12:30

Gov gima faan iny a nat a rof tana fokinai faavot ma faakats of arin vainy faadis ma kajiaa na ya, teeva? Gov gima faan iny a nat a rof tana fokinai faavot ma vegiau fafoofan vavis ari to te gim fi rori ma natiny, ge kopis vegiau, teeva? Ayei na sikia ovei.

1 Korin 13:2

Kainon to te onot fi ronyo ma nom vegiau to te poo fi minon ten Gov ana nyo te favaanan iny ya tana mesapan, ana nyo te onot ma natiny a fo fakats faamuan takop ten Gov, ana nyo te onot kan ma arasan iny a fo mamatsiny ka to te komainy ronyo ma natiny, ana nyo te onot ma faason ten Gov onot non ma kat a fo mamatsiny ka to te rangats fi ronyo Ya, kainon to te rangats fi ronyo Ya ma faan vanyo Ya na parits a reits iny fasas a tobeer iinin ya, ya te tasas naa tana mesapan, sai to te gim fi ronyo ma mangiir a mesapan, nyo na ka babainy tsun kan.

2 Korin 4:13

Sana mam favaanan fatatabin em, tana saa mam kaa patsukan mirom senviir faason to te kaa me na tsoiny kikikir tan Kooma Iny Vadou sa tsue na ka, “Nyo faaman rou ten Gov, to tsonyo tsue rou.” (Vadou 116.10)

Efeses 2:8

Ito tsun kan tana koma ree'un a kaatsian fiisok ten Gov, sana mi saup fatabin em, tana saa, ami faason tsun emanaa ten Krais. An sikia ma tan kat rof tsura patsukaner, sana fifaan babainy tsun ten Gov, ma tenoor tsun iny vaare ta mes, “Nyo saup fatabiny a tsivou.”

Hiburu 11:33

Tana faason tsun, ana mesapan tsuri fapupuaan ramiton a mes a fo aatouf an vainy puan tsuri tana fo gum fan vavis ana ri fabiu ratuari. Ana mesapan tsuri kat pokei faruak to na fokan tavaron ana ri bei ot iny to na iring ana ri nom to foka te tsue faman of rari Gov tan tsuen man te kat Ya. Tana faason tsun, ana mesapan tsuri fangamuts raton nguer Laion,