Matiyə 14:13 - Maktubu dɨnə Mãr̰ĩduwa gɨ bii gɨ chibne

¹³ Mana gɨ Jesu doy gwale gɨ ta di da, so day gɨ nə woni gɨrsə gwale duwa kal mana gɨ ta di bam me, dam bɨrwa lə dara ba gɨ ha nɨm bam mɨ́ndagɨ, hən̰ gɨ nare. Me nare nə gɨr̰e doy gwale duwa me ɓɨr̰ɨn̰ ciriyə jiga jiga pam tarɨw gɨ gɨdɨragɨ.

Matiyə 14:13 ပူးပေါင်းရင်းမြစ်များ

Matiyə 10:23

Mana gɨ gɨ gɨlnəng dɨrəng ciri dɨ mɨnnə da, cɨmnə hana dɨ ɗangə. Dwayna, nə wayang i gwale sɨw: Mana gɨ ɨndi gɨ Gun gorndɨw di, nə cwarnay hane da, anə ha harba ciri dɨ Israyel lə di pad bədə sɨn̰.

Matiyə 12:15

Me mana gɨ Jesu ba a doy dara cendi ma gwale ba gɨ ꞌyəwe mwom da, an̰ji cɨm kal mana gɨ ta di bam me yá. Ɨr̰ɨ, nare nə gɨr̰e nan̰ pam tarɨw me, an̰ji so nare nə mwom daa dwar̰agɨ lə pad.

Matiyə 14:12

Woni gɨrsə gwale gɨnə Jã duwa hára u kumbɨ duwa ha nɨm mõõ dodə. Ɨr̰ɨ cendi hargɨ cɨməw Jesu mani nə àlal di.

Markɨ 1:35

Sanga gɨ mana pɨr, mana wor ur̰ɨn̰e sɨlɨm sɨn̰ da, Jesu so gandɨ ha bam dɨn dwar̰ɨ lə mɨnaw, me an̰ji dam amsɨ gɨ Mãr̰ĩyə.

Maana dɨnə Jesu duwa dɨ Luk jangɨdɨ 4:42

Mana gɨ mana ba a wal bam mwom da, Jesu so ha bam dɨn dwar̰ɨ lə mɨnaw. Me nare nə gɨr̰e nan̰ bɨr̰ɨn̰ kan̰jɨw me gɨra ha ꞌywaw. Mwom da, cendi ùr ba gɨ ɨməw dodə dara an̰ju ba hana kalnagɨ bam bədə.