မာကု 5:27 - The New Testament in Shwe Palaung

²⁷ ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇောမ်ပွံတ် လ်ုပ်ရဘံန် ဘီက်ုရ်စုဂဲ အတွထိဆဒေါလှိူင်အ်ုန်၊

မာကု 5:27 ပူးပေါင်းရင်းမြစ်များ

မာကု 5:26

တာဆရာႎှုန်ဘာ့်ဘိူဝ်ဂဲ ဘိူည်ဆန်ုမ်ဒဲႈဂံတ် မောအုဇာဂြူဂြိမ် ဘ်ုရ်ယိူဝ်အ်ုန် ဂိူပ်ဒိုည်ႇ၊ ဆဲႈကာဟြာည် ရောဂါအ်ုန် ယိူင်ရဲ့ယိူင်နာ။

မာကု 5:28

အ်ုန်ဒါႈရာင်ကွည်ဒေ၊ “အောက်ုန်ဘိူန်အော ထိဂိူဝ်ဆဒေါလှိူင်အ်ုန်၊ ရောဂါအော ဒီဘိူန်ဒေဟြာည်။”

မာကု 6:56

အရာပ်ရစွလာ်ႈ ယေဆုတွံန်တီ၊ တကုင်မိူဝ်ႈဟွည်ႇ၊ တရူမိူဝ်ႈဟွည်ႇ က်ုန်ကာမိူဝ်ႈ တနာမိူဝ်ႈဟွည်ႇ ဘီဂဲဒီန် ဒေါဒေဒိူည် ဘီဆူဖိူဝ်ဂဲ လာ်ႈချအူန်ပဲတ်ဂဲ တအရာပ်တကာတ်၊ ဂဲမှာန်အခွါင်တအ်ုန် ဒဲႈဂဲဘိူန်ဒေဒါတီ ထိကဆိုည်ဆဒေါအ်ုန်။ ဘ်ုရ်ယိူဝ်ဘီဂဲဘိူန်ဒေထိဒိုည်ႇ ကဆိုည်ဆဒေါအ်ုန်ဒီန် ဂဲဘိူန်ဒိုည်ႇဒေချံမ်ဆာ။