Yoane 7:22 - Selepet

^22-23 Nâŋe otmune ki bâleop. Yakât yuwu sâmune nâŋgâm heŋgeŋguŋet. Tâmbâlipnenŋaŋe hâkyeŋahât torehenŋan undip tuhuaŋgiminiwi ya yeŋe torokatmâ otmâ yâhânomaihât Moseŋe girem den kulemguop. Yakât otmâmâ girem den lâuain sâmai yamâ tatmâ nâŋgâ nâŋgâ sâpŋan nanlipyeŋe ihilâk hâkyeŋahât torehenŋan undip tuhuyiŋgimai. Yawu gârâmâ nâŋe gurâ tatmâ nâŋgâ nâŋgâ sâpŋan lok pareŋe heŋgeŋguwan yakât topŋe girawuhât nâŋgâŋetâ bâleap.

Yoane 7:22 ပူးပေါင်းရင်းမြစ်များ

Galatia 3:17

Yawu gârâmâ Anitâŋe Awaraham den ekuop ya yambu 430 pesuk sâmu yanâmâ girem den Mose waŋop. Otmu Awaraham den ekuop yakât kakŋan Mose ki ekuop. Yawu gârâmâ Mose girem den waŋop yaŋe mem ge katbuap, me Awaraham den ekuop ya hâukum âlâ sâwuapgât dop âlâ ki tap.

Aposolo 7:8

Yawu sâm ekum pat kuwaŋgiop. Pat kuwaŋgiop ya nâŋgâm mannomaihât hâkyeŋahât torehenŋan undip tuhuaŋgim manmâ yâhânomai ya sâm kalop. Otmu yakât kakŋan Awaraham nanŋe Isaka tetemu hilâm nombolân kalimbu pesuk sâmu hâkŋahât torehenŋan undip tuhuwaŋgiop. Otmu Isaka nanŋe Yakop tetemu yâk gurâ yawuâk hâkŋahât torehenŋan undip tuhuwaŋgiop. Otmu Yakop nanlipŋe kâiân yâhâp teteŋetâ yâk gurâ yawuâk hâkyeŋahât torehenŋan undip tuhuyiŋgiop.