မာကု 1:19 - The New Testament in Shwe Palaung

¹⁹ ဘံန်ဟွည်ႇ စွလာ်ႈဘိုန် အရာပ်ဒီန်တရီတ် အ်ုန်ယိူဝ်ဒေငိူပ် ကွံန်အီမဲဇေဗေဒဲ ယာကုပ်ဂါရ် ယောဟန် ႎါႎည်အာရ်ကူ၊ ဂဲ ဒါ့်က်ုန်ဘာန် ရရ်ုပ်ကာဒေ တပါင်ရိူဝ်။

မာကု 1:19 ပူးပေါင်းရင်းမြစ်များ

မာကု 1:18

ဂဲဒီန်မိူဝ်ႈ ပဲတ်ပွံတ်ရရ်ုပ်ကာဒေ အူဒီန်တောအူဒီန် လာ်ႈဇောမ်ပွံတ်အ်ုန်။

မာကု 1:20

ဘံန်ယေဆု ယိူဝ်ဒေငိူပ် အ်ုန်တောႇပွံတ်ဂါရ် အူဒီန်တောအူဒီန်၊ ဂါရ်ဒီန် ပဲတ်ပဲတ် ကူန်ဒေ ဇေဗေဒဲ ဒါ့်ဂွည်ဒေဇောမ်ဘီစာင်ဂဲ တပါင်ရိူဝ် လာ်ႈဇောမ်ပွံတ် ရဘံန်အ်ုန်။

မာကု 10:35

အခိင်ဒီန် ကွံန်အီမဲဇေဗေဒဲ ယာကုပ်ဂါရ် ယောဟန် လာ်ႈဇူ တယေဆု။ ဂါရ်ဒါႈတအ်ုန်၊ “အိူဝ် တာဆရာ၊ ယာရ်ဆ်ုန်ဒဲႈမီရ်ုရ်ဒဲႈ ဘ်ုရ်ပ်ုန်မှာန်ယာရ်။”

မာကု 14:33

အ်ုန်တောႇ ပေတရု၊ ယာကုပ်ဂါရ် ယောဟန်ဂဲ လာ်ႈရူမ်ဇောမ်ဒေ။ အခိင်ဒီန် ဘံန်ႎိုည်ဒနာပေါ နွံရ်ႈဖိူမ်အ်ုန်ကာပျော၊

မာကု 3:17

ကွံန်အီမဲဇေဗေဒဲ ယာကုပ်ဂါရ် ယောဟန်၊ (ယေဆုတာင်ဒဲႈဂဲဇီုဝ် ဗောနေရဂက်၊ အိုမ်ငဲအ်ုန်မိူဝ်ႈ ကွံန်ကနံမ်ကဆံရ်ႈ)၊

မာကု 5:37

အခိင်ဒီန် ဆဲႈပေတရု၊ ယာကုပ်ဂါရ် ႎါအ်ုန် ယောဟန် အဆေမိူဝ်ႈ အ်ုန်ကာဒဲႈစိ ဂဲလီပ်ဇောမ်ဒေ။

မာကု 9:2

ဟွည်ႇဘိုန်တောရ်ဆငီ ယေဆု တောႇဂိူဝ်ဒေဒိူည်လာ်ႈ ပေတရု၊ ယာကုပ်ဂါရ် ယောဟန် ဟာရဂွည်ကွည်ဒေ တပါင်ဆိုရ်ဇာရ်။ အခိင်ဒီန် ပုင်ရံင်ယေဆု က်ုရ်လှာႇပွံတ်ဒေ တရအာတ်ဂဲ၊