1 Korin 1:2 - Saposa2 mam kirkir naa rom noun tovei tsumi na gum iny vainy fafaaman ten Gov te kaa rom tana ngats fan tsian iny Korin. Gov pets bus mami to tsumi tap fiisen mirom e Krais Jisas sa fikoo mami sam faarei men vainy taabos u fasito Tsunia. Fo mamatsiny ka ton man tana mesapan nar vainy tana fo pan vavis to te sing ror e Jisas Krais, a Tsunaun tsura, Ayei na Tsunaun tsuri, ana Tsunaun tsura kan, ana mam faan kan iny naa rom noun tovei tsuri. အခန်းကိုကြည့်ပါ။ |
1 Korin 1:2
45 ပူးပေါင်းရင်းမြစ်များ
Nyi nai karats rom a mata rari ana ri te takopis er naus osing miton a uurup tan aveto ri te naa me tana arasan tan kat tavaron, ana nyi te nom kainy ramiri te kaa ror tan parits ten Satan er takopis mito ten Gov, ai Gov te anofe, Ya te fious rari tan fo aveto tsuri, ri te kaa me ta pan iny kaa fapoopoan nar vainy te pisainy bus e Gov tana saa ari te faason Tsonyo.’”
Ana fokinai to te nongoiny vegiau tsunia saar erato. Ser rangat, “Ai koraa ya na mes to te natiny kat fifiiring raror a vainy te faaman ror ten Jisas, te kaa ror Jerusalem? Ai tovei mam nat fi rom nei Ayei na tou kotskots rari faavot ya te mei ranaari tan fuainy tsunaun tan tsoiny faakor tana taa Jiu.”
To tsonyo kirkir naa roun noun tovei tsumin vainy fafaaman ten Jisas Krais te kaa rom tana ngats fan tsian iny Roum. Gov te mangiir fiisok maromi, ana Ayei fikoo matuami sam faarei men vainy taabos, u fasito ten Krais. Nyo faakats rou ten Gov a Tamarara ana Tsunaun Jisas Krais ma faan mami na koma ree'un ana aaverof.
Tovei, Vegiau Ten Gov te tsue na ka, “E sei na mes ee,” ara onot ror ma natiny a ka tovein man: Gov kat fatavaroiny non a taa Jiu ana vainy sikia ma taa Jiu kan tan senviir sanaan tsun to aya, tana saa, a Tsunaun Jisas Ayei na isen tsun a Tsunaun to te tagaa ot iny non a vainy faavot, ai tan nainy te sing non e sei na mes ee ana ayei te rangats a Tsunaun Jisas tan tu fifaakouts, Ayei faakouts fatsian non a mes to ayei tan mamatsiny nainy kainon to tsunia sei.
Ai tovei, tan nainy te faason non a isen a mes ten Jisas Krais to te pats faavots a fo aveto tsura, Gov kat fatavaroiny non a mes to ayei matan Ya. Ayei te kat fi kanen to tana vainy faavot to te faason ten Jisas Krais tana saa, a sikia ma kat fuainy Tsunia, kainon to tsuri na taa Jiu ge na vainy sikia ma taa Jiu, ge tsuri to te nom Faun ten Gov ge na sikia,
tana saa Gov kat bus mami sam kaa rom koman e Krais Jisas, sen Krais kat rara sa ra arasan iny a nat a rof ten Gov, ai Krais kat fatavaroiny ratuara matan e Gov. Ana Ayei na isen to te nom ravainy non a fo iring an fo aveto tsura ana Ayei kat fataabos ratuara. Ana Ayei puruur kan ratuara tana parits tan aveto.
kainon to te tsue fi rori nei, sai to tsura kaa tsun minon a isen tsun a Gov a Taman. Ayei fapogaar a fo mamatsiny ka ana Ayei fapogaar kan ratuara ma fasito rara Ya. Ai to kan tsura kaa minon a isen tsun a Tsunaun, ito e Jisas Krais. Ai Gov, ito tsun kan ten Krais sa fapogaar a fo mamatsiny ka ai to tsun kan ten Krais ser kaa miror a toto.
Nyo Pol, nyo na amaraav ten Krais Jisas tan koman ten Gov. Amam me Timoti, a vamuinyasiny fafaaman tsura, mam kirkir naa rom noun tovei tsumi na gum iny vainy fafaaman ten Gov te kaa rom tana ngats fan tsian iny Korin, ai to kan tan mes panainy vainy taabos u fasito ten Krais te kaa rom tana gum fan iny Akaia.
San vegiau man ten Gov te faarei non a poon a parits a sikia ma tatagut, an fo vegiau tovei te kirkir en tana poon to ayei: “A Tsunaun te natiny non e sei na mes Tsunia ee.” (As'as 16.5) Ana mes a ka to, “Sei na mes te tsue non a ka ee, ayei na mes tana Tsunaun ma fataanis osing fo kat iring.” (Aisaia 26.13)
Bus osing fakats an kat iring tan vurots, nyi te vaputs ma kat kat tavaron matan e Gov, an kat iny faason ten Krais, an kat iny mangiir fo vamuinyasiny fafaaman tsuam, an kat nana aaverof. Kat a fo mamatsiny kat to, fiisen rame na mesapan, ton vainy fafaaman te kaa miror aave rarin arasan sing ror a asangan a Tsunaun ma faakouts rari.
ကြော်ငြာတွေ