မာကု 10:33 - The New Testament in Shwe Palaung

³³ အ်ုန်ဒါႈတဂဲ၊ “ဆတီုင်ဘိူဝ်၊ အယ်လာ်ႈ တကုင်ယေရုရှလင် အူဒီန်၊ ကွံန်ဘီအီုဝ် ဒီဘ်ုပ်က်ုရ်တူႈ အာပ်တတီ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ။ ဂဲဒီန် ဒီပ်ုန်ဘဝ် ဟွည်ႇဂ်ုမ်တာမ်ယံမ်တအ်ုန်၊ အာပ်ဒဲႈပွံတ် တတီခြိူဝ်မျိုဟံရ်။”

မာကု 10:33 ပူးပေါင်းရင်းမြစ်များ

မာကု 14:64

“ပဲဟွည်ႇ ယိူဝ်ဒိုည်ႇဒေ ဆတီုင် ငဲအေႈပ်ုန်ဘဝ်အ်ုန် တဖြာ ကာမိူဝ်ႈ။ ခိူည်မောပဲထာင်အဲႈ။” ဖုင်ဘီဂဲဒီန် ဒါႈဒေဂ်ုမ်ဒိုည်ႇတအ်ုန်၊ အ်ုန်ထိူဝ်ႇဒေခါမ် တာမ်ယံမ်။

မာကု 15:1

အခိင်ရႎါရ်ႈဇံဝ် ယဇ်ပုရောဟိတ်ဒါင်ဂဲ၊ ဘီအဆာႇဒါင်ဂဲ၊ တာဆရာနံပ်ဘေဲႇကျံမ်ဂဲဂါရ် တာဒါင်လူမ်ကောင်ဆီဂဲဒီန် ဘံန်ဂဲဟွည်ႇ က်ုရ်မိုန်ဖာည်ဖာည် ဂဲတုယေဆု ဒိူည်လာ်ႈအာပ်ပဲတ်အ်ုန် တတာမျိုဇာပိလတ်။

မာကု 8:31

ဟွည်ႇဒီန် ယေဆုဆာင်ဆောန် တဘဲႇဒေဂဲ၊ “ကွံန်ဘီအီုဝ် ဒီဘ်ုပ်ဒေက်ုရ်တူႈ ႎိုည်ဒနာဘ္လံမ်ဂါရ် ဘီအဆာႇဒါင်ဝါဒါင်ဂဲ၊ ယဇ်ပုရောဟိတ်ဒါင်ဂဲဂါရ် တာဆရာနံပ်ဘေဲႇကျံမ်ဂဲ ႎဲႈထေင်ပဲတ်ဒေ။ ဒီဘ်ုပ်ဒေက်ုရ်တူႈထဲင် ဂဲပျံမ်ယံမ်ပဲတ်ဒေ၊ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”

မာကု 9:12

ယေဆုႎီရ်ဒါႈ၊ “ဧလိယ လာ်ႈရောတ်ပေါဇံဝ်ရအာတ်ဒီန် မိူဝ်ႈအေ့ အတွရဲန်ဒေရ်ုရ်တွံန်နဲ။ က်ုန်ညာခိူည်ဒီန် ကွံန်ဘီအီုဝ် ဒီဘ်ုပ်ဒေခါမ်ဇာ ဒုခႎိူည်ဒနာဂါရ် ဒီဘ်ုပ်ဒေက်ုရ်တူႈထဲင် ဘီဂဲႎဲႈထေင်ဒေ၊ ကောည်လိုည် ဆေညာ တန်ုဘေဲႇကျံမ်တဲမ်အူန် ညာခိူည်ဒီန်အဲႈ။”

မာကု 9:31

ကောပ်ဆေတဒါႈခိူည်ဒီန် အ်ုန်ဆာင်ဆောန်ဒဲႈ တတဘဲႇဒေဂဲ၊ “ကွံန်ဘီအီုဝ် ဒီဘ်ုပ်က်ုရ်တူႈအာပ် တတီဘီဂဲယာ့်၊ ဂဲဒီပျံမ်ယံမ်ပဲတ်အ်ုန်။ ကောည်လိုည် က်ုန်ဟွည်ႇဘိူန်အွည်ဆငီ အ်ုန်ဒီႎီရ်ယိူဝ်ႇအီမ်ဒေ။”