1 Korin 11:27 - Saposa

²⁷ Sai to te ainy fi non ta mes koinykoiny, ge jiu fi non yan wain to tana sanaan te gim non ma faatok iny kat iny fatsiitsii na Tsunaun, ayei gima fatsiitsiin puan an rafatsiny tana Tsunaun, ayei nai nom non a fasaraa tsunia tan kat to aya.

1 Korin 11:27 ပူးပေါင်းရင်းမြစ်များ

Matiu 22:11

“Ana aatouf naa to gagon ma nak ya na vainy ana ya tagei to na isen a mes gima vau men vaun rof nana fanging.

Vurungan Rof Nane Jisas Krais Te Kirkir Iny E Jon 6:51

Anyon koinykoiny te kifon iny non a toto na suu to te poo fi me Gormirmir. Te ainy fi non a isen ta mes koinykoiny to, te nai toto ovei enanon. Koinykoiny te faan iny Ronyo to tsuri, a pua Vanyo, orovus of Anyo na vainy tana monaagits ma kaa mi ri na toto na suu.”

1 Korin 10:21

Ami sikia rom ma onot ma isen faavot fiisen me na Tsunaun ana masarau kan, to te jiu romin wain am fakats fatabiny ton rafatsiny nana Tsunaun to te tatsiiu of mami, ai to kan, te jiu romin wain te faan iny naa rori tan masarau. Ana mi sikia rom ma onot ma fatap faavot fiisen me na Tsunaun ana fo masarau to ayei tan nainy te ainy romin koinykoiny ma fakats fatabiny ami na puan a Tsunaun, ito te faan iny mi Ya tsumi ai to kan te ainy kainy fi romin kainy ainy to ayei ito te faan finy naa rori ka iny fatsiitsiin masarau.

1 Korin 11:29

tana saa, ito te ainy fi non yan koinykoiny ana ya te jiu tan wain to ayei, tabuiny gima fakats faamuainy tsom ya na puan e Krais ana saa te kat bus Ya tsura naa, Gov nai fasarei non a mes to ayei to te gim fi non ya ma fatsiitsii faarof a puan a Tsunaun.

Hiburu 10:29

Sai tovei, ara natiny ror a fasaraa na karap fiisok to te fis pis non a fasaraa tana mes to te pitaa fusfus iny a Guei Tsoiny ten Gov ana ayei te kat rafatsiny te fataabos aveto, a faarei towa na ka babainy tsun ana ya te tsue vaaserere iny Aaven Taabos to te faan iny a koma ree'un ten Gov tan vainy Tsunia.