မာကု 12:14 - The New Testament in Shwe Palaung

¹⁴ ဂဲလာ်ႈဇူပွံတ်အ်ုန် ဒါႈ၊ “အိူဝ် တာဆရာ၊ ယဲနံပ်အေ့ မီဂြည်ငဲဆီုဝ်ငဲမှာန်၊ ငါည်အဆေမိူဝ်ႈ မီကာထာ့်၊ မီဆာင်ဆောန်ဆီုဝ်မှာန် ဒဲႈတဘီဂဲ ဒေင်တရာဖြာ။ အခူန်ပ်ုန်ထာမ်ယဲ တအင်ပါယာဆီဇာအီုဝ် က်ုရ်ဖြေင်ကော ဇောမ်ထုင်ဥပဒေ။ ယဲကျကော တထာမ် က်ုန်ကာမိူဝ်ႈ ကာကျ။”

မာကု 12:14 ပူးပေါင်းရင်းမြစ်များ

မာကု 12:13

ဘီအွံရ်ကိင်ဂဲဒီန် ပ္လေါည်လာ်ႈပွံတ် ဖာရိရှဲဂဲပ်ုရ်ဒီဂါရ် ဘီလီပ်န်ုဖုင်ဟေရုဒ်ဂဲပ်ုရ်ဒီ တယေဆု ဆူတ်ဂဲဆ်ုရ်မွံတ် ဒဲႈဘိူန်ဒေတိုည်အ်ုန်။

မာကု 12:15

ကောည်လိုည် ယေဆုနံပ် ဂဲညာခိူည်ဘီဆူဒေါ ဆ်ုရ်မွံတ်၊ အ်ုန်ႎီရ်ဒါႈ၊ “ကောပ်ဆေ ပဲကဝ်ဆျှု စုင်ဇာမ်ဒိုည်ႇအော ညာခိူည်အီုဝ်အဲႈ။ တိူဝ်ႈပဲဒိူည်အောငိူပ် ရိူန်ဒဲင်ဂါအူပံင်။”

မာကု 14:45

ဘံန်ယုဒရောတ်၊ အ်ုန်လာ်ႈဇူပွံတ်ယေဆု အူဒီန်တောအူဒီန်၊ အ်ုန်တောႇဒါႈ၊ “အိူဝ် တာဆရာ” ဟွည်ႇဒီန် အ်ုန်လာ်ႈအူရ်ႈပွံတ်အ်ုန်။