မာကု 2:11 - The New Testament in Shwe Palaung

¹¹ “အောဂြည်တမီ၊ ယိူဝ်ႇဇံင်၊ ဒေါပေရ်ရအီတ်မီ ႎေင်ပွံတ်တဂါင်။”

မာကု 2:11 ပူးပေါင်းရင်းမြစ်များ

မာကု 1:41

ယေဆု ယိူဝ်နွံရ်ႈဖိူမ်က်ုရ်ႎေအ်ုန်၊ ဆာတ်တီဒေ ထိပွံတ်တိုအီကူဒီန်။ အ်ုန်ႎီရ်ဒါႈ၊ “အောယိူဝ်အေ့ နွံရ်ႈဖိူမ်၊ ဒဲႈမီရောတ်တဆပဲ။”

မာကု 2:10

အောဒီပျဆာ့်ဆေ ဒဲႈပဲနံပ်၊ ခိူည်မောကွံန်ဘီအီုဝ် ယိူဝ်အခွါင်အာဏာ ပ္လိုတ်ခွါင်ဒဲႈ အပေတ်ပ်ုန်လူတ်ဘီ တပါင်ကံမ်ဖာအီုဝ်။” ဘံန်ညာခိူည်ဒီန် အ်ုန်ဒါႈတဘီဘ်ုပ်တီဇိူင်ဇ်ုမ်ဒီန်၊

မာကု 2:12

အခိင်ဒီန် ဘီဘ်ုပ်တီဇိူင်ဇ်ုမ်ဒီန်မိူဝ်ႈ၊ ယိူဝ်ႇဇံင် တိူဝ်ႈပွံတ်ပေရ်ရအီတ်ဒေ၊ လာ်ႈဖာည်ဖာည်ပွံတ် တဟာရဆငါည်။ ဂဲညာအာမ်ဒိုည်ႇပွံတ်ဒေ၊ ဂဲဒါႈ၊ “ညာခိူည်ပ်ုန်ပဲန်အ်ုန်အီုဝ် အူလိူဝ်ႈမိူဝ်ႈ အယ်ကာကျာင်ယိူဝ်စိ အယ်ငိူပ်။” ဟွည်ႇဒီန် ဂဲဟိုင်တာင်ပွံတ်ဂုင်ဖြာ။