မာကု 9:31 - The New Testament in Shwe Palaung

³¹ ကောပ်ဆေတဒါႈခိူည်ဒီန် အ်ုန်ဆာင်ဆောန်ဒဲႈ တတဘဲႇဒေဂဲ၊ “ကွံန်ဘီအီုဝ် ဒီဘ်ုပ်က်ုရ်တူႈအာပ် တတီဘီဂဲယာ့်၊ ဂဲဒီပျံမ်ယံမ်ပဲတ်အ်ုန်။ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”

မာကု 9:31 ပူးပေါင်းရင်းမြစ်များ

မာကု 10:34

“ခြိူဝ်မျိုဟံရ်ဂဲဒီန် ဒီပ်ုန်ဘဝ်၊ ဘဲႇအိုမ်ဘဲႇဒေတအ်ုန်၊ ဂဲဟွည်ႇဒဲႈတာမ်လ်ုရ်ႈ၊ ပျံမ်ယံမ်ပဲတ်အ်ုန်။ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”

မာကု 8:31

ဟွည်ႇဒီန် ယေဆုဆာင်ဆောန် တဘဲႇဒေဂဲ၊ “ကွံန်ဘီအီုဝ် ဒီဘ်ုပ်ဒေက်ုရ်တူႈ ႎိုည်ဒနာဘ္လံမ်ဂါရ် ဘီအဆာႇဒါင်ဝါဒါင်ဂဲ၊ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ ႎဲႈထေင်ပဲတ်ဒေ။ ဒီဘ်ုပ်ဒေက်ုရ်တူႈထဲင် ဂဲပျံမ်ယံမ်ပဲတ်ဒေ၊ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”

မာကု 9:12

ယေဆုႎီရ်ဒါႈ၊ “ဧလိယ လာ်ႈရောတ်ပေါဇံဝ်ရအာတ်ဒီန် မိူဝ်ႈအေ့ အတွရဲန်ဒေရ်ုရ်တွံန်နဲ။ က်ုန်ညာခိူည်ဒီန် ကွံန်ဘီအီုဝ် ဒီဘ်ုပ်ဒေခါမ်ဇာ ဒုခႎိူည်ဒနာဂါရ် ဒီဘ်ုပ်ဒေက်ုရ်တူႈထဲင် ဘီဂဲႎဲႈထေင်ဒေ၊ ကောည်လိုည် ဆေညာ တန်ုဘေဲႇကျံမ်တဲမ်အူန် ညာခိူည်ဒီန်အဲႈ။”