မာကု 4:1 - The New Testament in Shwe Palaung

¹ လိူဝ်ႈရဘံန် ယေဆု ဆုင်မဆာင်ဆောန်ဒဲႈ တပြော ပြါအိုမ်ဆက္လုင်ဂါလိလဲ။ ဘံန်ဘီက်ုရ်စု ဘာ့်ဘာ့်ဘိူဝ်ဘိူဝ်ဂဲ လာ်ႈရောတ်ဒိုည်ႇ တပြောအ်ုန်၊ အ်ုန်ဟာ့်မာ့်ပွံတ်ဒေ တပါင်ရိူဝ် န်ုအိုမ်ဆက္လုင်။ ဖုင်ဘီက်ုရ်စုဂဲဒီန်မိူဝ်ႈ လာ်ႈဂွည်ဒိုည်ႇဒေ တပြောပြါအိုမ်ဆက္လုင် ပါင်ဆိုရ်။

မာကု 4:1 ပူးပေါင်းရင်းမြစ်များ

မာကု 2:13

ယေဆု ႎီရ်လာ်ႈထဲင် တပြါအိုမ်ဆက္လုင်ဂါလိလဲ။ ဘံန်ဘီက်ုရ်စုဂဲဒီန် လာ်ႈရောတ် တအ်ုန်၊ အ်ုန်ဆာင်ဆောန်ပွံတ်ဂဲ။

မာကု 3:7

ဟွည်ႇဒီန် ယေဆု စွလာ်ႈရူမ်ဇောမ် တဘဲႇဒေဂဲ လ်ုပ်အိုမ်ဆက္လုင်ဂါလိလဲ၊ ဘီဘာ့်ဘာ့်ဘိူဝ်ဘိူဝ်ဂဲ ယိူဝ်ႇဒိုရ်အရာပ် ကပီုန်ကုင်ဂါလိလဲဒီန် ဇောမ်လာ်ႈဒိုည်ႇရဘံန်အ်ုန်။ ဆဲႈဒီန် ယိူဝ်ႇဒိုရ်ကပီုန်ကုင်ယုဒ၊

မာကု 3:9

ဘံန်ဖုင်ဘီက်ုရ်စုဂဲ ကီုန်လူတ်လာည်၊ ယေဆုဒါႈ တတဘဲႇဒေဂဲ ရဲန်အူန်ရိူဝ်အူကြောင် ဒဲႈယိူဝ်ပဲတ်ဆေဆေ အတွအ်ုန်၊ မာည်ဒဲႈဘီဂဲက်ုရ်အီဒေ တိူဝ်တိုအ်ုန်။

မာကု 4:36

ကောပ်ခိူည်ဒီန် ဂဲပဲတ်အူန်ပဲတ် ဖုင်ဘီက်ုရ်စုဂဲ၊ တဘဲႇအ်ုန်ဂဲ လာ်ႈဇူပွံတ် ယေဆုမာ့် တပါင်ရိူဝ်ဒီန် ဂဲႎါည်လာ်ႈပွံတ်။ ရိူဝ်ဟံရ်ဂဲမိူဝ်ႈ ဇောမ်လာ်ႈဒိုည်ႇ။

မာကု 5:2

ယေဆုစွလေႈ ဒိုရ်တပါင်ရိူဝ် ဒံင်အူကပြေ့၊ အီကူကီုရ်နံမ်ကာကျကာလ လီပ်စံပ်တအ်ုန်ဒီန် လေႈဒိုရ်ဆာင်ခဲင် လာ်ႈက်ုရ်ယိူဝ်ပွံတ်အ်ုန်။

မာကု 5:21

ဟွည်ႇဒီန် ယေဆုဘရိူဝ် ႎီရ်လာ်ႈထဲင် ဆဲႈပြါအိုမ်ဆက္လုင်ဂါလိလဲ လ်ုပ်တည်၊ ယာမ်အ်ုန်ဂွည် တပြါအိုမ်ဆက္လုင် ဘီက်ုရ်စုဒါင်ဂဲ လာ်ႈက်ုရ်စုဒိုည်ႇဒေ က်ုရ်ႎျံရ်အ်ုန်။