1 Korin 10:11 - Saposa

¹¹ Tovei na foka to te ruak tsuri, faatok rarora na ka te onot non ma ruak tsura, ito ma kaa faarei ara ri muan. Gov kat a foka to sa kirkir en, ma tsue taatag of rara Ya ma kat vaare ra na foka to ayei, tana saa ara kaa ror tan nainy te sisiruiny kap os mito na monaagits tovei.

1 Korin 10:11 ပူးပေါင်းရင်းမြစ်များ

Matiu 13:39

ana mes a koma iring to te piat vavis iny fua nana aufing a iring, ito na Vinasaar. Nainy agio iton nainy te kap non a monaagits to, an vainy agio iton fuainy morena.

Matiu 13:40

Ai to na aufing a iring te farosoo faavot non ya te faakoor tan guaf nai faarei non jesan tan fafakap nana monaagits to,

Roum 13:11

Te toobing fiisok non tsumanyi ma mangiir a mesapan, tana saa tan nainy roman, aveto te via non. Jio tagun yam, am kakoun to, tana saa, nainy te faamainy faamuainy fi ra Krais tana tou tabin fatabin me Tsunia te sisiruu en, sai tovei roman tou tabin fatabin me Tsunia te sisiruu ovei tsun ename, Ayei nai saup fatabiny rarora tan kat iring tana monaagits tovei.

Roum 13:12

Te faarei tsuiny non a uurup te arasan os mito, ana nainy te fa'arasan me, jesan kan u nainy aveto to te kaa kaa ra nai kap enanon, ai Jisas Krais te tabin fatabin pis me patsun puputaa to, to sana ra ma faonot, tan fo kat tsuran iring, ito te faarei non kat iring tana uurup. Sa ra ma pangis kat tsura, ana ra ma vau kainy puaan tana arasan ma vapupuaan miran kat iring tana uurup.

Roum 15:4

A fo mamatsiny ka te kirkir en koman Vegiau Ten Gov muan, Ayei kat a ka to ma faatsuts rara Yan kat iny anaanos faamo, ai te faparits rara ma naano anaanos e Gov, ma kat Yan fo kan saavits to te tsue faman of bus rara Ya, tan nainy te naa minon.

Roum 4:23

Sai tovei, “Gov tagei ya sa faarei na mes a tavaron matan Ya,” tana saa, ayei te faason Tsunia, ana ka to te kaa non koman Vegiau Ten Gov, gima fakats patsukainy Abraham tsun.

1 Korin 10:6

A foka to ayei faatok rarora, ya te tsue taatag of rara ma komainy fatatabiny pis vaare ra na fo kat iny aveto, faarei te kat kat fin fuainy tsuvurara na taa Jiu to muan.

1 Korin 7:29

Tovei nyo tsue fa'arasan of maromi na ka tovei vamuinyasiny fafaaman tsonyo, u nainy te toto roran sikia ma nainy viviakoo. Jio, faan iny yam tana Tsunaun to te kaa farokot minon yan ar nainy to, min fuainy tsoiny fanging, u kat nan fanging, ayei na ka tan ar nainy tsun to aya tana monaagits tovei.

1 Korin 9:10

Gov fakats faman rara tan nainy te tsue ya na ka to. Eye u man, Ayei fakats faman irara, tana saa Ayei tsue na ka to ma faatok rara Ya na vainy to te kakouiny ror puputaa ana ri na vainy to te agio ror tan fua to ayei ma ainy fatabin ari tana kainy ainy tana binun tsuri.

Galesia 4:24

U siisio tovei te faatok iny non tsue fapapaar: A ina fuan a moun to, faatok iny non fuan tsue faunot. Hega, a muiny binun babainy faatok iny non tsue faunot te faan iny e Gov ten Moses tana tobeer iny Sainai tana gum fan iny Erebia. Ai to ten Hega, a muiny binun babainy, an fuainy guei tsunia faarei patsukainy raror vainy binun babainy. Ana ra tsue kainy ror a ka, Hega faatok iny non a ngats fan tsian iny Jerusalem, tana saa, a ngats fan tsian to aya, vainy faavot na aya kaa ror fain Faun te kirkir iny e Moses sana ri kan fuainy guei tsuri, Faun tatagaa ot rarori.

Filipai 4:5

Tanyir a vainy ma tagei arin kat tsumanyi, iton kat iny koma tamee. Ana nyi te anofe vaare na Tsunaun, a tou tabin me Tsunia te siruu en tan kat vaatsuk.

Hiburu 10:25

Ara ma faonot vaare tan kat iny vivangura faavot, to te kat kat fi ror a mesapan to, a sikia, ara ma faparits fatsiainy ir isisen tsura tana saa, ara natiny ror Nainy tan Vaatsuk tana Tsunaun te sisiruu ename.

Hiburu 10:37

tana saa, ayei te faarei tsuiny non Vegiau Ten Gov te tsue na ka, “Sikia non ma potsian ana Ayei to te naa minon, gim non ma vegits on, Ayei naa enaminon.

Vaamuan Jon 2:18

Fuainy guei tsonyo, u nainy fafakap te sisiruu en! Muan sa mi nongoiny vegiau nana Tsoiny Veer ten Krais te ruak minon; to vei roman a fo mamatsiny tsoiny veer ten Krais kinai te ruak buser, ana ra ma nat fi nei, ara ruak osto tan fafakap nan nainy.