Matiyə 6:9 - Maktubu dɨnə Mãr̰ĩduwa gɨ bii gɨ chibne

⁹ Dwayna i man me anə ha amsa Mãr̰ĩ mo: Abɨranin gɨ Mãr̰ĩ gaba dama daa, kal nare ꞌwacn̰ana dara sumɨm ba wun i mɨnaw jiga.

Matiyə 6:9 ပူးပေါင်းရင်းမြစ်များ

Matiyə 10:29

Ɓag da, gɨ ɓam dirbi nə tẽtẽ sɨr kɨlgɨ bam gɨ chile dɨ ɓani gaa bədə mo? I sɨdɨ, dirbi nə ta di mɨn dwar̰agɨ lə kaw ɨndarna dodə sɨn̰a lə da, i ùrə gɨnə Abɨrang gɨ Mãr̰ĩ duwa lə do.

Matiyə 23:9

ꞌwagɨna gun mɨn dodə sɨn̰a dɨdə ka “abɨranin” bədə, dara dan da, abɨrang da, i mɨn tenene, i Abɨrang gɨ Mãr̰ĩ gaba dama daa di.

Matiyə 26:29

Nə wayang daa: Caga da, nə ha chàa gani gɨ yabɨr̰a yàa duwa di ɗang bədə ɗɨm, bɨraa i wála gɨ ɗan̰ nə ha chàa gandang gɨ dɨrway alə ciri dɨnə Aban gɨ Mãr̰ĩyə.»

Matiyə 26:42

An̰ji chidɨ ha bam hin̰e bi gaba dii sɨrrə me kal sɨw amsɨ Mãr̰ĩ bi ba da: «Aban, ladɨna dɨrəmmə dara chidə gɨ wamani di hára nɨm bam sɨnnə bədə me mə ùrnə dara ba nə chànawe da, àl mana gɨ ùrə dɨma lə ɨjɨm.»

Matiyə 5:16

ꞌYeni di kaw, kal ácn̰a dan di ácn̰ana le nare dɨrəgɨ lə yande me ca. Yande do me cendi ha yara gɨ mani dan nə àla nə lade ya ba gɨ yər nɨm gɨ ácn̰a gɨnə lamba dɨra di de, me cendi ha ꞌwaga gɨ Abɨrang gɨ Mãr̰ĩ gaba dama daa di sumɨw sɨn̰.»

Matiyə 5:48

Abɨrang gɨ Mãr̰ĩ gaba dama daa i gun gɨ lade nan̰ bɨr̰ɨn̰. Yande da, ꞌyeni di kaw, ina i nare nə ladɨbe ya an̰ji ba i nɨm gun gɨ lade di de me ca.»

Matiyə 6:14

Yarna, anə kalna dusɨrəng hɨlalna nare àcn̰a day dɨwə da, Abɨrang gɨ Mãr̰ĩ gaba dama daa di kaw, ha kala dusɨw hɨlala àcn̰a dan di dɨwə me ca.

Matiyə 6:6

Me ɨjɨm da, mana gɨ mə ùrnə ba mə amsɨna Mãr̰ĩ da, gandɨ ha kulu dɨma lə mɨnam me ɗesɨ bii daa me amsɨ nɨm gɨ Abam gɨ Mãr̰ĩ gɨ ilə mana gɨ budə lə ta di. Me an̰ji gaba yara mani nə budə lə ta di ha ꞌywagam gwayni dɨma.

Matiyə 7:11

ꞌYeni nə dusɨrəng àcn̰ ta kaw, anə ꞌwocn̰ ꞌyàgɨ́ gɨ dɨndɨrang mani nə lade. Inam yande da, Abɨrang gɨ Mãr̰ĩ gaba dama daa di ha ꞌyàgɨ́ dɨndaw mani nə lade nə cendi ùrɨw di bədə man man mo?

Maana dɨnə Jesu duwa dɨ Luk jangɨdɨ 15:18

Caga da, nə ha cwara hára ꞌywaa aban di me, nə ha wayaw da: Aban, nə àl i àcn̰a Mãr̰ĩ dɨrəwə me, ɨjɨm dɨrəmmə me ca.

Maana dɨnə Jesu duwa dɨ Luk jangɨdɨ 15:21

Ɨr̰ɨ gorndɨw di wayɨw da: “Aban, nə àl i àcn̰a Mãr̰ĩ dɨrəwə me, ɨjɨm dɨrəmmə me ca. Nə nem gɨ mə yərɨn ya gorndɨm de bədə ɗɨm.”

Maana dɨnə Jesu duwa dɨ Luk jangɨdɨ 2:14

«Kal Mãr̰ĩ gaba dama daa cog sumɨw ꞌwagɨna me, nare nə Mãr̰ĩ ùrgɨ sɨn̰a dɨdə ka da, gɨ damna gɨ hɨlala jwam me ca.»

1 Timote 6:16

An̰ju mɨn me, dam bɨ̀ra mar bədə bɨr̰ɨn̰. An̰ji dam mana gɨ ácn̰e gɨ gun mɨn nem chidɨ lə sɨwə ib bədə. Gun mɨn mana gɨ nare dwar̰agɨ lə yərɨw gɨ dɨrəw bədə me, caga ka kaw, gun mɨn nem yaraw bədə sɨn̰ me. Kal nare pad ꞌwagɨnaw gɨ jilay. Dwana pad i ɨsəwə gɨ dɨrɨn̰ bɨr̰ɨn̰. Amen.