Matiyə 5:19 - Maktubu dɨnə Mãr̰ĩduwa gɨ bii gɨ chibne

¹⁹ Yande da, gun gɨ cilangɨna bii gɨ ꞌwoo di gɨ dwe hin̰e mɨn daa kwandaw dwar̰agɨ lə me gɨlnəgɨ nare ba cilangɨna daa me ca da, gun gɨ ta di, gɨ ha yaraw ba i gun gɨ ɓani kwandaw dwar̰agɨ lə ciri dɨ daa lə. Me gun gɨ yɨnə bii gɨ ꞌwoo di me gɨlnəgɨ nare ba yɨnə me ca da, an̰ji gɨ ha yaraw ba i gun gɨ geche ciri dɨ daa lə.

Matiyə 5:19 ပူးပေါင်းရင်းမြစ်များ

Matiyə 11:11

Dwayna, nə wayang i gwale sɨw: Mana gɨ nare nə namde yə̀gɨ dodə sɨn̰a dɨdə ka dwar̰agɨ lə da, gun mɨn gɨ geche gaba ɗwaya Jã gaba àlagɨ́ nare batem bam da, ilə bədə. Me wála gɨ caga ka lə da, gun ina gɨ pəgɨn̰ me kalna Mãr̰ĩ lamna dwãr̰ĩ dɨwə da, an̰ji i gɨ geche ɗoy Jã di bam.

Matiyə 19:28

Jesu waygɨ ba da: «Dwayna, ꞌyeni nə anə pama tarɨn di, nə wayang i gwale sɨw: Wála gɨ Mãr̰ĩ dara cwaa daa me sɨn̰a me dɨrway da, ɨndi gɨ Gun gorndɨw di nə ha dama mana gɨ gage ni gɨ dwãr̰ĩ gaba sumiyə di. Mwom da, ꞌyeni di kaw, anə ha dama gagege nə dwãr̰ĩ nə mwaj dii sɨrrə àlagɨ́ nare nə Israyel gangle day gɨ mwaj dii sɨr di sariya.

Matiyə 20:26

Me bulə dannə da, kal ina yande bədə. Ladni duwa da, gun gɨ ùrnə ba a ina geche dan da, kal a ina aba kɨjəgɨ kwandaw.

Matiyə 28:20

Gɨlnəgɨ kalgɨ gɨ àlna bɨn gɨ nə wayang gandɨw di bá bá. Me dwayna: Ɨndi da, nə ilə gandang gɨ wála wála bɨraa dɨr̰ɨn̰a ꞌyan̰a dɨra lə bá.»

Maana dɨnə Jesu duwa dɨ Luk jangɨdɨ 1:15

An̰ji ha gɨdə i gun gɨ geche mana gɨ Aba ciri gɨ Mãr̰ĩ dɨrəwə. An̰ji ha chàa gani gɨ yabɨr̰a yàa duwa bədə me, gani gɨ man̰e kaw, an̰ji ha ɓɨlə bɨwə bədə bɨr̰ɨn̰ me ca. Dúndi dɨnə Mãr̰ĩ duwa me ha ꞌwana dusɨw daa mana gɨ an̰ji wor nɨm iw nudədɨ lə jang sɨn̰.

Maana dɨnə Jesu duwa dɨ Luk jangɨdɨ 11:42

ꞌYeni nə Parise da, wamani ha ꞌywange! Dara chemde nə ɓani ɓani woni bwaa bɨ̀ra lə kaw, nə nyamna mwaj da, anə ɓɨr̰ɨ bɨdəgɨ mɨn mɨn hára ꞌyàw Mãr̰ĩ com mɨnang, ɨr̰ɨ cor anə gɨn̰ yəə gɨ kwandang nare gɨ bɨrmə duwa ladɨ bam me, anə gɨn̰ ùrə gɨ Mãr̰ĩ gɨ dusɨrəng mɨn bam me ca. Ɓag da, dee anə ha àla i mani nə ta di do me anə ha àla nə ɗang nə wor di sɨn̰.

Maana dɨnə Jesu duwa dɨ Luk jangɨdɨ 9:48

me, waygɨ da: «Gun gɨ yɨnə dwe gɨ ꞌyəng gɨ ta di gɨ dwani gɨ sumɨn da, yɨn i ɨndi gɨ dwani me, gun gɨ yɨnən ɨndi gɨ dwani da, yɨ i aba giyən di me ca. Dwayna, gun gɨ àsɨna dɨw dodə ꞌyeni nə pad ka di dwar̰angə da, i gun gɨ geche an̰ju.»

1 Timote 6:11

Ɨjɨm, gun gɨnə Mãr̰ĩ duwa da, kal hura sɨm mana gɨ mani nə àcn̰e nə ta di lə ɗi, kan̰jɨ bɨrmə dara kal mə gɨdɨ gun gɨ tɨba mana gɨ Mãr̰ĩ dɨrəwə me, kɨbɨ bɨrmə duwa me, kal dusɨm dɨwə jang me, ùr jam gun me, mani ꞌywanam da, u dɨm bam me, kal dusɨm hɨlal me ca.