Markɨ 9:13 - Maktubu dɨnə Mãr̰ĩduwa gɨ bii gɨ chibne

¹³ Ɓag da, nə wayang daa: Eli di da, an̰ji gɨra ɗɨm, me nare àlɨ́w mani pad nə dɨrəgɨ ùr. I ta di me gwale gɨ gɨ jangɨw lə mana gɨ Maktubu dɨnə Mãr̰ĩyə pii dara daraw di, yala àlal nɨm.»

Markɨ 9:13 ပူးပေါင်းရင်းမြစ်များ

Matiyə 11:14

Me anə ùrnə banə kalna dusɨrəng gwale ni dɨwə da, Eli gɨ gɨ way gwale duwa ba hára lə di, i Jã.

Markɨ 9:12

Mwom da, Jesu waygɨ ba da: «I sɨdɨ. Eli di hára lə bá dara ɗangr̰a gɨ mani pad gɨ bɨrmə day. Inam yande da, i man me gɨ jangɨ Maktubu dɨnə Mãr̰ĩyə way ba Gun gorndɨw di ba ha gɨlə dɨrɨn̰ nan̰e, me ba gɨ ha gɨn̰əw bam me mo?

Markɨ 9:14

Mana gɨ Jesu day gɨ nə woni gɨrsə gwale duwa nə subu di cwaragɨ yala mana gɨ woni gɨrsə gwale duwa nə wor dodə di sɨdəgɨ lə ib da, cendi yər nare nə gɨr̰e nan̰ ilə gandagɨ liwgɨ daa, me woni gɨlə bii gɨ ꞌwoo gɨnə Moyis duwa kaw, ilə gaga gwaleyə gandagɨ.

Maana dɨnə Jesu duwa dɨ Luk jangɨdɨ 1:17

An̰ji ha hára pii Aba ciri dɨrəwə dara ɗangr̰aw bɨrmə. An̰ji ha àla giyə duwa i gɨ dwana dɨnə aba cɨmə Mãr̰ĩ bɨw gɨ Eli duwa, me gɨ dusi dɨ wun ya duwa de me ca. An̰ji ha àla yande dara dáya dine day gɨ nə abɨragɨ daa mɨn dara gwale day ba bwarna, me dara cwaa gɨ nare woni gɨn̰ə Mãr̰ĩ bɨw bam, ba cwana ɨrmə day dara ba ùrnə àla gɨ mani nə tɨba Mãr̰ĩ dɨrəwə me ca. Yande da, an̰ji ha ɗangr̰a nare ba ɗɨbɨnə ib dara yəə gɨ Aba ciri gɨ Mãr̰ĩ sɨdəgɨ lə.»