1 Korin 1:29 - Saposa

²⁹ To sana sikia ta mes onot non ma tenoor pinpin tan nainy te tsutsun non ya matan e Gov,

1 Korin 1:29 ပူးပေါင်းရင်းမြစ်များ

Roum 15:17

To sana nyo kaa miroun a ka te tenoor iny ronyo, tana saa anyo tap fiisen bus me krais to tsonyo binun rou ten Gov, ana binun tsonyo, ayei na kifon a paparaa tsonyo,

Roum 3:19

Ana ra ma natiny a ka to ayei, u man fiisok, te tsue tsuk iny non e Gov a fo faun Tsunia to, Gov vegiau non tsura, ara na taa Jiu to te faan rara Yan Faun Tsunia. Ai tan kat to aya, sikia ta isen te onot non ma tsue fatabin pis of Ya ana ayei te tsue na ka, “Nyo gim rou ma natiny kat rof tsonyo, ma kat anyo.” Ai to kan, te toobing non ten Gov ma kat vaatsuk tsura na fokinai, ara na taa Jiu to te faan rara Yan Faun Tsunia, jesan kan to te kat fi non Yan vaatsuk tana vainy sikia ma taa Jiu to te gim fi Ya ma tsue faruak iny Yan Faun Tsunia,

Roum 3:27

Tana man nana foka to, a saf a sanaan ma tenoor iny a mes na? A sikia ta ka ma tenoor iny ya. Kat fei ma gima tenoor en ya ei? Te onot kan non tsunia ma tenoor, ito te manaats fi non yan Faun ai to kan te tavaron fi non ya matan e Gov? A sikia on, ayei sikia non ma onot, sai to tsun kan te faason fi non Ya.

Roum 4:2

Ara ma fakats a ka tana kifon a ka to, tana saa to te man fi non kat iny tavaron ten Abraham matan e Gov tan kat rof te kat ya, ayei nai kaa minon a kifon a tenoor to tana ka te kat ya. Sai te kat patsukan fi enanon to, Gov gima fakats vaarik ta ka ma tenoor me Abraham.

1 Korin 1:31

To sa faarei non a ka te kirkir busen koman Vegiau Ten Gov te tsue, “E sei na mes to te komainy tenoor vavis minon ta ka ee, ayei ma tenoor iny a ka te kat bus a Tsunaun.” (Jeremaia 9.24)

1 Korin 4:7

tana saa Gov gima faan mamin gumgum ma faaroiny amin tsoiny mumua tsumi. San e Gov te faan manyi na fo mamatsiny ka te kaa mirom anyi, ami ma tenoor vaare, men kat nan kat iny pisainy tsoiny mumua, tana saa Gov faan mami na fo mamatsiny ka te kaa miromi.

1 Korin 5:6

Te gim non ma toobing tsumi ma tenoor pinpin iny a tsivom tan nainy te kaa non a mes a aveto naa to fapoopoan namami. Eye ami nat rom tan a ka te tsue of rara ya. “A ar kakaii tsun nan yis te kat fatsub non koinykoiny faavot.” Sa faarei non, to te kaa fi non a mes naa to fapoopoan namami a kat kat fatatabiny ton aveto, ayei kat fifiiring non a gum iny vainy fafaaman faavot.