1 Korin 12:12 - Saposa

¹² A kifon a ka to san Aaven Taabos faan iny a fo mamatsiny fifaan to tana fo viir vainy tovei: U puainy mes kaa minon a fo mamatsiny pan, san senviir puainy mes tsun to ayei kat faarei ror vainy fafaaman ten Krais. Aran vainy kinai fiisok, sana ra na fokinai faarei tsuiny ror a isen a gum. Ana gum to ayei faarei tsuiny non isen tsun puan ten Krais.

1 Korin 12:12 ပူးပေါင်းရင်းမြစ်များ

1 Korin 10:17

Sai tovei te kat faarei tsuiny non isen koinykoiny ana ra faavot ainy ror tan senviir koinykoiny to ayei, ai Krais kaa minon sen puainy mes tsun to ayei ana ra faavot kan, kainon to te kinai fi rora, ara faavot a fo panpan nan senviir puainy mes to ayei. Ana ra faatok iny ror a ka aran isen tsun tan nainy te ainy faavots roran koinykoiny to aya.

1 Korin 12:20

Sai tovei te kaa minon a fo mamatsiny pan nan puainy mes faavot to ayei, sa faarei tsun non sen tsun puainy mes faavot.

1 Korin 12:27

Jesan kan, ami na fokinai faavot faarei rom puan ten Krais, an isiseiny mes, ayein a isen a pan tsun tan puan to ayei.

1 Korin 12:7

Tan nainy te faatok fa'arasan iny non Aaven Taabos, a parits Tsunia tana mes ito te fainy fi non ya na fo fifaan iny kat a ka, Ayei natiny kat non kat, onot non tana sanaan ma nom a vainy faavot u fifaakouts tana fifaan.

Galesia 3:16

Jesan kan Gov kat tsuen man Tsuan ten Abraham ai tan tsubnaain tsunia. Vegiau Ten Gov te gima tsue na ka, “te naa of naa non fuainy tsubnaain tsumanyi” ge vainy a kinai. Ayei te tsue na ka, “te naa of naa non a isen a tsubnaain tsun tsumanyi,” a isen tsun a mes, ito, Ayei e Krais.

Efeses 1:23

U gum nar vainy fafaaman ten Krais faarei ror a puan Ya; ana ra paut faavot fi naa ror Tsunia, Ya te favei taptap faavots a fo mamatsiny ka to, fiisen minon a Tsivon.

Efeses 4:12

Ayei kat a foka ma kakouiny onots Ya na vainy te fasito iny ror e Krais ma kat ari na binun Tsunia an vainy fafaaman te karap me na faaman tsuar tana puan e Krais,

Efeses 4:4

Ana ra kaa faarei tsuiny miror sen tsun puan nane Krais, ana ra kaa miror isen tsun Aaven Taabos, ana mes a isen tsun a ka na saavits to te naano anaanos rora tsunia, Gov fikoo rara ma nom ya tan nainy te naa minon.

Efeses 5:23

Ai tovei, a tsoiny a fanging, kaa minon gumgum te fis non e natsun ya, faarei tsuiny non e Krais, Ayei kaa minon gumgum tana gum iny vainy fafaaman te faarei non puainy mes Tsunia, ana Ayei na Tsoiny Fiisaup tsura.

Efeses 5:30

Ana ra faavot, faarei ror a fo mar pan nar puainy mes Tsunia.

Kolosi 1:18

Ana mes a ka, a Guei Tsoiny ten Gov, u gumgum Tsunia te fis fapaas iny non a fo mamatsiny ka, tana saa, Ayei patsukanen te tatagaa ot iny non a gum nar vainy faavot fafaaman Tsunia tan senviir sanaan tsun u patsuun te tatagaa ot iny non puainy mes. Ayei te tatagaa ot faavot iny non a vainy fafaaman ten Krais, tana saa, Ayei na vaamuan nan a Guei Tsoiny to te tsun fatabin voun a mat Tsunia, Ayei te kat ir a vainy fafaaman faavot ten Krais ma kaa iny toto ri tan aaven, to sana Ayei patsukanen, tana sanaan tsun to aya, sa nom gumgum iny tatagaa ot faavot iny fo mamatsiny ka tana fo mamatsiny sanaan.

Kolosi 1:24

Ai tana fo nainy bus tovei, nyo kaa mirou a paparaa nana tou saraa kamits tana saa u saraa kamits iny faakouts mami. To aya nan a man nana tou saraa kamits tana pua vanyo, to tsonyo kat iny fakap osto na fo kamits te mataanis non to te pisan fi vanyo Krais tan saraa kamits of Ya tan faakouts ir gum nar vainy fafaaman ten Krais, to te faarei non a puan e Krais.

Kolosi 2:19

Vanongon vaare yam, tana saa, ayei te gima tsue of mamin faatsuts man nane Krais. To e Krais, Ayei te onot non ma kat a gum nar vainy fafaaman Tsunia er tsutsun faparits to, faarei tsuiny non to te koman fi non e Gov, sa faarei non u patsuun te natiny tau iny non puan ma karap ya, sa nom tap faavot iny non puan tana suman nan tsuan an nuat, jesan kan, Krais te faan non a gum nar vainy fafaaman faavot Tsunia, na fo mamatsiny ka tan matsua tan aaven, ana Ayei sumainy faavots rarori er faarei to na isen.

Kolosi 3:15

Tanyi na aaverof ten Krais ma aatouf Ya na aave mami, tana saa, e Gov te fikoo of mami tan kaa men koma aaverof fiisen men isisen fapoopoan me na mesmes faavot faarei to na isen a vainy tsun. Ana mi kat patsukanem manaa tan faarof e Gov.