မာကု 10:22 - The New Testament in Shwe Palaung

²² အ်ုန်မေန်မိူဝ်ႈဘီခြ်ုမ်ဆာ အုဇာဂြူဂြိူမ်ဘ္လံမ် ဘံန်အ်ုန်ယိူဝ်ဒေဆတီုင် ငဲပ်ုန်ဒါႈအ်ုန်ဒီန် ငါည်အ်ုန်ငှဝ်နွံရ်ႈကာပျော လေႈလာ်ႈပွံတ်ဒေ။

မာကု 10:22 ပူးပေါင်းရင်းမြစ်များ

မာကု 10:21

ယေဆု ပ်ုန်ရိူဝ်ငိူပ်ပွံတ်အ်ုန် ယိူဝ်ဖိူမ်ရံက်က်ုရ်ႎေ ဒါႈတအ်ုန်၊ “တမီဒီန် လိုဂိူဝ်အူနဲ။ လာ်ႈ၊ မီက်ုန်ဟွည်ႇယံင်ပဲတ် ဘ်ုရ်ယိူဝ်အုဇာဒေ စာဂဒဲႈဒိုည်ႇတဘီဖ္လာန်ဂဲ။ က်ုန်ညာခိူည်ဒီန် မီဒီဘိူန်အုဇာဘဏ္ဍာ တန်ုပ္လေင်အေ့၊ ဟွည်ႇဒီန် မီတဇောမ်လာ်ႈ ရဘံန်အော။”

မာကု 10:23

အခိင်ဒီန် ယေဆုငိူပ်ပွံတ် က်ုရ်ႎျံရ်ဒေ အ်ုန်ဒါႈတတဘဲႇဒေဂဲ၊ “ဘီခြ်ုမ်ဆာဂဲအီုဝ် ကျူညှိုႈတလီပ် တန်ုကပီုန်ကုင်ဖြာ။”

မာကု 6:20

ကောပ်တာပ်ုရ်မာင်ဟေရုဒ် နံပ်ယောဟန်မိူဝ်ႈ ဘီရိုဆီုဝ်အူကူ၊ အ်ုန်ယောရိုဆေ ယောဟန် ငိူပ်မေန်အူန်လလပွံတ်အ်ုန်၊ တွံန်အ်ုန်ယိူဝ်ဒေဆတီုင် ငဲပ်ုန်ဂြည် ယောဟန် ဘိူည်ပဲန်ဂံတ် ဖိူမ်ဆျှုဆာႇညှိုႈ အ်ုန်အုင်ဒေဆတီုင် ငဲပ်ုန်ဂြည်အ်ုန်။

မာကု 6:26

တတာပ်ုရ်မာင်အီုဝ် ဘိူည်ပဲန်ဂံတ် နွံရ်ႈဖိူမ်ကာပျော၊ ကောပ်အ်ုန်အူန်ပဲတ် ငဲကဒိဆေတ်စာ တရအာတ်ခဲႇဒေ၊ အ်ုန်ကာပဲန်ဒေ ႎဲႈထေင် ငဲကွံန်ရပျာဒီန်။