1 Korin 11:29 - Saposa

²⁹ tana saa, ito te ainy fi non yan koinykoiny ana ya te jiu tan wain to ayei, tabuiny gima fakats faamuainy tsom ya na puan e Krais ana saa te kat bus Ya tsura naa, Gov nai fasarei non a mes to ayei to te gim fi non ya ma fatsiitsii faarof a puan a Tsunaun.

1 Korin 11:29 ပူးပေါင်းရင်းမြစ်များ

Luke 7:34

Ana Anyo na Guei Tsoiny te Bobot e Gov sa ruak iny Mes me naa me, Ya ainy to, ana Ya jiu to, ana mi tsue, ‘Tagaa yam tana mes tovei! Ayei na mes a kokorom ana jijiu wain fiisok, a vaatau kan tana vavainy nonom takis an mes vainy aveto.’

Roum 13:2

Ai tan kat to aya, ito tan nainy te veer non ta mes fuainy tsunaun te kaa miror gumgum to, ayei te veer non a ka te pisainy bus e Gov, ai tan kat to ayei, ayei nai nom non a fasaraa tsuan.

1 Korin 11:24

Ai voun Ya to te tsue faarof fi naa ya ten Gov, ana Ya ivoo towa, Ya tsue to, “A pua Vanyo tovei, te orovus of mami. Sa faarei tsuiny maromi to te ainy fi romi ya tovei roman ma ainy fatatabiny ami ya am fakats fatabiny to na ka to te kat bus Anyo tsumi.”

1 Korin 11:27

Sai to te ainy fi non ta mes koinykoiny, ge jiu fi non yan wain to tana sanaan te gim non ma faatok iny kat iny fatsiitsii na Tsunaun, ayei gima fatsiitsiin puan an rafatsiny tana Tsunaun, ayei nai nom non a fasaraa tsunia tan kat to aya.

1 Korin 11:28

Sai tovei, a fokinai to te komainy ainy ror koinykoiny tovei, ri te jiun wain ma tsiny faavots faamuainy tsom a tsivor, er tagei tsom to ta ka to te komainy fatoobing faarof fiisen ramiromi Gov tabuiny ainy rorin koinykoiny ana ri te jiun wain to ayei. Vou to te tsiny fi rori na tsivor ana ri te fatoobing faarof a tsivor matan e Gov, ari onot ror ma ainy tan koinykoiny to, ri te jiu tana gotan wain to ayei,

1 Korin 11:30

Ayei na kifon a ka sana mesapan tsumi tameruts me ri faadis rato ana mesapan kan tsuri mat rato, tana saa mesapan tsumi gima fatsiitsiin koinykoiny an wain tana Kainy Ainy Taataun Tana Tsunaun.

Hiburu 5:14

Sai te faarei non a kainy ainy a parits, kaa tan vainy matsua, an faatsuts parits a ka tan vainy fafaaman to te faarei ror vainy matsua tana faaman, an vainy fafaaman to ari, te faarei rarori to te nom bus a nat tan fafaatsuts parits ana ri te natiny a ka fapoopoan nan kat tavaron an kat iring ma kat ari.

Jemis 3:1

Fuainy vamuinyasiny fafaaman tsonyo, a ina tee ar karaup tsun tsumi ma ruak faarei ir fo tsoiny fifaatsuts, tana saa, ami ma nat fi nei, ara to te faarei ror tsoiny fifaatsuts, Gov kat non vaatsuk tsura Ya te tsuk faarof ovei tsuiny ya fis raror mesapan.

Jemis 5:12

Fuainy vamuinyasiny fafaaman tsonyo, ka na karap fiisok to, mi ma tsue vaare man non jias te komainy kat romin tsuen man; ami ma koo vaare na Gormirmir, ge ami ma koo kainy vaaren puputaa to, ge mi ma koo kainy vaare na fo mamatsiny ka. Ami ma tsue tsuiny a ka, “Eye”, te toobing fi non a ka, ge na “Sikia”, te gim fi non ya ma toobing, tan kat to aya, Gov gim non ma fakei mami tan fasaraa. Sai to te koo romi na asangan e Gov koman vegiau gam tsumi, ami nai nom fifiiring ovei emarom.