Matiyə 5:10 - Maktubu dɨnə Mãr̰ĩduwa gɨ bii gɨ chibne

¹⁰ Nare nə gɨ gɨlgɨ dɨrəgɨ dara cendi ba àl mani nə tɨba Mãr̰ĩ dɨrəwə da, dam i gɨ sii ꞌywala, dara ciri dɨ daa da, i day cendi.

Matiyə 5:10 ပူးပေါင်းရင်းမြစ်များ

Matiyə 10:23

Mana gɨ gɨ gɨlnəng dɨrəng ciri dɨ mɨnnə da, cɨmnə hana dɨ ɗangə. Dwayna, nə wayang i gwale sɨw: Mana gɨ ɨndi gɨ Gun gorndɨw di, nə cwarnay hane da, anə ha harba ciri dɨ Israyel lə di pad bədə sɨn̰.

Matiyə 19:14

Me Jesu duwa da, cor waygɨ woni gɨrsə gwale duwa di ba da: «Kalne dine di gɨ hane ꞌywanan, ɨmnəgɨ bam bədə. Dara i nare nə wun ya cendi de me nem dɨmə hára ciri dɨ daa lə di cendi.»

Matiyə 25:34

Targɨn̰ ɗang da, dole di ha wayagɨ cendi nə ɨsəw gɨ abeyə di ba da: “ꞌYeni nə Aban gɨ Mãr̰ĩ biy bɨw dɨdəngə di, hane damna ciri dɨ Mãr̰ĩ lam gɨ dwãr̰ĩ duwa lə. Ciri dɨ ta di, i dɨba dan dɨ an̰ji ɗangr̰ang gandɨdɨ ɓɨgden̰ diyə gɨ sɨn̰a gɨndɨdɨ lə bá.

Matiyə 5:3

«Nare nə ꞌwocn̰ dusɨrəgɨ lə dara ba gɨ i nə bugɨr pəgɨn̰ Mãr̰ĩ dɨrəwə da, dam i gɨ sii ꞌywala, dara ciri dɨ daa da, i day cendi.

Markɨ 10:14

Mana gɨ Jesu ba a yər yande da, dusɨw naw me, waygɨ ba da: «Kalnay dine di gɨ hane ꞌywanan, ɨmnəgɨ bam bədə. Dara i nare nə wun ya cendi de me nem dɨmə hára ciri dɨnə Mãr̰ĩ duwa lə di cendi.

Markɨ 10:30

Mãr̰ĩ ha bwaw gun gɨ ta di mani nə pad ta di lə diiyə dii aru caga dama duwa gɨ sɨn̰a dɨdə ka: nə ciri, nə chamraw nə abje me nə namde me, nə igɨrəw me, nə dine, nə dàge me ca. Gun gɨ ta di, ha gɨlə i dɨrɨn̰ me ca. Me ɗan̰ sanga da, an̰ji ha ꞌywaa i bɨlə gaba dama gɨ dɨrəw bɨr̰ɨn̰.

Maana dɨnə Jesu duwa dɨ Luk jangɨdɨ 21:12

Mani nə ta di ha àlala le. Me pii pa dɨrəgɨ lə da, gɨ ha yɨbəng gɨləng dɨrəng me, gɨ ha hára gandang kululi woni amsa Mãr̰ĩ nənə nare nə Juwib dayyə bwang gwale dɨdəngə me, gɨ ha bwang dangeyə me ca. Gɨ ha hára gandang dolgə dɨrəgɨ lə me woni wama ciri dɨrəgɨ lə me dara daran ɨndi.

Maana dɨnə Jesu duwa dɨ Luk jangɨdɨ 22:29

I dara ta di me dwãr̰ĩ dɨ Aban gɨ Mãr̰ĩ ꞌyàn gandɨdɨ di, ɨndi di kaw, nə ꞌyàng gandɨdɨ me ca.

Maana dɨnə Jesu duwa dɨ Luk jangɨdɨ 6:20

Ɨr̰ɨ Jesu co dɨrəw yər woni gɨrsə gwale duwa me waygɨ ba da: «ꞌYeni nare nə bugɨr da, anə dam i gɨ sii ꞌywala, dara anə nem dɨmə hára ciri dɨnə Mãr̰ĩyə ꞌyeni.

Maana dɨnə Jesu duwa dɨ Luk jangɨdɨ 6:22

Mana gɨ nare ɨlnəng labaa, ꞌywarnang bam sɨdəgɨ lə labaa, cadɨbɨnang labaa, myandɨnang sumdəng bam dara ɨndi gɨ Gun gorndɨw da, anə dam i gɨ sii ꞌywala.

Maktubu dɨnə Jak duwa 1:12

Gun gaba yəə sɨw waya mɨjag mana gɨ mani woni gɨrsəw dwar̰agɨ lə da, dam i gɨ sii ꞌywala. Dara mana gɨ an̰ji ɗwayna wamani di bam mwom da, ha ꞌywaa kwan̰e gɨ i bɨlə gaba dama gɨ dɨrəw bɨr̰ɨn̰ gɨ Mãr̰ĩ u bɨw way dara ba a ha ꞌyàgɨ́ nare woni ùrəw di.

Maktubu dɨnə Jak duwa 5:11

Sii ꞌywala di i dara nare woni ꞌwoo dɨdəgɨ bam ya ta de di day. Anə doy maana dɨnə Job duwa me yəə duwa gɨ sɨw mana gɨ wamani gɨ ꞌyow dalawə me, bədə mo? Anə ꞌwocn̰ mani nə lade nə Aba ciri gɨ Mãr̰ĩ àl gandɨw targɨn̰. Əw, Aba ciri gɨ Mãr̰ĩ di àl yande dara an̰ji i gun gɨ dusɨw ladɨ nan̰e me, i aba yara nare n̰agɨni day me ca.