Matiyə 5:11 - Maktubu dɨnə Mãr̰ĩduwa gɨ bii gɨ chibne

¹¹ ꞌYeni da, mana gɨ nare cadɨbɨnang labaa, gɨlnəng dɨrəng labaa, sabɨnang gwale gɨ kulagɨ jiga jiga bwanang dɨdəngə dara ɨndi gɨ Jesu da, anə dam i gɨ sii ꞌywala.

Matiyə 5:11 ပူးပေါင်းရင်းမြစ်များ

Matiyə 10:18

Gɨ ha hára gandang woni wama ciri dɨrəgɨ lə me dolgə dɨrəgɨ lə me dara daran ɨndi. I ta di me anə ha biyəgɨ gɨ gwale gɨ nə wayɨw me mani nə nə àlgɨ di me mana gɨ cendi dɨrəgɨ lə, me mana gɨ nare nə i Juwib bədə dɨrəgɨ lə me ca.

Matiyə 10:22

Nare pad ha ɨlənge dara daran ɨndi. Me gun gɨ yɨnə sɨw wàyna kalna dusɨw dɨnnə bɨraa ꞌyan̰a lə da, Mãr̰ĩ ha ꞌyàw bɨlə.

Matiyə 10:25

Aba gɨrsə mani cwarna gɨdɨnə ya aba gɨləw mani di de da, sɨw ha ꞌywalawe. Me kwaya cwarna gɨdɨnə ya aba ciri duwa di de da, sɨw ha ꞌywalawe me ca. Gɨ waynaw aba ciri ba an̰ju ba i Sidan da, nare duwa nə kɨrə da, gɨ ha ꞌwagagɨ day man mo?»

Matiyə 10:39

Gun gɨ ùrnə bɨlə gɨ sɨw duwa dodə sɨn̰a dɨdə ka da, an̰ji ha nwala bɨlə duwa gaba dama gɨ dɨrəw bɨr̰ɨn̰ di i bam, me gun gɨ gɨn̰ɨnə bɨlə gɨ sɨw gɨ sɨn̰a dɨdə ka di bam dara daran ɨndi da, an̰ji ha ꞌywaa bɨlə gaba dama gɨ dɨrəw bɨr̰ɨn̰ di le.»

Matiyə 19:29

Nare pad nə swaa kala ciri day, labaa chamragɨ nə abje labaa nə namde, labaa abɨragɨ labaa igɨrəgɨ, labaa dɨndɨragɨ labaa dàge day bam dara sumɨn ɨndi da, cendi ha ꞌywaa mani nə ta di dii aru me ha ꞌywaa bɨlə gaba dama gɨ dɨrəw bɨr̰ɨn̰ di le me ca.

Matiyə 24:9

Mana gɨ ta lə da, gɨ ha gɨləng dɨrəng me gɨ ha ꞌyáng bam me ca. Nare nə gɨndəgɨ jiga jiga pad ha ɨlənge dara daran ɨndi.

Matiyə 27:39

Nare nə ha jə̀ gɨ lə ta di gɨgdɨ dɨdəgɨ, me àl Jesu məng me wayɨw ba da:

Markɨ 13:13

Nare pad ha ɨlənge dara daran ɨndi. Me gun gɨ yɨnə sɨw wàyna kalna dusɨw dɨnnə bɨraa ꞌyan̰a lə da, Mãr̰ĩ ha ꞌyàw bɨlə.»

Markɨ 13:9

ꞌYeni di, àsɨna angal dan ladɨ le! Gɨ ha yɨbəng ꞌyàgɨ́ woni àla sariya nənə nare nə Juwib day ɨsɨragɨ lə, gɨ ha gwabang mana gɨ kululi day woni amsa Mãr̰ĩyə, gɨ ha hára gandang woni wama ciri dɨrəgɨ lə me dolgə dɨrəgɨ lə me dara daran ɨndi. I ta di me anə ha biyəgɨ gɨ gwale gɨ nə wayɨw me mani nə nə àlgɨ di me.

Markɨ 4:17

me kal gwale di bo sabɨraw dusɨrəgɨ lə bədə. Cendi i nare nə yɨ sɨdəgɨ woy bədə. Mana gɨ wamani ꞌywanagɨ, labaa nare gɨlnəgɨ dɨrəgɨ dara gwale gɨnə Mãr̰ĩ duwa mwom da, cendi so kaláng gɨn̰ gwale gɨnə Mãr̰ĩ duwa di bam.

Markɨ 8:35

Gun gɨ ùrnə bɨlə gɨ sɨw daa sɨn̰a dɨdə ka da, an̰ji gɨn̰ bɨlə gaba dama gɨ dɨrəw bɨr̰ɨn̰ di bam. Me gun gɨ gɨn̰ɨnə bɨlə duwa gɨ sɨw sɨn̰a dɨdə ka bam daran ɨndi me dara Nõ dɨ lade di me da, an̰ji ha ꞌywaa bɨlə gaba dama gɨ dɨrəw bɨr̰ɨn̰ di le.

Maana dɨnə Jesu duwa dɨ Luk jangɨdɨ 21:12

Mani nə ta di ha àlala le. Me pii pa dɨrəgɨ lə da, gɨ ha yɨbəng gɨləng dɨrəng me, gɨ ha hára gandang kululi woni amsa Mãr̰ĩ nənə nare nə Juwib dayyə bwang gwale dɨdəngə me, gɨ ha bwang dangeyə me ca. Gɨ ha hára gandang dolgə dɨrəgɨ lə me woni wama ciri dɨrəgɨ lə me dara daran ɨndi.

Maana dɨnə Jesu duwa dɨ Luk jangɨdɨ 21:17

Nare pad ha ɨlənge dara daran ɨndi.

Maana dɨnə Jesu duwa dɨ Luk jangɨdɨ 6:22

Mana gɨ nare ɨlnəng labaa, ꞌywarnang bam sɨdəgɨ lə labaa, cadɨbɨnang labaa, myandɨnang sumdəng bam dara ɨndi gɨ Gun gorndɨw da, anə dam i gɨ sii ꞌywala.

Maana dɨnə Jesu duwa dɨ Luk jangɨdɨ 9:24

Dara gun gɨ ùrnə bɨlə gɨ sɨw duwa dodə sɨn̰a dɨdə ka da, an̰ji ha nwala bɨlə duwa gaba dama gɨ dɨrəw bɨr̰ɨn̰ di bam, me gun gɨ gɨn̰ɨnə bɨlə duwa gɨ sɨn̰a dɨdə ka di bam dara daran da, an̰ji ha ꞌywaa bɨlə gaba dama gɨ dɨrəw bɨr̰ɨn̰ di le.