Markɨ 7:17 - Maktubu dɨnə Mãr̰ĩduwa gɨ bii gɨ chibne

¹⁷ Ɓam mwom da, Jesu so kal nare nə gɨr̰e di dodə me ha ulay. Me woni gɨrsə gwale duwa cor ùrɨw gwale gɨ diri gɨ an̰ji dee wayaw caga ka di gɨndɨw.

Markɨ 7:17 ပူးပေါင်းရင်းမြစ်များ

Matiyə 13:10

Mwom da, woni gɨrsə gwale gɨnə Jesu duwa di chidɨbə Jesu sɨwə ib ib me ùrbɨw ba da: «I dana me mə gɨlgɨ nare mani di i gɨ gwale gɨ diri mo?»

Matiyə 13:36

Targɨn̰ ɗang da, Jesu di so kal nare nə gɨr̰e di ɗɨm me ha gɨr ulay. Mwom da, woni gɨrsə gwale duwa hára tulɨwə ib me wayɨw ba da: «Biynin gwale gɨnə barɨm gɨ daga lə di gɨndɨw daa.»

Matiyə 15:15

Mwom da, Piyer wayɨw Jesu ba da: «Biynin gwale gɨ diri gɨ ta di gɨndɨw daa.»

Markɨ 2:1

Mana gɨ Jesu àla wála ɓani bam di mwom da, an̰ji swaa cwara hára mana gɨ ciri dɨ Kapernom bi. Me mana gɨ nare ꞌwocn̰ dara an̰ji ba yala lə kɨrə da,

Markɨ 3:20

Targɨn̰ ɗang bi da, Jesu day gɨ nə woni gɨrsə gwale duwa cwara hára ulay. Nare nan̰ ɗang bi hára dayar gandɨw. Me Jesu day gɨ nə woni gɨrsə gwale duwa ꞌyo bɨrmə gaba wama mani nə wama bədə.

Markɨ 4:10

Ɨr̰ɨ Jesu day gɨ nə woni gɨrsə gwale duwa nə mwaj dii sɨr di me, nare nə yab nə ilə hára gandɨwə sɨn̰ di me gɨrgɨ bam tulɨn̰yə ched da, cendi so ùr Jesu gwale duwa gɨ an̰ji wayɨw gɨ diri di gɨndɨw.

Markɨ 4:34

Inam i nare nə gɨr̰e da, dɨban gwale gɨ diri da, Jesu tɨn̰ bɨw waygɨ gwale bədə bɨr̰ɨn̰, me mana gɨ an̰ji inə mɨ́ndagɨ gɨ woni gɨrsə gwale duwa da, an̰ji biygɨ gwale gɨ diri di gɨndɨw daa.

Markɨ 7:16

Gun gɨ sumdəw woni dwaya gwale ina lə da, kal a dwayna.]»

Markɨ 7:18

Me an̰ji waygɨ ba da: «ꞌYeni di kaw, anə i woni ꞌwacn̰a mani gɨndəgɨ bədə yande me mo? Mani nə swaa iche me gandɨ ha gun sɨwə da, nem cwaa gun gɨ ta di gɨ àcn̰e Mãr̰ĩ dɨrəwə bədə. Anə ꞌwocn̰ yande bədə ɓa?

Markɨ 9:28

Mwom da, Jesu so ha kɨrə. Me mana gɨ woni gɨrsə gwale duwa ilə gandɨw kɨrə mɨ́ndagɨ da, cendi ùrɨw: «I dana me nenin da, nə nyamanin ꞌywara dúndi dɨ ta di bam bədə mo?»