မာကု 6:51 - The New Testament in Shwe Palaung

⁵¹ ဟွည်ႇဒီန် အ်ုန်ဟာ့်ဇူပွံတ်ဂဲ တပါင်ရိူဝ်၊ ခူရ်ဒါင်မိူဝ်ႈ ညီမ်ပွံတ်ဒေ၊ ဘံန်ညာခိူည်ဒီန် တဘဲႇအ်ုန်ဂဲ ညာအာမ်ဒိုည်ႇပွံတ်ဒေ။

မာကု 6:51 ပူးပေါင်းရင်းမြစ်များ

မာကု 1:27

ဟွည်ႇဒီန် ဘီဂဲ ညာအာမ်ဒိုည်ႇပွံတ်ဒေ၊ ဂဲလာည်က်ုရ်မိုန်တဒေ အူကူတောအူကူ ဂဲဒါႈ၊ “ပ်ုန်ဆာင်ဆောန်အ်ုန် က်ုန်မဲအီုဝ် ဆေမိူဝ်ႈအဲႈ။ အီကူအီုဝ် ယိူဝ်အခွါင်အာဏာ ဘံန်အ်ုန်ဒဲႈအမိင် တကီုရ်နံမ်ကာကျကာလဂဲ ဂဲဇူဒိုည်ႇငဲပ်ုန်ဂြည်အ်ုန်။”

မာကု 2:12

အခိင်ဒီန် ဘီဘ်ုပ်တီဇိူင်ဇ်ုမ်ဒီန်မိူဝ်ႈ၊ ယိူဝ်ႇဇံင် တိူဝ်ႈပွံတ်ပေရ်ရအီတ်ဒေ၊ လာ်ႈဖာည်ဖာည်ပွံတ် တဟာရဆငါည်။ ဂဲညာအာမ်ဒိုည်ႇပွံတ်ဒေ၊ ဂဲဒါႈ၊ “ညာခိူည်ပ်ုန်ပဲန်အ်ုန်အီုဝ် အူလိူဝ်ႈမိူဝ်ႈ အယ်ကာကျာင်ယိူဝ်စိ အယ်ငိူပ်။” ဟွည်ႇဒီန် ဂဲဟိုင်တာင်ပွံတ်ဂုင်ဖြာ။

မာကု 4:39

အခိင်ဒီန် ယေဆုယိူဝ်ႇဒိုရ်အီတ်ဒေ အ်ုန်ငဲဆုင်မပွံတ် ခူရ်ဂါရ် က်ုရ်ပံရ်အိုမ်၊ “ယေန်ညီမ်အေ့” ဘံန်အ်ုန် ပိင်ငျှံပ်ခိူည်ဒီန် ခူရ်ဒီန် ညာယေန်ညီမ် ဆာယာညှိုႈညှိုႈပွံတ်ဒေ။

မာကု 4:41

ဘီဂဲဒီန် ယောလူတ်လာည် ညာယူႈယူႈယ်ုရ်ယ်ုရ် ဂဲက်ုရ်မိုန်ဒိုည်ႇတဒေ အူကူတောအူကူ။ “အီကူအီုဝ် အဆေအ်ုန်မိူဝ်ႈအဲႈ၊ ခူရ်ဂါရ် က်ုရ်ပံရ်အိုမ်လိုည် ဆတီုင်ဒိုည်ႇငဲပ်ုန်ဒါႈအ်ုန်။”

မာကု 5:42

ဒံင်အူကပြေ့ ကွံန်ရပျာဒီန် ယိူဝ်ႇလာ်ႈပွံတ်ဒေ။ (အ်ုန်ဘိူန်ဂိူဝ်ဒေအဆာႇ ကိူရ်အာရ်ဆနံမ်။) အခိင်ဒီန် ဂဲညာအာမ်ဒိုည်ႇပွံတ်ဒေ။

မာကု 6:32

ကောပ်ခိူည်ဒီန် ဂဲဘရိူဝ် ရာင်ကောည်ဒေ လာ်ႈပွံတ် တအရာပ်ယေန်ညီမ်။

မာကု 7:37

ဘံန်ဘီဂဲ ယိူဝ်ဒေဆတီုင် အကျံင်ဒီန် ဂဲအာမ်ညှိုႈညှိုႈ။ “အ်ုန်နံပ်ဒေရ်ုရ်ညာခိူည်အီုဝ် ဘ်ုရ်မောဒါႈဒေကျညှိုႈ၊” ဂဲဒါႈဒိုည်ႇခိူည်ဒီန်။ “အီအ်ုန်ဟျာ့်ဇံန်ကာခီုတ်ငဲလိုည် ဟွည်ႇဒဲႈအ်ုန်ယိူဝ်ဒေဆတီုင် ဘဲဒေငဲယာ့်။”