မာကု 5:2 - The New Testament in Shwe Palaung

² ယေဆုစွလေႈ ဒိုရ်တပါင်ရိူဝ် ဒံင်အူကပြေ့၊ အီကူကီုရ်နံမ်ကာကျကာလ လီပ်စံပ်တအ်ုန်ဒီန် လေႈဒိုရ်ဆာင်ခဲင် လာ်ႈက်ုရ်ယိူဝ်ပွံတ်အ်ုန်။

မာကု 5:2 ပူးပေါင်းရင်းမြစ်များ

မာကု 1:23

ဟွည်ႇဒီန် တန်ုကျောင်ရဆောန်ဒဲႈတရာ ယိူဝ်ကီုရ်နံမ်ကာကျကာလ လီပ်စံပ် တအီအူကူ လာ်ႈရောတ် အ်ုန်ပြိုႈဒေဒါႈ၊

မာကု 1:26

အခိင်ဒီန် ကီုရ်နံမ်ကာကျကာလ ဟွည်ႇယူႈရဲင်ပ်ုန်ခေါပွံတ် အီကူဒီန်၊ ပြိုႈဂံရ်ႈရဲင်ရဲင် လေႈပွံတ်ဒေ ဒိုရ်တိုအ်ုန်။

မာကု 3:30

(ကောပ်ယေဆု ဒါႈဒေငဲခိူည်ဒီန် ဘီပ်ုရ်ဒီဂဲဒါႈ၊ “အ်ုန်အီုဝ် မိူဝ်ႈကီုရ်နံမ်ကာကျကာလ လီပ်ဂွည်တန်ုတိုအ်ုန်။”)

မာကု 3:9

ဘံန်ဖုင်ဘီက်ုရ်စုဂဲ ကီုန်လူတ်လာည်၊ ယေဆုဒါႈ တတဘဲႇဒေဂဲ ရဲန်အူန်ရိူဝ်အူကြောင် ဒဲႈယိူဝ်ပဲတ်ဆေဆေ အတွအ်ုန်၊ မာည်ဒဲႈဘီဂဲက်ုရ်အီဒေ တိူဝ်တိုအ်ုန်။

မာကု 4:1

လိူဝ်ႈရဘံန် ယေဆု ဆုင်မဆာင်ဆောန်ဒဲႈ တပြော ပြါအိုမ်ဆက္လုင်ဂါလိလဲ။ ဘံန်ဘီက်ုရ်စု ဘာ့်ဘာ့်ဘိူဝ်ဘိူဝ်ဂဲ လာ်ႈရောတ်ဒိုည်ႇ တပြောအ်ုန်၊ အ်ုန်ဟာ့်မာ့်ပွံတ်ဒေ တပါင်ရိူဝ် န်ုအိုမ်ဆက္လုင်။ ဖုင်ဘီက်ုရ်စုဂဲဒီန်မိူဝ်ႈ လာ်ႈဂွည်ဒိုည်ႇဒေ တပြောပြါအိုမ်ဆက္လုင် ပါင်ဆိုရ်။

မာကု 4:36

ကောပ်ခိူည်ဒီန် ဂဲပဲတ်အူန်ပဲတ် ဖုင်ဘီက်ုရ်စုဂဲ၊ တဘဲႇအ်ုန်ဂဲ လာ်ႈဇူပွံတ် ယေဆုမာ့် တပါင်ရိူဝ်ဒီန် ဂဲႎါည်လာ်ႈပွံတ်။ ရိူဝ်ဟံရ်ဂဲမိူဝ်ႈ ဇောမ်လာ်ႈဒိုည်ႇ။

မာကု 5:21

ဟွည်ႇဒီန် ယေဆုဘရိူဝ် ႎီရ်လာ်ႈထဲင် ဆဲႈပြါအိုမ်ဆက္လုင်ဂါလိလဲ လ်ုပ်တည်၊ ယာမ်အ်ုန်ဂွည် တပြါအိုမ်ဆက္လုင် ဘီက်ုရ်စုဒါင်ဂဲ လာ်ႈက်ုရ်စုဒိုည်ႇဒေ က်ုရ်ႎျံရ်အ်ုန်။

မာကု 5:3

အ်ုန်ဂွည်ဂိူဝ်ဒေ တဆာင်ခဲင်၊ အဆေမိူဝ်ႈ ကာဘိူန်ဒေ ဒါႎံရ်ဟီရ် တိုည်တုအူန်အ်ုန်။

မာကု 5:8

(အ်ုန်ဒါႈခိူည်ဒီန်မိူဝ်ႈ၊ ကောပ်ယေဆုဒါႈ၊ “အိူဝ် ကီုရ်နံမ်ကာကျကာလ၊ လေႈပွံတ်မီ ဒိုရ်တိုအီကူအီုဝ်။”)

မာကု 7:25

မာကွံန်ရပျာ ကီုရ်နံမ်ကာကျကာလ လီပ်စံပ်ဒီန်၊ ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇူပွံတ်ယေဆု အူဒီန်တောအူဒီန် မာ့်ဂြူပ်ပွံတ် တပြောဇိူင်အ်ုန်။