Eburu Shiinbii 5:8 - Senoufo Supyire

⁸ U mɛ́n'à sìi Kile Jyaŋi ke, u mpyi maha Kile ɲwɔmɛɛcunte taanni yyefuge cye kurugo.

Eburu Shiinbii 5:8 ပူးပေါင်းရင်းမြစ်များ

Macwo 3:15

Ka Yesu si u pyi: «Bà mii à yi jwo mɛ, ɲɛɛ wuu u yi pyi amuni numɛ, ɲaha na yɛ lire cye kurugo wuu sí Kile jwumpe kuni ɲaara si nɔ li tɛgɛni na.» Ɲyɛ ka Yuhana si ɲɛɛ maa u batize.

Yuhana 10:18

Sùpya sì n‑jà mii múnaani wwû mii i fànhe e mɛ. Mii sí li kan nay'á. Síŋi ɲyɛ mii á mà li kan, síŋi ɲyɛ mii á mà li shwɔ sahaŋki. Yire mii Tuŋi à jwo mii u pyi.»

Yuhana 15:10

Yii aha a mii toŋi kurigii ɲaare, yii sí n‑kwôro mii tàange e, bà mii à na Tuŋi wuŋi kurigii ɲaara maa ŋkwôro u tàange e mɛ.

Yuhana 4:34

Ka Yesu si jwo: «Ŋge u à mii tun ke, mii u uru ɲyii wuuni pyi, tùnnture u à kan mii á ke, mii u tire pyi fo ti tɛgɛni, mii yalyire ti ɲyɛ tire.

Yuhana 6:38

Mii ɲyɛ a yîri nìɲyiŋi na mà pa ɲìŋke na si mpa a na ɲyii wuuni pyi mɛ, mii à pa mpa a na tunvooŋi ɲyii wuuni pyi.

Filipi Shiinbii 2:8

u à ɲɛn'a uye tîrige, maa Kile ɲwɔmɛɛni cû fo mà sà nɔ kwùŋi na, kworokworocige ɲuŋ'i u à kwû bá!

Eburu Shiinbii 1:2

Ŋka ɲcyii tèrigii nizanŋkil'e, u à jwo ná wuu e u Jyaŋi cye kurugo, u à uru ŋgemu tìŋɛ mà pyi yaayi punifoo ke, uru cye kurugo Kile à yaayi puni dá.

Eburu Shiinbii 1:5

Kile à têl'a jwo u mɛ̀lɛkɛŋi ŋgir'á na: «Mu u ɲyɛ mii Jyaŋi, niɲjaa mii à pyi mu Tuŋi» yɛ? U mú ɲyɛ a têl'a jwo mɛ̀lɛkɛŋi wà tufiige kyaa na: «Mii sí n‑pyi u Tuŋi, u sí n‑pyi mii Jyaŋi» mɛ.

Eburu Shiinbii 1:8

Ŋka Kile à yi jwo u Jyaŋi á: «Mu u ɲyɛ Kile, mu sí n‑kwôro ɲùŋufente e tèrigii puni i. Mpii ɲùŋɔ na mu ɲyɛ ke, mu à tíi pir'á.