မာကု 7:13 - The New Testament in Shwe Palaung

¹³ ပဲဆာင်ဆောန်ဒဲႈ တဘီဟံရ် ဒါဒေင်လာ့်လာည်အီုဝ် မိူဝ်ႈညှိုႈပဲထေင်ဒိုည်ႇပဲတ် ငဲဖြာ။ ဆဲႈဒီန် ခံင်ရ်ုရ်ပဲ ပ်ုန်ဟံရ် ယိူဝ်ထဲင်ဘာ့်ဘာ့်ဘိူဝ်ဘိူဝ်။”

မာကု 7:13 ပူးပေါင်းရင်းမြစ်များ

မာကု 7:12

အီကူဒီန် ကာလိုယာ့် ရ်ုရ်ဇောည် ကူန်မာဒေ၊ ပဲဆမာနံပ်ဒေ ဆာင်ဆောန်ညာခိူည်ဒီန်။

မာကု 7:14

အခိင်ဒီန် ယေဆု ႎီရ်တောႇထဲင် ဖုင်ဘီက်ုရ်စု လာ်ႈတဒေ၊ အ်ုန်ဒါႈတဂဲ၊ “ဆတီုင်ဘိူဝ်ငဲအော ဒဲႈပဲနံပ်ဒိုည်ႇတွံန်ကူ။”

မာကု 7:3

(က်ုန်မိူဝ်ႈ ဖာရိရှဲဂဲဂါရ် ဘီယုဒဂဲဒီန်၊ တိူဝ်ႈဒေဇောမ်ထုင် ပ်ုန်ဆာင်ဆောန်ဒဲႈ တာယာဒေအူဟိူဝ်၊ က်ုန်ကာပါည်ဘိူဝ်တီဒေ ကာကျာင်စိဒေ ဟောမ်ပ်ုန်ဟောမ်။

မာကု 7:5

ဘံန်ညာခိူည်ဒီန် ဖာရိရှဲဂဲဂါရ် တာဆရာနံပ်ဘေဲႇကျံမ်ဂဲ ဆ်ုရ်မွံတ်ယေဆု၊ “ကောပ်ဆေ တဘဲႇမီဂဲ ကာဇောမ် ထုင်အူန်ကူန်မာ တာယာအယ်အူဟိူဝ်၊ ဂဲဒါတီ ကာဆပဲဒေ ဒါ့်ဟောမ်ပ်ုန်ဟောမ်အဲႈ။”

မာကု 7:9

ဟွည်ႇဒီန် ယေဆုႎီရ်ဆီုပ်ဒေဒါႈ၊ “အတွပဲဒဲႈထုင် ပ်ုန်ဆာင်ဆောန်ဒေမြဲ ပဲလှညှိုႈဒေ ထေင်ဒိုည်ႇပဲတ် ပိင်ငျှံပ်ဖြာ။