Matiyə 8:11 - Maktubu dɨnə Mãr̰ĩduwa gɨ bii gɨ chibne

^11-12 Nare nə Israyel nə ɓag dee ha dama ciri dɨ daa lə di, gɨ ha ꞌywaragɨ bam iche bwagɨ mana gɨ dilɨm dɨ yə̄ gɨ Mãr̰ĩyə di. Mana gɨ ta di, i mana gaba nulə gura me, yɨdɨbə sande lə me ca. Nə wayang: Nare nan̰ nə gɨndəgɨ i nare nə Israyel bədə me, ɨr̰ɨ cendi ha swaa tulɨn̰ dɨ jomniyə me, dɨ turgɨ lə me, ha dama wama bɨwə gɨ mwágɨrandɨ nə gechide nə Abɨraham me, Isak me, Jakob me, alə daa ciri dɨnə Mãr̰ĩyə di.»

Matiyə 8:11 ပူးပေါင်းရင်းမြစ်များ

Matiyə 21:41

Nare cow Jesu lə diiyə ba da: «An̰ji ha ꞌyágɨ bam, dɨrəw ha ꞌyangaw dɨdəgɨ lə bədə, dara dusɨrəgɨ àcn̰e. Ɨr̰ɨ, an̰ji ha ꞌwoo daga di ꞌyàgɨ́ woni àla giyə nə ɗang ɨsɨragɨ lə. Cendi nə ta di ha ꞌyàw yàa duwa wála gɨ naa duwa lə.»

Matiyə 24:31

Ɨr̰ɨ, an̰ji ha kɨjə Paja duwa nə daa dara cendi ba hurbɨna pɨdɨm dɨ idɨ nɨmə nan̰ dáynaw gɨ nare duwa nə an̰ji an̰jiragɨ di dodə mana mɨn, so mana gɨ tulɨn̰ dɨ jomniyə me dɨ turgɨ lə me ɨsay gɨ abeyə me ɨsay gɨ jeleyə me ca.

Matiyə 3:2

«Kalna àcn̰a dan di bam me hane ꞌywana Mãr̰ĩ, dara wála duwa gaba lama dwãr̰ĩ di yala ib ɗɨm.»

Matiyə 8:10

Mana gɨ Jesu ba a doy gwale di yande mwom da, sɨw ꞌyolɨw gwale duwa gɨ waya di dɨwə me, an̰ji waygɨ woni bwaw di ba da: «Dwayna, nə wayang i gwale sɨw: Mana gɨ nare nə Israyel dwar̰agɨ lə da, gun gaba kala dusɨw dɨnnə ya abe gɨ Rom gɨ ta di de da, dii mɨn kaw, nə wor ꞌywaa sɨn̰.

Maana dɨnə Jesu duwa dɨ Luk jangɨdɨ 12:37

Woni àla giyə nə aba ciri day cwarnay gɨrnəy ꞌywanagɨ bɨ̀ra da, cendi dam i gɨ sii ꞌywala! Dwayna, nə wayang i gwale sɨw: Aba ciri di ha cwara hura barge gɨ giyə di sɨwə me, ha kalagɨ dama dodə me, ha hára dwar̰agɨ lə mɨn mɨn ɨsəgɨ mani nə wama me ca.

Maana dɨnə Jesu duwa dɨ Luk jangɨdɨ 16:22

Wála mɨn da, abe gɨ bugɨr di mar me Paja nənə Mãr̰ĩ duwa nə daa uw ha nɨm chə́w Abɨraham tulɨwə. Me aba ꞌywaa mani di kaw, mar me gɨ muw bam me ca.

Epes 3:6

Mani nə budɨ lə nə gɨ gɨlgɨ daa di: I dara ɓamara gɨ daa mɨn gɨ Jesu Kris dɨ me, caga da, nare nə i Juwib bədə kaw, Mãr̰ĩ ha ɨsəgɨ mani duwa nə ꞌywaa nə lade nə ta di ya nare nə gɨndəgɨ Juwib de me ca. Mani nə lade ɗang nə Mãr̰ĩ ꞌyàgɨ́ da, i dayara gɨ cendi dayar gandagɨ daa ya gun mɨn sɨw de. Mani nə Mãr̰ĩ biy gɨ bii gɨ ba ꞌyàgɨ́ nare duwa di kaw, cendi ꞌywagɨ le me ca, mani nə ta di pad cendi ꞌyogɨ i gɨ bɨrmə gɨnə Nõ dɨ lade dɨra.

2 Tesalonik 1:5

Wamani gɨ ta di gɨl dara Mãr̰ĩ ba a sariya gɨ bɨrmə dɨra. Wamani gɨ anə yɨ sɨdəng woyyə ta di me, ha kɨdəng nare nə nem dama mana gɨ dwãr̰ĩ dɨnə Mãr̰ĩ duwa dɨ anə jiba dara daradɨ di dwar̰ɨ lə.