Kacyeeŋkii 5:12 - Senoufo Supyire

¹² Pi mpyi na ŋko fànha na: «Mpabilini l'à bò mà pyi sáraga ke, lire l'à yaa ná sífente ná yaarafente ná yákilifente ná fànhe ná pèente ná sìnampe ná ŋkèeŋi i.»

Kacyeeŋkii 5:12 ပူးပေါင်းရင်းမြစ်များ

Macwo 28:18

Ka Yesu si file pi na, maa pi pyi: «Nìɲyiŋi ná ɲìŋke síŋi pun'à kan mii á.

Yuhana 1:29

Kuru canŋa nùmpanŋa, Yuhana à Yesu ɲya u u sì u yyére ke, maa jwo sùpyir'á: «Yii wíi, Kile Mpabilini li ɲyɛ nde, lire li sí n‑pa diɲyɛ sùpyire kapegigii yàfa ti na.

Yuhana 17:2

Ɲyɛ mu à fànhe kan u á sùpyire puni ɲùŋɔ na, mpii mu à kan u á ke, u u shìŋi niŋkwombaaŋi kan pir'á.

2 Kɔrɛnti Shiinbii 8:9

Wuu Kafooŋi Yesu Kirisita à ɲwɔ yii na ɲwɔŋkanni ndemu na ke, yii à lire cè. Pèente ná yaayi puni mpyi u á, ŋka yii kurugo, u à cyé yire puni na, bà yii si mpyi si Kile yaayi niɲcɛnɲyi ta mɛ.

1 Timɔti 1:17

Pèente ti taha saanrefoo Kile na tèrigii puni i, uru u ɲyɛ ɲyii na tèrigii puni i ke, sùpya ɲyɛ na u ɲaa mɛ; uru u ɲyɛ Kileŋi niŋkinŋi fo tèekwombaa. Amiina!

Kacyeeŋkii 1:6

maa wuu le u Saanre e, maa wuu pyi sáragawwuu, bà wuu si mpyi s'a báare u Tuŋi Kile á mɛ. Pèente ná fànhe na ɲyɛ u á tèrigii puni i, fo tèekwombaa. Amiina!

Kacyeeŋkii 13:8

Diɲyɛ sùpyire puni sí raa ku pêre, fo mpii mɛyi y'à sémɛ shìŋi niŋkwombaaŋi tafeebii mɛyi tasemɛge e mà lwɔ́ diɲyɛ tasiige e ke. Mpabilini l'à pyi sáraga ke, uru sémɛŋi na ɲyɛ lire wu.

Kacyeeŋkii 15:3

Pi mpyi na Kile báarapyiŋi Musa mɛɛni ná Mpabilini mɛɛni cêe na: «Kafooŋi Kile, Siŋi Punifoo! Mu kapyiiŋkii na ɲyɛ kabwɔhii ná kakyanhala. Supyishiŋi puni Saanŋi, mu kapyiiŋkii pun'à tíi, maa mpyi sèe!

Kacyeeŋkii 19:1

Lire kàntugo ka mii i tùnmbwɔhɔ lógo nìɲyiŋi i, mu à jwo supyiɲyahara ti ɲyɛ na yu, na: «Aleluya! Zhwoŋi ná pèente ná sífente na ɲyɛ wuu Kileŋi á.

Kacyeeŋkii 4:11

«Wuu Kafooŋi Kile, mu à yaa ná pèente ná ŋkèeŋi ná sífente e, ɲaha na yɛ mu u à yaayi puni dá, mu à yi dá mà tàanna ná ma ɲyii wuuni i.»

Kacyeeŋkii 5:13

Yaaga maha yaaga k'à dá nìɲyiŋi ná ɲìŋke ná ɲìŋke ɲwɔh'i ná lwɔhe e ná yaaga maha yaaga ku ɲyɛ ke, ka mii i yire puni ɲya yi i mɛɛ cêe na: «Ŋkèeŋi ná pèente ná sìnampe ná fànhafente ti pyi saanre yatɛɛnŋke tɛɛnfooŋi ná Mpabilini woro, fo tèekwombaa!»

Kacyeeŋkii 5:6

Ɲyɛ ka mii i Mpabili ɲya l'à yyére saanre yatɛɛnŋke yyaha yyére, ɲyii yaayi sicyɛɛreŋi ná kacwɔnribii shwɔhɔl'e. Li mpyi mu à jwo l'à bò mà pyi sáraga. Ɲɛ̀ŋii baashuunni mpyi l'á, ná ɲyii baashuunni, cyire cyi ɲyɛ Kile múnahigii baashuunniŋi cyi à tùugo diɲyɛŋi cyeyi puni i ke.

Kacyeeŋkii 5:8

Lir'à pyi ke, ka ɲyii yaayi sicyɛɛreŋi ná kacwɔnribii beɲjaaga ná sicyɛɛreŋi si piye tîrig'a cyán Mpabilini á. Pi shin maha shin mpyi ná ŋkɔ̀nn'i, mà bâra sɛɛn ŋkunahii, cyire puni mpyi a ɲî wusuna nùguntanga wu na. Ɲareyi Kile wuubii maha mpyi ke, yire yi mpyi uru wusunaŋi.

Kacyeeŋkii 5:9

Pi mpyi na mɛɛ nivɔnnɔ cêe na: «Mu u à yaa ná ŋke sémɛweŋke zhwoŋi i, si ku fyèebii láha, ɲaha na yɛ mu à bò mà pyi sáraga, maa sùpyire tà ɲùŋɔ wwû ná ma sìshange e mà pyi Kile wuu, tùluyi puni ná shɛɛnre puni ná supyishiŋi puni ná kìrigii puni i.

Kacyeeŋkii 6:1

Ɲyɛ sémɛweŋke fyèebii baashuunniŋi i, ka mii i Mpabilini ɲya l'à niɲcyiiŋi láha. Ɲyii yaayi sicyɛɛreŋi i, ka mii i kuru kà niŋkin ɲya k'à jwo fànha na mu à jwo kileŋi u à tîn, na: «Pa naha!»

Kacyeeŋkii 7:12

maa ŋko: «Amiina! Ŋkèeŋi ná sìnampe ná yákilifente ná fwùŋi ná pèente ná sífente ná fànhe na ɲyɛ wuu Kileŋi wuyo fo tèekwombaa. Amiina.»