မာကု 1:39 - The New Testament in Shwe Palaung

³⁹ ဘံန်ညာခိူည်ဒီန် အ်ုန်လာ်ႈဒေင် တကပီုန်ကုင်ဂါလိလဲ အရာပ်တွံန်တီတွံန်ဒဲန်၊ အ်ုန်ဟောဂြည်တရာ တကျောင်ရဆောန်ဒဲႈတရာဂဲ ရူပ်လေႈဒိုည်ႇ ကီုရ်နံမ်ချှို။

မာကု 1:39 ပူးပေါင်းရင်းမြစ်များ

မာကု 1:21

ဟွည်ႇဒီန် ယေဆုဂါရ် တဘဲႇအ်ုန်ဂဲ လာ်ႈလီပ်ဒိုည်ႇ တန်ုကုင် ကပေရနောင်၊ ဘံန်ရောတ် ဆငီဆဒါင် ယေဆုလီပ်ပွံတ် တကျောင်ရဆောန်ဒဲႈတရာ အ်ုန်ဆာင်ဆောန်ပွံတ်ဂဲ။

မာကု 1:23

ဟွည်ႇဒီန် တန်ုကျောင်ရဆောန်ဒဲႈတရာ ယိူဝ်ကီုရ်နံမ်ကာကျကာလ လီပ်စံပ် တအီအူကူ လာ်ႈရောတ် အ်ုန်ပြိုႈဒေဒါႈ၊

မာကု 1:38

ကောည်လိုည် ယေဆုဒါႈတဂဲ၊ “အယ်လာ်ႈဒိုည်ႇ အတွဒဲႈအောဘိူန်အော ဟောဂြည်တရာ တရူက်ုရ်ဒံတ်အရာပ်အီုဝ်။ ကောပ်မိူဝ်ႈခိူည်ဒီန် အောတလာ်ႈပေါရောတ် ဟာအီုဝ်။”

မာကု 3:1

ဟွည်ႇဒီန် အခိင်ယေဆု ႎီရ်လီပ်ထဲင် တကျောင်ရဆောန်ဒဲႈတရာ၊ ယိူဝ်ဘီဘ်ုပ်တီဇ်ုမ် အူခေါန် ဂွည်က်ုရ်တောဒီန်။

မာကု 6:6

ကောပ်ဘီဂဲ ကာယိူဝ်ဖိူမ်ညှိုမ်ညာခိူည်ဒီန် အ်ုန်အာမ်ညှိုႈ။ ဟွည်ႇဒီန် ယေဆု လာ်ႈတကုင်ရူဟံရ် က်ုရ်ႎျံရ်ကုင်ဒီန် အ်ုန်ဆာင်ဆောန်ပွံတ် ဘီဂဲ။

မာကု 7:30

ဘံန်အီပ်ုန်ဒီန် ႎီရ်ႎေင်ပွံတ်ဒေတဂါင် အ်ုန်ယိူဝ်ဒေငိူပ် ကွံန်ရပျာဒေ ဒါ့်အီတ်နှေရ်ဒေတပါင်ချှံင်၊ ကီုရ်နံမ်ချှိုမိူဝ်ႈ ဟွည်ႇလေႈပွံတ်ဒေ ဒိုရ်တိုကွံန်ရပျာအ်ုန်။