1 Pyɛri 2:6 - Senoufo Supyire

⁶ Yii li cè na y'à sémɛ Kile Jwumpe Semɛŋi i na: «Yii wíi, mii à kafaaga cwɔɔnrɔ, ku tayyéreg'à pêe sèl'e. Mii sí ku pyi bage kafaage sèe woge bage mbìini na Siyɔn kànhe e. Shinŋi u à dá ku na ke, urufoo sì n‑sìi n‑sílege mɛ.»

1 Pyɛri 2:6 ပူးပေါင်းရင်းမြစ်များ

Ziiŋi 49:24

Ŋka u sintaag'à kwôro u cye e, Yakuba u Kileŋi Siŋifol'à fànha kan u cyey'á. Uru Kileŋi u ɲyɛ Izirayɛli kàanmucyafooŋi, uru mú u ɲyɛ Izirayɛli taŋwɔhɔge.

Macwo 12:18

«Kile à jwo: “Mii báarapyiŋi u ɲyɛ ŋge, mii à u cwɔɔnrɔ. U kan'à waha mii na sèl'e, u kapyiiŋkil'à táan mii á mú. Mii sí na Munaani pyi li tɛ̀ɛn u e, u sí raa supyishiŋi sanŋi leni kuni nintiini i.

Marika 12:10

Ɲje y'à sémɛ Kile Jwumpe Semɛŋi i ke, taha yii ɲyɛ a yire kâla mɛ? Y'à sémɛ “Bafaanribil'à cyé kafaage ŋkemu na ke, kuru k'à pa mpyi bage kafaage sèe woge bage mbìini na.

Luka 20:17

Ka Yesu si pi wíi wíi maa jwo: «Y'à sémɛ Kile Jwumpe Semɛŋi i na: “Bafaanribil'à cyé kafaage ŋkemu na ke, kuru k'à pa mpyi bage kafaage sèe woge bage mbìini na.” Di puru jwumpe ɲwɔhe ɲyɛ yɛ?

Luka 23:35

Shinɲyahara mpyi a yyére wani marii wíi. Ka Yahutuubii yyaha yyére shiinbii si wá na Yesu fwɔ́hɔre na: «U à sùpyire tà shwɔ, u uye shwɔ numɛ kɛ! Lire e wuu sí n‑sìi n‑cè na uru u ɲyɛ Kile Niɲcwɔnrɔŋi.»

Yuhana 7:38

Ŋgemu ká dá mii na ke, lwɔhe ku maha shìŋi kaan ke, kuru sí raa fwu raa fwore urufoo funŋke e ba fiige, bà l'à sémɛ Kile Jwumpe Semɛŋi i mɛ.»

Kapyiiŋkii 1:16

«Mii cìnmpyiibii, Kile Munaani mpyi a Dawuda yyaha cû, ka u u jwumpe mpemu jwo ná p'à sémɛ Kile Jwumpe Semɛŋi i, na Zhudasi u sí n‑tòro sùpyire yyaha na, si Yesu le cye e ke, fànha kyaa li mpyi li li, puru jwumpe pu fûnŋɔ.

Ɔrɔmu Shiinbii 10:11

Yii li cè na y'à sémɛ Kile Jwumpe Semɛŋi i na: «Shin maha shin u à dá u na ke, urufoo sì n‑sílege mɛ.»

Efese Shiinbii 1:4

Uru cye kurugo, mà jwo diɲyɛŋi u dá ke, Kile mpyi a wuu cwɔɔnrɔ, bà wuu si mpyi si fíniŋɛ, si mpyi tìgire cyaga baa u yyahe taan mɛ.

Efese Shiinbii 2:20

Yii na ɲyɛ baga, Kile à ŋkemu faanra ke. Yesu tùnntunmpii ná Kile tùnntunmpii pi ɲyɛ kuru bage nintaani, Yesu Kirisita yabiliŋi u ɲyɛ ku nintaani kafaage sèe woge mbìini na.

2 Timɔti 3:16

Uru Semɛŋi jwumpe pun'à fworo Kile e, lire kurugo pu tayyéreg'à pêe, pu sí n‑jà sùpya taanna, pu sí n‑jà sùpya yɛrɛ si u le kuni niɲcɛnni i, pu sí n‑jà sùpyaŋi kúu, si u yaha katiigii mpyiŋi na, pu na lire puni ɲwɔge.

1 Pyɛri 2:4

Yii file Kafooŋi na, uru u ɲyɛ kafaage ɲyii woge, sùpyir'à cyé ŋkemu na ke. Ŋka Kile à ku tayyérege ɲya k'à pêe, maa ku cwɔɔnrɔ.

1 Pyɛri 2:8

«Kafaaga ku ɲyɛ ku ki, sùpyire maha búruge ŋkemu na ke, fáaga ku ɲyɛ ku ki, ŋkemu ku maha sùpyire pyi ti i ɲcwo ke.» Pi ɲyɛ na Kile Jwumpe kurigii ɲaare mɛ, lire kurugo pi maha ɲcwu. Lire yahare e Kile mpyi a pi yaha.

2 Pyɛri 1:20

Kabilini niɲcyiini yii à yaa yii cè ke, lire li ɲyɛ: jwumɔ maha jwumɔ Kile tùnntunmpil'à jwo, ka pu u sémɛ Kile Jwumpe Semɛŋi i ke, puru pà ɲyɛ a fworo pi yabilimpil'e mɛ,

2 Pyɛri 3:16

Cyaga maha cyag'e u à jwo ɲcyii karigii kyaa na u lɛtɛribil'e ke, mpe jwumpe ninumpe u à jwo. U lɛtɛribil'e cyeyi yà na ɲyɛ wani, yire yyahacemɛ ɲyɛ a táan mɛ. Mpii pi ɲyɛ pi ɲyɛ a yaaga cè mɛ, mà bâra mpii pi ɲyɛ pi ɲyɛ a fànha ta Kile kuni i mɛ, pire maha yire cyeyi jwumpe ɲwɔhe labali na yu, bà pi maha lire pyi ná Kile Jwumpe Semɛŋi cyeyi sanɲyi i mɛ. Lire e pi yabilimpii nùmpanŋke ntambaaŋi sí n‑fworo pi e.