မာကု 9:26 - The New Testament in Shwe Palaung

²⁶ အခိင်ဒီန် ကီုရ်နံမ်ချှိုပီ ပည်ပြိုႈဒေရျံင်၊ ဘံန်အ်ုန်ဟွည်ႇဒဲႈ ကွံန်ရလျံင်ဒီန် တကြိုတ် လေႈပွံတ်ဒေဒိုရ်တိုအ်ုန်၊ အ်ုန်ပဲန်ပွံတ် ညာခိူည်တိုဘီယံမ်၊ ဘီတွံန်ကူဂဲ ဒါႈဒိုည်ႇ၊ “အ်ုန်ယံမ်ယာ့်။”

မာကု 9:26 ပူးပေါင်းရင်းမြစ်များ

မာကု 1:26

အခိင်ဒီန် ကီုရ်နံမ်ကာကျကာလ ဟွည်ႇယူႈရဲင်ပ်ုန်ခေါပွံတ် အီကူဒီန်၊ ပြိုႈဂံရ်ႈရဲင်ရဲင် လေႈပွံတ်ဒေ ဒိုရ်တိုအ်ုန်။

မာကု 9:18

တွံန်ကီုရ်နံမ်ချှိုဒီန် လီပ်စံပ်တအ်ုန်၊ အ်ုန်ဆမာ ပ်ုန်ဂေႈဆကြ်ုပ်ပဲတ်အ်ုန် တပါင်ကတဲ၊ ဟွည်ႇဒဲႈဘူရ်ႈလေႈ တမူရ်အ်ုန်၊ က်ုရ်ဂြီတ်ဟြာင်ဟောမ်ဒေ ဆမာပ်ုန်ခေါပဲတ်တိုအ်ုန်။ အောဘိူည်ဒါႈဂံတ်တ တဘဲႇမီဂဲ ရူပ်လေႈဒဲႈ ကီုရ်နံမ်ချှိုအီုဝ် ဂဲကာဘဲလိုည်ဒေရူပ်။”

မာကု 9:20

ဂဲဒိူည်လာ်ႈကွံန်ရလျံင်ဒီန် တယေဆု။ ဘံန်ကီုရ်နံမ်ချှိုဒီန် ယိူဝ်ဒေငိူပ်ယေဆု၊ အ်ုန်ပ်ုန်ခေါဟာ့်ပွံတ် ကွံန်ရလျံင်ဒီန် အူဒီန်တောအူဒီန်၊ အ်ုန်ဟွည်ႇပ်ုန်ဂေႈဆကြ်ုပ်ပဲတ် ကွံန်ရလျံင်ဒီန် တပါင်ကတဲ ဘူရ်လေႈပွံတ်တမူရ်အ်ုန်၊ ညာအီတ် က်ုရ်ပ္လူက်ုရ်ပ္လါႇပွံတ်တိုဒေ။

မာကု 9:25

ဘံန်ယေဆု ယိူဝ်ဒေငိူပ် ဖုင်ဘီက်ုရ်စုဂဲ ခူန်လာ်ႈဇူဒေ အ်ုန်ပိင်ငျှံပ်ဆုင်မ ဒဲႈဆဒိ တကီုရ်နံမ်ကာကျကာလဒီန်၊ “အိူဝ် ကီုရ်နံမ်ချှိုဟျာ့်ဇံန်ကာခီုတ်ငဲ၊ အောဒဲႈငဲအမိင်တမီ၊ လေႈပွံတ်မီ ဒိုရ်တို ကွံန်ကညောမ်ဒီန်၊ မီမည်ဂွည်ႇလီပ်ယာ့်ထဲင် ရန်ုအ်ုန်။”

မာကု 9:27

ကောည်လိုည် ယေဆု ဘာပွံတ်တီ ကွံန်ရလျံင်ဒီန် ပျိူဝ်ႇယိူဝ်ႇပွံတ်တိုအ်ုန် အ်ုန်မိူဝ်ႈယိူဝ်ႇပွံတ်ဒေ။