မာကု 8:23 - The New Testament in Shwe Palaung

²³ ယေဆု တီုတ်ဒေဘာတီ အီကူငါည်အံပ်ဒီန် တောႇလေႈပွံတ်အ်ုန်ရိူဝ့်ရူ။ ဟွည်ႇဒီန် ယေဆုဘဲ့ပွံတ် အိုမ်ဘဲ့ဒေတပ္လေငါည်အ်ုန်၊ ဂံမ်တီဒေ တပါင်အ်ုန် ဆ်ုရ်မွံတ်ပွံတ်၊ “မီပည်ယိူဝ်ဒေငိူပ် အူနဲအူနဲ။”

မာကု 8:23 ပူးပေါင်းရင်းမြစ်များ

မာကု 5:23

အ်ုန်နွံရ်ႈရဲင်ဖိူမ်ရဲင်ဒေ တောင်ဘာန်ဒါႈ၊ “ကွံန်ရပျာဒျံတ်အော ဘ်ုပ်ဆူဖိူဝ်နာ။ ရာ့်မီ စွလာ်ႈဂံမ်တီမီ တပါင်အ်ုန်စိ၊ က်ုန်ညာခိူည်ဒီန် အ်ုန်ဒီဘိူန်ဒေချံမ်ဆာ အဆာႇအီမ်။”

မာကု 7:33

ဘံန်ညာခိူည်ဒီန် ယေဆု တောႇလာ်ႈပွံတ်အီကူဒီန် တအရာပ်ယေန်ညီမ် ဒိုရ်န်ုဖုင်ဘီက်ုရ်စုဂဲ၊ အ်ုန်ဒါရ်ုန်ဂိုရ်တီဒေ စီလီပ်ပွံတ် တန်ုဘီုင်ဟျာ့်အ်ုန် အာရ်ခေါန်၊ ဟွည်ႇဒီန် ဘဲ့အိုမ်ဘဲ့ဒေ စူတ်ပွံတ် တကီုရ်တာႇ အီကူဒီန်။

မာကု 8:24

အီကူဒီန် ဆိူန်ဂိူဝ်ႈဒေငိူပ် ဒါႈတအ်ုန်၊ “အောယိူဝ်ယာ့် အောငိူပ်ဘီဂဲ၊ ကောည်လိုည် ဂဲနှေရ်ဒိုည်ႇပဲတ် တီုင်ဟေဂဲ လာ်ႈလာ်ႈႎေင်ႎေင်။”

မာကု 8:26

ယေဆုဒါႈ၊ “မီမာည်ဂွည်ႇလီပ်ယာ့် တရူ” ဟွည်ႇဒါႈခိူည်ဒီန် ပ္လေါည်ႎေင်ပွံတ်အ်ုန် တဂါင်။