Matiyə 12:18 - Maktubu dɨnə Mãr̰ĩduwa gɨ bii gɨ chibne

¹⁸ Yarna aba àlan giyə ni, nə biyəw me, dusɨn ùrɨw nan̰e. Nə chɨ́w Dúndi ni mana gɨ dɨwə, me an̰ji ha gɨləgɨ nare nə sɨn̰a gɨndɨdɨ lə pad bɨrmə gɨ lade tɨba.

Matiyə 12:18 ပူးပေါင်းရင်းမြစ်များ

Matiyə 12:17

Ta di me i mani nə tanga Aba ciri gɨ Mãr̰ĩ wayɨw aba cɨmə bɨw gɨ Esayi gwale day di me yala àlal kɨrab. An̰ji waya ba da:

Matiyə 17:5

Mana gɨ an̰ji ilə waya gwaleyə sɨn̰ da, siyaya gɨ ꞌyogde biyara mugɨ daa kɨdab me cendi doy gwale nɨm siyaya dalawə ba da: «Ta di me i gorndɨn. Dusɨn ùrɨw nan̰e me, sɨn ꞌyolɨn dɨwə me ca. Dwayna gwale duwa!»

Markɨ 1:11

Gwale nɨmə daa siyaya dalawə ba da: «Ɨjɨm da, mə i gorndɨn. Dusɨn ùrɨm nan̰e, me sɨn kaw ꞌyolɨn dɨmmə me ca.»

Markɨ 9:7

Ɨr̰ɨ cendi yər siyaya mugɨ daa kɨdab, me doy gwale nɨm siyaya di dalawə way ba da: «Ta di me i gorndɨn, dusɨn ùrɨw nan̰e. Dwayna gwale bɨwə!»

Maana dɨnə Jesu duwa dɨ Luk jangɨdɨ 23:35

Nare nə gɨr̰e di ɗɨbdɨ tulɨwə me ilə yara gɨ mani nə ilə àlala lə di. Me gechide nənə nare nə Juwib day da, àlɨ̀w məng way ba da: «An̰ji kɨdə nare nə ɗang daa, yande da, a ina i Dole gɨ Mãr̰ĩ biyəw gɨ Kris di an̰ju ꞌyang da, kal a kɨdɨnə sɨw duwa daa an̰ju gang!»

Maana dɨnə Jesu duwa dɨ Luk jangɨdɨ 3:22

me dúndi dɨnə Mãr̰ĩ duwa chə́ə gɨ sɨdɨ dɨra wun ya kogəl de, gɨra chɨ́ dɨwə. Mana gɨ ta lə di dog da, gwale nɨmə daa siyaya dalawə ba da: «Ɨjɨm da, mə i gorndɨn. Dusɨn ùrɨm nan̰e, me sɨn kaw, ꞌyolɨn dɨmmə me ca.»

Maana dɨnə Jesu duwa dɨ Luk jangɨdɨ 4:18

«Dúndi dɨnə Aba ciri gɨ Mãr̰ĩ duwa ilə gandɨn, dara an̰ji biyən tidɨrɨn swani dɨnnə dara ba nə waynagɨ nare nə bugɨr nõ dɨ lade. An̰ji giyən dara ba nə hane waynagɨ kòy nə gɨ layagɨ sayyə cendi ba ha kɨrara i daa ɗɨm me, an̰ji giyən dara ba nə hane waynagɨ nare nə dɨrəgɨ bu, cendi ba ha yara mana me, nare nə kwandagɨ gɨlgɨ dɨrəgɨ kaw, ba nə ha kɨdəgɨ daa me ca.

Maana dɨnə Jesu duwa dɨ Luk jangɨdɨ 9:35

Gun mɨn mar̰ɨjaw nɨmə daa siyaya lə ba da: «Ta di me i gorndɨn, i an̰ji me nə biyəw. Dwayna gwale bɨwə!»

Epes 1:6

An̰ji àl yande dara ba də ꞌwagɨnaw ɨnda gɨ jilay dara dusi duwa dɨ lade nan̰ dɨ ɗoy mani bam pad dɨ an̰ji àl ganandɨ pəgɨn̰ di. An̰ji ꞌyàndɨ dusi dɨ lade pəgɨn̰ di i dara də ɓamarang daa mɨn gɨ gorndɨw gɨ an̰ji ùrɨw nan̰ di.