Matiyə 5:7 - Maktubu dɨnə Mãr̰ĩduwa gɨ bii gɨ chibne

⁷ Nare nə yər kwandagɨ n̰agɨni day da, dam i gɨ sii ꞌywala, dara Mãr̰ĩ kaw, ha yara n̰agɨni day di le me ca.

Matiyə 5:7 ပူးပေါင်းရင်းမြစ်များ

Markɨ 11:25

Me mana gɨ anə ɗɨbɨnə daa dara amsa Mãr̰ĩ me anə ina gɨ gwale lə gɨ gun da, kalna dusɨrəng hɨlalna dɨwə do me, Abɨrang gɨ Mãr̰ĩ gaba dama daa di kaw, ha kala dusɨw hɨlala àcn̰a dan dɨwə sɨn̰. [

Maana dɨnə Jesu duwa dɨ Luk jangɨdɨ 6:35

Ɨr̰ɨ ꞌyeni da, ùrnə woni mar̰ande danne me àlna gandagɨ ladni me ca. Anə ꞌwánaw gun mani da, ɨrmɨnə dara ba cwanang daa bá bədə. Anə àlna yande mwom da, Mãr̰ĩ ha ꞌywagang gwayni dan nan̰a le, me anə ha ꞌya i Mãr̰ĩ gaba dama mani dɨdəgɨ lə pad dɨndaw, dara an̰ji kaw i aba àla ladni gɨ nare nə gun ꞌyàgɨ́ mani kaw nem àláw dóche bədə me, nə dusɨrəgɨ ur̰in̰ me ca.

Epes 4:32

Ɗɨm da, àlna dusi dɨ lade me ina nare nə hɨlale me gɨ kwandang me, kalna dusɨrəng hɨlalna kwandang dɨdəgɨ lə ya Mãr̰ĩ ba kal gɨ dusɨw hɨlal nɨm dɨdəngə dara ba anə i nare nənə Kris duwa di.

1 Timote 1:13

Tanga pii da, nə i aba biyə gwale duwa gɨ àcn̰e me, nə i aba cadɨbaw me, nə gɨlgɨ nare duwa dɨrəgɨ me ca. Yande pad kaw, Jesu yər n̰agɨni ni, dara mani nə nə àlagɨ̀ pii pad di, nə ꞌwocn̰ gɨndəgɨ bədə. Me nə ꞌwocn̰ gɨndəgɨ bədə da, i dara nə kal dusɨn dɨwə bədə sɨn̰.

1 Timote 1:16

Yande pad kaw, Jesu Kris yər n̰agɨni ni, ɨndi gɨ nə i aba àla àcn̰a nan̰ ɗwaya kwandan bam di, dara gɨləgɨ gɨ nare, an̰ji ba i gun gaba ꞌwoo dɨw bam. An̰ji àlɨ̀n yande dara gɨləgɨ gɨ nare nə ɗan̰ ba kalna dusɨrəgɨ an̰ju gɨ Jesu dɨwə me ba ꞌywana nɨm gɨ bɨlə gaba dama gɨ dɨrəw bɨr̰ɨn̰ di.

Maktubu dɨnə Jak duwa 2:13

Dara gun gaba yara jaw n̰agɨni duwa bədə da, wála gɨ sariya lə da, Mãr̰ĩ kaw ha àlaw sariya dɨban yara gɨ n̰agɨni duwa me ca. Me aba yara jaw n̰agɨni duwa da, Mãr̰ĩ ha yara n̰agɨni duwa me ha àlaw gɨ sariya me ca.

Maktubu dɨnə Jak duwa 3:17

Ɗɨm da, gun gaba dɨrɨn̰ naa nə swaa Mãr̰ĩyə da, pii pa da, i gun gɨ dusɨw wusɨ me, i gun gɨ hára gɨ labiya me, i gun gɨ hɨlale me, i gun gaba dáya nare daa me, i gun gaba yara nare n̰agɨni day me ca. I gun gɨ àl mani nə lade me, i gun gɨ piy nare dɨrəgɨ bədə me, i gun gɨ wayna gwale gɨ bɨw da, dusɨw dɨ korgɨn̰ kaw, i jiga bədə me ca.