1 KƆRƐNTI SHIINBII 13:9 - Senoufo Supyire

⁹ Yii li cè na wuu ɲyɛ a karigii puni cè mɛ. Wuu taceŋke ɲyɛ a pêe Kile tùnnture báaraŋi i mɛ.

1 KƆRƐNTI SHIINBII 13:9 ပူးပေါင်းရင်းမြစ်များ

Macwo 11:27

Lire kàntugo maa jwo sùpyir'á: «Mii Tuŋi à karigii puni le mii cye e. Sùpya ɲyɛ a Jyafooŋi cè Tufooŋi baare e mɛ. Sùpya mú ɲyɛ a Tufooŋi cè Jyafooŋi baare e mɛ, fo Jyafooŋi la ká mpyi si u cyêe ŋgemu na ke.

Ɔrɔmu Shiinbii 11:34

Y'à sémɛ Kile Jwumpe Semɛŋi i na: «Jofoo u à Kafooŋi Kile sɔ̀nŋɔre cè yɛ? Jofoo u ɲyɛ u yɛrɛfooŋi yɛ?

1 KƆRƐNTI SHIINBII 13:10

Ŋka Kile ká u báaraŋi fûnŋɔ canŋke ŋkemu i ke, wuu karigii nivunŋɔmbaagii sí n‑kwɔ̀.

1 KƆRƐNTI SHIINBII 13:12

Numɛ, wuu ɲyɛ na karigii ɲaa na ɲcwúu mɛ, li na ɲyɛ mu à jwo bà wà maha uye wíi dùba e mɛ. Canŋa na ma, wuu sí raa karigii ɲaa raa ɲcwúu. Numɛ wuu taceŋke ɲyɛ a pêe mɛ, ŋka kuru canŋke, bà Kile à wuu cè feefee mɛ, amuni wuu sí n‑pa Kile karigii yyaha cè.

1 KƆRƐNTI SHIINBII 2:9

Bà l'à sémɛ Kile Jwumpe Semɛŋi i na: «Sùpya ɲyii sàha ŋkwɔ̀ a ndemu ɲya mɛ, ná niŋgyii sàha ŋkwɔ̀ a li lóg'a ɲya mɛ, ná li sàha ŋkwɔ̀ a tîge sùpya funŋ'i mà ɲya mɛ, mpii pi à Kile kyaa táan piy'á ke, lire u à bégel'a yaha pire mɛɛ na.»

1 KƆRƐNTI SHIINBII 8:2

Wà ha nta u u sɔ̂nŋi na ur'à kyaa cè, urufoo u li cè na yaaga saha a urufoo fô.

Efese Shiinbii 3:8

Mii u ɲyɛ na naye sɔ̂nŋi Kile wuubii puni nimbileni ke, Kile à ɲwɔ mii na, maa mii pyi mii i Kirisita kasinani tɛgɛlɛ baa wuuni yu supyishiŋi sanŋ'á.

1 Yuhana 3:2

Mii ntàannamacinmpyiibii, numɛ kɔni, wuu à pyi Kile pyìi. Wuu sí n‑pa n‑pyi yaage ŋkemu ke, kuru sàha ŋkwɔ̀ a cyêe wuu na mɛ. Ŋka wuu kɔn'à cè, canŋke Yesu Kirisita sí n‑cyêe ke, pyiŋkanni na u ɲyɛ ke, wuu sí n‑pyi amuni. Lire e, pyiŋkanni na u ɲyɛ ke, wuu sí u ɲya amuni.