1 Korin 11:5 - Saposa

⁵ San tan nainy te faakats non a moun koman vaagum ge tan nainy te pokei fi non yan vegiau ito te nom ya poo fi minon ten Gov, ayei farejiaf non e natsioiny ya to te tatagaa ot iny non ya, tan nainy te gim fi non ya ma kookof a patsuun, kat faarei tsuiny non to te puts fagaramos fi ya na patsuun,

1 Korin 11:5 ပူးပေါင်းရင်းမြစ်များ

Luke 2:36

Anna, na muiny kuigin, a guei moun ten Panuel tana vun ten Asa, a tobo'an, a fanging sa kaa fiisen me natsioiny tana fits a ingainy.

Binun Tan Amaraav 2:17

‘Tan fafakap nan nainy tsue fi Gov, Nyo nai tsiiu nats iny rou Aaven Taabos Tsonyo patsuur vainy faavot. U guei tsoiny an guei moun tsumi nai favaanan ror, an vurots tsumi nai tagei ror a man nane Gov tan taraa tsuri te tagun farokot fi rori. An tsokanei tsumi nai tagei ror a man nane Gov tan taraa tsuri te goros fi rori.

Binun Tan Amaraav 21:9

Ayei te kaa minon a ina fats a kooviou tabuiny ma fanging. Ri kaa miror fifaan te faan rarin Aaven Taabos iny nom vaanan to te poo fi minon ten Gov te pokei of rori na vainy.

1 Korin 11:4

Tan kat to aya tan nainy te faakats non a tsoiny koman vaagum ge to te pokei fi non yan vegiau to te nom ya poo fi minon ten Gov, ayei te farejiaf non e Krais to te tatagaa ot iny non ya, ito te kookof fi non ya na patsuun tan nainy te faakats non ya.

1 Korin 11:6

tana saa, ito te gim fi non a moun a fanging ma kookof a patsuun, tan nainy te faatok finy non ya, tsunia te kaa en fain e natsioiny ya, ayei ma puts fagaramos ravainy funuu nan, tana saa sikia tu kookof patsuun ya faarei tsuiny non puts fagaramos funuu faarei non a fuan a ka to te faruak tsuiny ror senviir rejiaf, tana saa ayei na ka te farejiaf fiisok non tsura ito tana moun a fanging te taan vavis fi non ya fiisen me na funuu nan a puts fagaramos, ge puts ngats faavot. To sana ayei ma puts ravaa vaare, sana ayei ma kookof a patsuun ma faatok iny ya na ka, ayei kaa non fain e natsioiny ya.

1 Korin 14:34

ito, moun ma gum fatomani koman a fo vaagum nar fafaatouf, tana saa ari gim ror ma vegiau on, a sikia, ari ma kaa fain fo tsoiny tsuar to te tsue fin Faun ten Gov.